اقتباس المشاركة الأصلية كتبت بواسطة Dragon78 مشاهدة المشاركة
ألف مبرووووووووووووووووك ياباشا .. ربنا يديك خيرها ويكفيك شرها وشر الطريق

بالنسبه لإنذار ماتركبش أي نوع طبعا

خليك في النوع بتاع التوكيل وزي ماقال العضو manfromegy نوعه جيمني إيطالي وفي التوكيل آخر مره سألت عليه كان 1450 ( مااعرفش ليه ) , بره التوكيل مش هاتلاقيه عند حد ولا حتى عند أدريان .. المكان الوحيد اللي تلاقيه فيه هو توكيل كلاريون وبيونير اللي في مصر الجديده وكان عامل 700 جنيه بالتركيب من فتره .

أنا سألت في التوكيل ينفع أجيبه وأركبه عندهم .. قالولي لأ ... واللي ردت عليا قالتلي اني ممكن أركبه بره لو نفس النوع ولو ماحصلش مشكله في الضفيره يبقى الضمان شغال أما لو لاقدر الله حصل حاجه هم مايعروفووووناش .

بس بصراحه أنا لسه ماوثقتش في كلامها .. خايف بعد مااروح أركبه يقولولي انت بره الضمان .. ع العموم لو تعرف تسأل كده ياريت تفيدني برضه معاك .

وألف مبروك عليك العربيه مره تانيه ياباشا .. وانصحك تعمل فرش جلد عشان العربيه ماتتبهدلش خساره .. خصوصا اني عرفت ان عندك أطفال زي حالاتي .. ولو عايز حد كويس ممن تروح عند جينز كار .
ومش هاوصيك لو احتجت أي حاجه كلنا هنا اخواتك .. وانا عربيتي موديل 2013 برضه معايا من 8 شهور .. أي استفسار انا في الخدمه ياباشا .

ألف ألف شكر يا أخ Dragon 78 ومبروك عليك العربية كمان و ربنا يديك خيرها و يبعد عنك شرها وأنا من اكتر المعجبين بمشاركتك اللى عملتها هنا و هى اللى شجعتنى أجيب اللانسر بعد ما كنت خلاص نويت على التيدا السيدان و ناوى اعمل بنصيحتك و حفرتكلى كام باكو على الفرش ( ناوى على جينز كار ) وحخليهم يعملوا عزل الأرضية كمان . ويمكن لو الميزانية سمحت اعمل حوار الزجاج الحرارى كمان لما يهل الحر جام د.