مستوي زيت الموتور وزيت الفرامل في الاسكورت

**ah.adel2** · 06-05-2013 10:43 PM

ازيكم يا شباب ،
النهاردة كشفت علي زيت الموتور لقيت العلامة بين الحد الادني والاقصي هل ده طبيعي لان العلامة كانت علي الاقصي من شهر ونص تقريبا
مع العلم ان مفيش اي تسريب والمكنة مبتسخنش بس انا مقلق وعايز اعرف ده طبيعي ولا لاء

تاني حاجة زيت الفرامل كان علي الماكس ساعة ما جبت العربية ، لما كشفت عليها لقيتة نزل وبقي النص بين الماكس والآدني خلال شهر ونص ، ده طبيعي ، مع العلم ان الفرامل كويسة ومعرفش في تسريب ولا لاء

لو في اي اجراء ممكن اعمله علشان افهم لو في عطل اصلحة لأني بسافر كتير وعشان ابقي فاهم لو روحت لأي ميكانيكي لا قدر الله

**aw2100** · 06-05-2013 11:12 PM

العربية فى الشهر ونص مشيت كام ك ؟
نوع زيت الموتور اية؟
ممكن يكون الموتور خفيف شوية ؟
بالنسبة لزيت الفرامل المفروض ماينقصش ابدا الا بعض الملليات لو التيل اتاكل انما كده واضح ان فيه تسريب من الأفضل انك تكشف على الفرامل وتغيير زيت الفرامل كله وتحط زيت فرامل شل dot .4 طالما لسة شارى العربية وتغيير زيت الفتيس كمان ومبروك على العربية !!

**ah.adel2** · 10-05-2013 04:29 AM

شكرا لردودكم يا شباب
بعد الكشف لقست غطاء التاكيهات عامل تسريب خفيف مكنتش شايفه بقاله مده علشان كده اثر علي مستوي زيت الموتور

الفرامل سليمة الحمد لله ، هزود الزيت وهشوف التغيير مع الوقت .

**ah.adel2** · 10-05-2013 04:36 AM

المشاركة الأصلية كتبت بواسطة aw2100

العربية فى الشهر ونص مشيت كام ك ؟
نوع زيت الموتور اية؟
ممكن يكون الموتور خفيف شوية ؟
بالنسبة لزيت الفرامل المفروض ماينقصش ابدا الا بعض الملليات لو التيل اتاكل انما كده واضح ان فيه تسريب من الأفضل انك تكشف على الفرامل وتغيير زيت الفرامل كله وتحط زيت فرامل شل dot .4 طالما لسة شارى العربية وتغيير زيت الفتيس كمان ومبروك على العربية !!

العربية مشيت خوالي ٢٠٠٠ كيلو وحاسس اني مفتري :) ، انا هغير زيت قريب بعد ما اصلح التسريب بالمرة بس معرفش نوع الزيت ايه

**mido51eg** · 10-05-2013 04:31 PM

المشاركة الأصلية كتبت بواسطة ah.adel2

العربية مشيت خوالي ٢٠٠٠ كيلو وحاسس اني مفتري :) ، انا هغير زيت قريب بعد ما اصلح التسريب بالمرة بس معرفش نوع الزيت ايه

بص ياأستاذ عادل ، فيه انواع من الزيوت بتتبخر ، يعني ميكونش فيه تسريب ولا حاجة ومع ذلك تلاقي الزيت بينقص. من الزيوت اللي بتتبخر موبيل وفيسكو
انا بستعمل زيت شل هيلكس الاصفر من ساعة ماجبت العربية ولقيته ممتاز ومش بيتبخر وملائم جدا للجو الحر بتاعنا.

**mido51eg** · 10-05-2013 04:34 PM

فيه حاجة كمان نسيت اقولك عليها ، لما تغير الزيت غيره في محطة البنزين علشان تضمن ان جركن الزيت جاي فعلا من الشركة وماتغيروش في محلات تغيير الزيوت علشان مايكونش زيت مستعمل قبل كده ومعاد تنقيته وتعبئته ، وده بيحصل كتير واتنشر اكتر من موضوع عن الحكاية دي في اهرام السيارات.