مستوي زيت الموتور وزيت الفرامل في الاسكورت

ازيكم يا شباب ،
النهاردة كشفت علي زيت الموتور لقيت العلامة بين الحد الادني والاقصي هل ده طبيعي لان العلامة كانت علي الاقصي من شهر ونص تقريبا
مع العلم ان مفيش اي تسريب والمكنة مبتسخنش بس انا مقلق وعايز اعرف ده طبيعي ولا لاء


تاني حاجة زيت الفرامل كان علي الماكس ساعة ما جبت العربية ، لما كشفت عليها لقيتة نزل وبقي النص بين الماكس والآدني خلال شهر ونص ، ده طبيعي ، مع العلم ان الفرامل كويسة ومعرفش في تسريب ولا لاء

لو في اي اجراء ممكن اعمله علشان افهم لو في عطل اصلحة لأني بسافر كتير وعشان ابقي فاهم لو روحت لأي ميكانيكي :120146b لا قدر الله

العربية فى الشهر ونص مشيت كام ك ؟
نوع زيت الموتور اية؟
ممكن يكون الموتور خفيف شوية ؟
بالنسبة لزيت الفرامل المفروض ماينقصش ابدا الا بعض الملليات لو التيل اتاكل انما كده واضح ان فيه تسريب من الأفضل انك تكشف على الفرامل وتغيير زيت الفرامل كله وتحط زيت فرامل شل dot .4 طالما لسة شارى العربية وتغيير زيت الفتيس كمان ومبروك على العربية !!

السلام عليكم
مش تسريب جامد يخليك تقلق اعتقد مع الحر واستهلاك الزيت بيكون في نقص قليل جدا شوف بنفسك الاجزاء المحيطة بالمتور وتحت العربية وهي راكنة لو في زيت بينقط سواء من المتور او الكرتيرة او زيت باكم عند العجل لو مفيش بص كل اسبوع علي المقياس ولو نقص يبقي في مشكلة لو لا يبقي مجرد بخر عادي

شكرا لردودكم يا شباب
بعد الكشف لقست غطاء التاكيهات عامل تسريب خفيف مكنتش شايفه بقاله مده علشان كده اثر علي مستوي زيت الموتور

الفرامل سليمة الحمد لله ، هزود الزيت وهشوف التغيير مع الوقت .

اقتباس:

---

المشاركة الأصلية كتبت بواسطة aw2100

العربية فى الشهر ونص مشيت كام ك ؟
نوع زيت الموتور اية؟
ممكن يكون الموتور خفيف شوية ؟
بالنسبة لزيت الفرامل المفروض ماينقصش ابدا الا بعض الملليات لو التيل اتاكل انما كده واضح ان فيه تسريب من الأفضل انك تكشف على الفرامل وتغيير زيت الفرامل كله وتحط زيت فرامل شل dot .4 طالما لسة شارى العربية وتغيير زيت الفتيس كمان ومبروك على العربية !!

---

العربية مشيت خوالي ٢٠٠٠ كيلو وحاسس اني مفتري :) ، انا هغير زيت قريب بعد ما اصلح التسريب بالمرة بس معرفش نوع الزيت ايه

اقتباس:

---

المشاركة الأصلية كتبت بواسطة ah.adel2

العربية مشيت خوالي ٢٠٠٠ كيلو وحاسس اني مفتري :) ، انا هغير زيت قريب بعد ما اصلح التسريب بالمرة بس معرفش نوع الزيت ايه

---

بص ياأستاذ عادل ، فيه انواع من الزيوت بتتبخر ، يعني ميكونش فيه تسريب ولا حاجة ومع ذلك تلاقي الزيت بينقص. من الزيوت اللي بتتبخر موبيل وفيسكو
انا بستعمل زيت شل هيلكس الاصفر من ساعة ماجبت العربية ولقيته ممتاز ومش بيتبخر وملائم جدا للجو الحر بتاعنا.

فيه حاجة كمان نسيت اقولك عليها ، لما تغير الزيت غيره في محطة البنزين علشان تضمن ان جركن الزيت جاي فعلا من الشركة وماتغيروش في محلات تغيير الزيوت علشان مايكونش زيت مستعمل قبل كده ومعاد تنقيته وتعبئته ، وده بيحصل كتير واتنشر اكتر من موضوع عن الحكاية دي في اهرام السيارات.

بص يا باشا المهم أنك تتابع العربية وطول مانت مهتم وبتفتح الكبوت وتتابع يبق حضرتك مش هتلاقى مشاكل ان شاء الله ،،ودلع العربية تحبك .