الأول السلام عليكم
ازيكم يا عصابة وحشتوني كتير
الموضوع و ما فيه أن أنتو أكيد عارفين موضوع كوبونات البنزين و الدعم
و أنا معايا فيكترا 2001 أوتوماتيك 2000 سي سي cdx و طبعا ايكوتيك
طبعا بعد موضوع الكوبونات العربية هتعملي مشكلة في سعر البنزين لأنها 2000 سي سي
أنا ادامي حلين
الحل الأول : ابيع العربية و أشتري أي حاجة تانية 1600
و الحل ده أنا مش مستلطفه لأن العربية دي ما تتعوضش و في نفس الوقت هأخسر فيها فلوس كتير
الحل التاني : و ده الي محتاج الى خبراء الخبراء
جاتلي فكرة أني أغير الموتور و أركبلها موتور 1600 ايكوتيك
أنا مش عارف اذا كان الحل ده عملي و ينفع يتعمل أصلا و لا لأ
دماغي عمالة تودي و تجيب
يا ترى لو ينفع أغير الموتور يا ترى هل المرور هيقبل ترخيصه و تبقى العربية 1600 و أقدر أخد كوبونات بنزين ؟
يا ترى التغيير ينفع و لا ما ينفعش من أصله ؟
يا ترى هاحتاج أغير حاجة تاني في العربية و لا لأ ؟ كنترول ؟ فتيس؟ دفيرة؟ مش عارف
طيب و باقي أوبشنز ال cdx زي التراكشن كنترول و مضاد الانزلاق و شاشة الأعطال ال 4 سطر هتشتغل و لا هتتلغي؟
طب الموضوع ممكن يتكلف كام؟
يا ترى العربية بعد التغيير هتبقى كويسة و لا هيبقى حالها ايه؟
هل هيبقى فيها مشاكل بعد التغيير؟
أنا يا عصابة في قمة الحيرة بقالي فترة
بجد محتاج مساعدتكم جدا
محتاج مساعدة خبراء الخبراء
المفضلات