الاعلان دا جبلى حالة جنان

**kokowasfy** · 07-05-2013 12:08 AM

مساااااااء الفلللل على وحوش المنتدى الكباار
نبد الموضوع انا كنت بقلب على دوبيزل زهقان كدا و ملان شوية لقيت الاعلان دا جابلى حالة اندهاش غريبة شوفو
دا النص الى بيقولو الاعلان

دودج رام تشارجر 1500 للبيع مشدوده بالكامل كانت مرفوعه 8 سنين به ماتور تويوتا كورسيدا 2000 سي سي لسه خارج من عمره وبه 4 طقم جنط اسبور مقاس 16 بكوتشيه جديد بتاع جراند العجله الكبير وبه فتحت سقف وبه 7 فانوس شبور 5 فوق السقف و2 اسفل الاكصدام وبها كراسي كهربا وزجاج كهربا و5 فانوس استوب بتاع الهمر و5فانوس نور صغير امامي فوق السقف زي بتاع الهمر عفشه وبويه وسمكره جديده وبطاريه جديده كل حاجه جديده وبه كنسوله جيب بين الكراسي رخصه ساريه جديده
و الصور

بس كدا مطلوب فيها 25 الف جنية انا بفكر تفكير جاد انى اشترية كفاية انك تنسى موضوع المطبات خاااااااااالص و لو توك توك دايقق اطلع علية و اعملة كفتة و لو نص نقل فكر يكبس عليك عورة تعويرة حلوة هههههههه واللة هى دى الى تنفع مصرررررر وشكرا واسف على الاطالة

**Hussein_Ramdan** · 07-05-2013 12:14 AM

العربية دى مش فى مصر بص على النمر كدة تقريبا السعودية
العربية دى لو فى مصر مش هتقل عن 80 او 90 الف

**youssef_u** · 07-05-2013 12:34 AM

نمر مش مصري للاسف

**john55** · 07-05-2013 01:19 AM

لا خوف بعد اليوم لا كارو ولاتوك توك ولا واحد راكب موتو مسطول يخش في العربيه لو في مصر بجد هجبها

**Ahmed Amin** · 07-05-2013 02:07 AM

أيوة يا باشا أنت سرحت وروحت دوبزيل السعودية. كنت بروح أبص عليهم لما أحب أشوف أسعارهم وصلت لأيه.
دول أخطر منطقتين تروحهم, دوبزيل السعودية والأمارات..
هتشوف حاجات تتعبك نفسياً فحرص منها.

**kokowasfy** · 07-05-2013 07:55 AM

لالالا يا جماعة دا فى مصر ودا الاعلان
دودج رام تشارجر 1500 - دودج سيارات في الهرم | دوبيزل مصر

**Ahmed Amin** · 07-05-2013 08:44 AM

ايه دا دي فعلاً ف مصر. الاعلان وارقام الموبايل
بس اشتغالة ف الغالب يا باشا عشان ارقام العربية واضح جدا انها سعودية دي حاجة
زائد ان مفيش شغل من دا بيتعمل عندنا فمش هتتباع بالسعر الغريب دا.