الموضوع: ساعدونا يا اخوانا

السلام عليكم على احلى منتدى...... انا العربية الشاهين بتعتى هبعها بأذن الله وعاوز اعلى عليها حبة فبفكر فى ثلاث عربيات كلهم فى رينج قريب من بعضه وهما ( ليجانزا / نوبيرا / 406 ) فايهم افضل من وجهة نظركم بما انى هشترى مستعمل فايهم افضل وليه من وجهة نظركم ... وشكرا

كنت فكرت في العربيات دي ولحد الان لاقي كلها ليها عيوب بالنسبه لي
الليجانزا موتورها 2000 والخوف من موضوع شيل او الغاء دعم البنزين
النوبيرا سمعت من ناس كتير انها كل شوية بتحتاج تغير جلب في العفشة والعيب ده اكتر من واحد قال لي عليه
ال 406 كانت عجباني جدا وكانت قدامي واحده موتور 1600 مانيوال بس كانت المشكلة بالنسبة لي ان مفيش ليها في محافظتي حد شغال في قطع غيارها

فلو هرشح ليك ال 406 بس اللي اعرفه ان قطع غيارها غاليه شوية عن الباقي بس ركوبة وفرنساوي ( بس لو اوتوماتيك يفضل يكون بعد 2002 لانه كان موجود عيب ف فيتيس مق قبل 2001 )

اللي بعدها هتكون النوبيرا تكلفه تشغيلها قليلة ( معرفش الجلب اللي بتتغيير دي تتغير كل قد ايه )

لحد الان برضه بدور ولسه مش استقريت ع حاجه