لمبة الدريكسيون بتنور

**mamdouhelsayd** · 07-05-2013 02:19 AM

السلام عليكم أنا معايا بونتو كلاسيك 2004كنت عايز أعرف من أهل الخبرة ....أنا لمبة الدريكسيون بتنور أحمر والدريكسيون بيحجر معايا ولما أركن وأطفى العربية وبعدين أرجع أدور تانى كل شيئ بيرجع طبيعى خالص والموضوع ده بيحصل على فترات متباعدة وعلى فكرة الإسكترا مفيهاش أى صوت ولا مزعلانى خالص فى أى شئ (العربية مريحانى جدا فى كل حاجة تانية)ودى ملحوظة .
وأتمنى الرد السريع من أهل الخبرة وشكرا ليكم.

**aliabdo** · 07-05-2013 09:10 AM

شوف زيت البور

**mamdouhelsayd** · 07-05-2013 03:22 PM

البور بتاعها كهرباء مش زيت

**م.محمد علاء** · 07-05-2013 03:27 PM

المشاركة الأصلية كتبت بواسطة mamdouhelsayd

البور بتاعها كهرباء مش زيت

يعني ايه؟و ايه الفرق بين الطلمبه اللي كهرباء..واللي بتشتغل على سير؟!!
الطلمبه كهرباء..
مش على سير..
يعني هي في النهايه طلمبه..و ليها مخزن زيت!!
و غالبا الزيت عندك يا ناقص..يا اما فيه مشكله في موتور الطلمبه

**م.محمد علاء** · 07-05-2013 03:31 PM

متأسف..
انا خلطت بين موتور الطلمبه في النقل التقيل..
و الطلمبه اللي راكبلها سير..

**mamdouhelsayd** · 07-05-2013 10:06 PM

ياريت حد يفهمنى أكتر ياجماعة لأنى مش فاهم والموضوع ده قلقنى جدا

**graffittiii** · 08-05-2013 12:05 AM

بص ياباشا كان في مشكلة زي كده علي المنتدي من فترة

وكان من أقتراحات الحلول إنك تفك الكابلات بتاعة البطارية الإتنين عشان تعمل ريست للكنترول وبعدين تركبهم تاني .

هي العربية عندك فيها سيتي باور ؟

عامة هدورلك علي المشاركة القديمة بس المشكلة مش فاكر العنوان كان إيه عشان كده مش عارف ألاقيها .
.

**mamdouhelsayd** · 08-05-2013 12:33 AM

أولا انا متشكر جدا على تعبك معايا .....أيوة العربية فيها سيتى باور وعلى فكرة أنا لسة شارى ليها بطارية جافة جديدةمن شهر تقريباً وكانت برضه بتعمل نفس الموضوع قبل تغيير البطارية .....بس برضه أنا حاجرب اللى إنتى قولتلى عليه وحاعملها ريستارت علشان نتأكد ..........بس أنا عايز أعرف العيب ده بعيد عن الإسكترا ولا إيه؟

**graffittiii** · 08-05-2013 12:55 AM

لاياباشا ملوش دعوة بـ الإسكترا خالص ...
والدليل إنك لما بتبطل وتدور المشكلة بتروح يعني مشكلة في الباور حتما لان الباور عندك كهربا مش زيت .

المشاركة القديمة ده الرابط بتاعها :

http://www.nilemotors.net/Nile/326740-a-2.html

وأنا عن نفسي متفق مع مشاركتين للزميل Charming والزميل Meo86 أكتر من باقي المشاركات :

المشاركة الأصلية كتبت بواسطة charming

المشكلة هتكون فى كنترول الباور لان البونتو ليها اثنين كنترول واحد للعربية ومكانة تحت البوابة وواحد للباور ودة مكانة تحت قطمة الدركسيون روح الوكالة واسأل على كنترول بور بونتو شمال

المشاركة الأصلية كتبت بواسطة Moe86

مشكلتك حصلت معايا زمان و حلها كان سهل , ان شاء الله ينفع معاك
فك كابلات البطارية الاتنين, ماتلمسهمش مع بعض لأن الموضوع دة هيقلل عمرها جامد , نظفهم من الشحم و اتأكد انك ركبتهم و مثبتهم كويس
بس كدة!

وإن شاء الله تكون بسيطة وتطمنا عملت إيه .
.

**kaboali** · 13-05-2013 05:02 PM

أتاكد ان المشكلة كنترول الباور بالكشف بالجهاز عند كهربائي كويس لو المشكله فيه انا عندي واحد شغال كويس مستغني عنه

الموضوع: لمبة الدريكسيون بتنور

LinkBack

أدوات الموضوع

عرض

-

-

-

-

المواضيع المتشابهه

لمبة abs بتنور بعد 160 كم

لمبة الفتيس بتنور

لمبة اتشيك انجين بتنور ومعاها لمبة البطارية

لمبة الزيت بتنور ؟؟

لمبة التشيك بتنور

الكلمات الدلالية لهذا الموضوع

المفضلات

المفضلات

ضوابط المشاركة