الموضوع: مفاضلة بين موديلات السكوتر sym

المشاركة الأصلية كتبت بواسطة m_abdelrahman

أستاذ محمد جمال أحذر من الهوندا الإليت مش عشان الهوندا ماركة وحشة بالعكس دي ماركة ليها أسمها في الموتسيكلات و خاصة الريس.
الأسكوتر ده 125 سي سي و أرتفاعه عن الأرض قليل.
لو ركبت 150 سي سي يكون أفضل.
هو سعره جديد 9600 جنيه.
بالنسبة لل sym الفروق دي موجودة فعلا مش كلام أنا راكب سيمفوني و شفت كل sym الفيدل و الجيت 4 و السيمفوني و ال vs اللي بيجي من تيوان كمان.
الفرامل زي ما قال أستاذ محسن ديسك ورا و قدام و المساعدين موجودين بالفعل ممكن يكون الموتور بتاعهم واحد لأن أصلا كلهم 150 سي سي بس الفروق موجودة.
و حضرتك أتفرج عليهم على الواقع كمان و خلي صاحب المعرض يفرجك و يشرحلك الفرق بالتفصيل و أسأل عن أي حاجة عاوز تعرفها عشان حضرتك هتدفع فلوس و لازم تكون مقتنع باللي هتشتريه بدل ما تيجي تندم و بدل متفرح بيه تضايق.

اتفرجت واشتريت منين عشان انا مش عارف اتفرج ولا اشترى

يا جماعة
ابو حوا خد توكيل sym من توب سبيد اللى فى التجمع
ودلوقتى ابو حوا هو توكيل sym
وتوب سبيد عنده بس بعض قطع الغيار المتبقية من قبل كده

المشاركة الأصلية كتبت بواسطة joker_klen

طيب رقم ابو حوا كام وفين مكانه ؟؟؟؟؟؟؟؟؟

شارع بولاق الجديد
بولاق ابو العلا

يا شباب بسبب المعلومة الغلط دى روحت و لفيت ع الفاضى
ال sym دلوقتى توكيل حلاوة اللى فى شبرا و بيتباع فى المعارض الموزعين
يعنى اللى عايز يسال على السكوتر ده يتصل بتوكيل حلاوة و يساله عن اقرب موزع للسكوتر فى منطقتك او قريب منك
و كمان ابو حوا منزل سكوتر تحفة فى الشكل مش لاقى صورته بس انزلوا فى بولاق ابو العلا هتلاقوه و مشكلته انى مش لاقى ليه قطع غيار غير عند ابو حوا نفسه اسمه ساكسز او حاجة شبه كده هو تصميم المانى و طبعا صناعة صينى فالبياعين بيقولوا المانى ( نفض للكلمتين دول للبياع ) المهم انا محتار بين السكوتر بتاع حلاوة rym اى كان موديله او السكوتر بتاع ابو حوا الجديد و هموت و اجيبه قسط ماعيش فلوس دلوقتى
بالتوفيق للجميع

لقيت صورتها
طبعا دى بتاعة ابو حوا الجديدة