انت فى مصر 2013

**AHMED_DINAMO** · 06-05-2013 07:29 PM

- لو سألت سواق تاكسى على عنوان وبدل ما يدلك قالك امشى ورايا .. يبقى مصرى.

وعلى فكرة ساعات بيغير اتجاهه عشان عنده رغبة صادقة يوصلك وخايف تتوه
- لو صليت فى مكان وبعد الصلاة اللى جنبك مد ايده وقالك تقبل الله.. يبقى مصرى
- إذا سمعته بعد أن يضحك كثيرا يقول " خير اللهم إجعله خير " .. فتأكد أنه مصرى ...
- لو إتصلت بيه فى التليفون , وقال لك من غير مناسبة " كل سنة وإنت طيب " .. فتأكد أنه مصرى
- لما تنزل تلاقى واحد ساند على عربيتك واول ما يشوفك يضحك ويقولك لا موأخذه يا باشا
- لو دخلت عليه وكان بياكل ولو حتى عيش وبصل لازم يقولك اتفضل الأكل ويعيدها عليك ثلاث أربع مرات
- و لما ركبه تخبط فى بعضها من الرعب و هو داخل القسم يعمل بطاقة الرقم القومى
هو ده مصرى
- و لما عربية تعمل حادثة فى الطريق الصحراوى أو الزراعى , و فى ثوانى تقف
لها خمسين عربية ينقذوا المصابين و يعدلوا العربيات و لو اضطروا يشيلوهم من
على الأرض .. هم دول المصريين
- لما تلاقى ناس بتقضى العيد فى المقابر مع حبايبهم اللى ماتوا يبقى أكيد فى مصر
- لما تلاقى سيدة فى الرايحة والجاية عمالة تدعى لأولادها وتخلى الدنيا
تدعيلهم... تبقى دي أم مصريهوطموحاتها وأحلامها الشخصية فى الحياة إن
ولادها يبقوا مبسوطين
- لو شفت واحد وقف فجأة و هو ماشى فى الشارع
و مد ايده على حتة عيش مرمية على الأرض وقام رافعها لراسه قبل مايحطها جنب
الرصيف... يبقى ده مصرى.
- لو شفت عامل اول ماخد اجرته قام رافعها لراسه و بص فوق و حمد ربنا قبل مايحط الفلوس فى جيبه ... يبقى مصرى.
-لو اديت لواحد فلوس وبدأ يعدها بصوت عالى وبدأ بقوله الله واحد .. ومع
الورقة الثانية : مالوش تانى، ومع الورقة الثالثة: العدد ثلاثة .. يبقى
أكيد مصرى ابن مصرى
- لو شاورت لتاكس ووقفلك فى نص الطريق عشان تركب حضرتك بمزاج يبقي أكيد مصرى
- لما تلاقى خناقة فى الميكروباس والأصوات عليت كل واحد فيهم بيحلف إنه يدفع للتانى ثمن التذكرة
- لما تلاقى ست البيت بتحوش برطمانات المربى الفاضية سنين طوال بدون استخدام يبقى أكيد دى مصريه
- لما يكون عندنا ضيوف ويسلموا عشان هيمشوا ويقفوا على الباب يتكلموا ساعه يبقوا مصريين مصريين
- لما تلاقى اننا شايلين اكياس من جميع الاشكال والالوان تحت المرتبه نبقى مصريين
- لما الكهربا تقتطع وكل العيال تبرأ وتفتح عينيها عالاخر عشان تشوف " والنور قاطع"
يبقي اكيد دول اطفال مصر
- ولما بطارية الريموت تفضى وتلاقى بدوس على الزرار جامد عشان يغير القناة يبقى أكيد مصرى
- لما تخبط على شقق الناس وتطلع تجرى تبقى أكيد مصرى
- ولما تلاقى شعب فى اكبر ازمه بيمر بيها ... مابينساش يضحك ويطلع افيهاااات
ويضحك اللى حواليه وكل العالم يتكلم عليه وعلى خفته
يبقى انت اكيد تقصد ... شعب مصر
- ولما فى الاخر تلاقى مفيش اى حاجه من ال فوق دى بئت تتعمل اعرف انك فى مصر 2013

**AHMED_DINAMO** · 06-05-2013 09:18 PM

المشاركة الأصلية كتبت بواسطة Shikh_Khaled

هههههههههههه

حمدا لله على السلامة يا بوحميد , واحشنا مشاركاتك الجميلة , أخبار الكلية إيه , ربنا يطمنا عليك

الله يسلمك يا شيخ خالد

والله ليك واحشه حضرتك

انا الحمدلله تمام وواخد أجازه اهو والحمدلله الدنيا حلوه وفى تطور فعلاً فى الداخليه وبالذات فى الكليه اقل دليل حملة اعرفنى صح ال كان مشارك فيها 20 طالب من الكليه وانا كنت واحد منهم فى زيارة حقوق عين شمس للكليه

