بسم الله الرحمن الرحيم
قررت انقل لكم ما تم فى صيانة العفشة الأمامية للاسترا 1600 "نفس عفشة 1200"
احب اشكر ا/ فادى كان معايه و رحنا جبنا قطع الغيار بعربيته و طبعا معروف انه رجوله
هضيف صور للقديم و الجديد
تم تغيير الأتى
1-مساعدين مايلى امامى ب 700 جنيه جديد و الاستيراد كان كامل ب 550 بس جبت جديد انضف



2-مسمارين ميزان "حديد" ب 100 صناعة تركى نظيف كان فى المانى بس فيبر و ب 180


3-بطاحات الواحده ب 65 تركى و كان فيه المانى 140 انا جبت التركى الجوز ب 120 نفس بتوع الفكترا البى


4-كوبيات بتركب تحت البطاحات و فوق المساعدين لقيت منهم جديد المانى الواحدة ب130 بس انا استغليتهم اوى جبت الأستيراد الواحده ب 50 يعنى الجوز عاملو 100


5-صدادات كوتش بتركب على عامود المساعد و دى مهمه اوى عشان لو كلت نقره المساعد ميقفلش للاخر و يسبب رزعه و كمان يطول من عمر المساعد و جبت بتوع الفكترا البى استيراد الجوز ب 60 وكانو جداد الواحده ب 100 المانى

6-غطاء فيبر صغير بيركب فى الحوض من فوق المساعد خدتهم فوق البيعة من بتاع الأستيراد

7-بيض التيش الخارجى جبت الجوز استيراد اصلى بحالة الزيرو الجوز ب 120 جديد فى حدود 250 الجوز

8- مصناعية الراجل طلب 80 جنيه اديتهم له

نحسب بقى التكاليف
700+100+120+100+60+120+80 = 1280

بصراحه تحول تام بسم الله ما شاء الله