**A7MED_PHARMA** · 09-05-2013 08:43 PM

والمصري
هو الوحيد
الوحيد إلي بيسب الدين
ولاحول ولاقوة الابالله

**Y a r i s** · 09-05-2013 09:47 PM

حمدالله على السلامة يا بوحميد
الغريب اني مشترك في الفيس بوك ف صفحة سورية وصفحة تونسية وليبيا وهكزا ... لقيت نفس الكلام ده مكتوب بس باللهجة السورية تحت عنوان. كيف تعرف السوريين حتى علقت ساعتها وقلت (( ياسلام طب ما احنا في مصر بنعمل كده برضو )) ولا هما بس السوريين الي اذا لقوا لقمة على الارض بيقوموا شيلنها وركننها على جنب ... وبعلمكم بقه احنا لو لقينا ورقه مرمية على الارض مكتوب عليها بسم الله الرحمن الرحيم. بنولع فيها على طول ايه رئيكم بقه ... المهم مفيش يومين بصيت لقيت نفس البوست ده. محطوط على صفحة احرار تونس على ما اتعقد. تحت عنوان (( كيف تعرف التونسهة )) الى ان انتهى بيهم المطاف ازاي تعرف انك في مصر :). .

بس علشان نكون اكثر دقه ووضوح ومميزين عن الاخريين :
١- لو كنت ماشي على طريق سريع هاي واي ولقيت واحد داخل عكس وطاسس نوروا العالي في عنيا يبقه انتا اكيد في مصر .
٢- لمن تشوف واحد راكن في نص الشارع وتوقف تقولوا. يا اخي اتقي الله وحضن. شوية على جنب علشان الشارع وراك وقف ... ويبصلك بكل ادب واخلاق ويقلك انشاء الله. وينفضلك تبقى انتا اكيد في مصر .
٣- لمن تبقى تايه وتيجي تسئل واحد عن العنوان. وقلك ايه الي جااااااااااااابك هنا وتوهك بزيادة. تبقى انتا اكيد في مصر .
٤- لمن تيجي تركن في اي حته. تشرب وتبل ريئك بكوبايت حاجة ساقعة. بعد حرقت دم اليوم كلوو. ويا دوبك جي تفتح قزازة الحاجة الساقعة وتقول بسم الله الرحمن الرحيم ولقيت واحد بيرفعلك مسحات عربيتك وجي يطوقلك العربية ويسنفرهالك بالفوطة الوسخة الي معاه تبقى انتا اكيد في مصر .

٥- لمن تكون واقف. في طبور. وتبص تلاقي واحد. جه رمى عليك السلام ودخل على الشباك على طول ويقلك هسؤلوا على حاجة ... او حتى يوقف جمبك مش وراك كانوا هياخود صورة جماعية ولا كانك في طابور ودور اساساً. تبقى انتا اكيد في مصر .
٦- وفي اخر اليوم لمن خلاص تتطفي النور وتخش تنام وتستغطى والساعة تبقى اتنين بالليل ويجي صاحب ابن جارك بالليل مكسل يطلع يخبط على صاحبوا ويقعد يكلكسلوا من تحت. ويصفرلوا وينده عليه لغايت ما يصحي امة لا إله الا الله تبقى انتا اكيييييد في مصر .
٧- ولمن تكون ماشي في شارع وتلاقي العربيات كلها بتهرب وبترجع ما رشدير وبتخش عكس وفي النهاية تتفاجئ ان في لجنة قدام. يبقى انتا اكيد في مصر .

كفايه كده بس انتوا اكيد عارفين اكتر مني ايمتى بتبقوا في مصر وايمتى بتبقوا في تونس هههههه

.. وتحياتي

**AHMED_DINAMO** · 10-05-2013 05:24 AM

المشاركة الأصلية كتبت بواسطة s o p h o s

كلام جميل زي الموضوع ..

حبيبى مشكووور على المرور :)

**AHMED_DINAMO** · 10-05-2013 05:25 AM

المشاركة الأصلية كتبت بواسطة a7med_pharma

والمصري
هو الوحيد
الوحيد إلي بيسب الدين
ولاحول ولاقوة الابالله

هههههههه نسيت اكتبها دى معلش

-

-

-

الموضوع: انت فى مصر 2013

LinkBack

أدوات الموضوع

عرض

-

-

المواضيع المتشابهه

سيارة من 100 الي 120 الف( اكسنت 2013 ولا تيدا 2013 ولا صني 2013 )

نيسان بلوبيرد (جميع الكماليات) 2013 ولا استرا سيدان كوزمو 2013

نيسان بلوبيرد (جميع الكماليات) 2013 ولا استرا سيدان كوزمو 2013

نيسان بلوبيرد (جميع الكماليات) 2013 ولا استرا سيدان كوزمو 2013

مقارنة بالفيديو بين فورد موستانج 2013 و هيونداى جينيسيس كوبيه 2013

الكلمات الدلالية لهذا الموضوع

المفضلات

المفضلات

ضوابط المشاركة