ان شاء الله المره دي تظبط
المفروض ان اللي انا رحتله متخصص سكودا
عرض للطباعة
غريبة جدا الكلام دا فى ميكانيكى مبيفهمش فى سيارة ارى انها غير معقدة بالمرة وسهلة جدا لدرجة انها اول سيارة لى ولاقيتها سيارة بسيطة جدا جدا لدرجة انى باعمل كل حاجة بنفسى واتعلمت عليها كل جحاجة!!!!! يمكن علشان حبيتها ؟؟؟؟؟؟؟؟؟
يعنى انا رديت على موضوعك ب (بييييييع يالطفى)لأن حضرتك بتسال وبترد على نفسك طيب ما تجرب تعرض المشاكل واحده وحده واحنا نساعدك تحبها زينا كدا؟؟؟؟
احكي بقى اللي حصل النهارده
امبارح بعد ماكتبت الموضوع دورت هنا في المنتدى على اسم ميكانيكي كويس ولقيت كذا واحد بيشكر في محمد اصلان اللي في الحي السابع وده مناسب جدا ليا
ونزلت الصبح بناء على كده
دورت العربية ودارت سخنت ومشيت حوالي 5 دقايق بدأت تنتش تاني لحد ما قطعت وعملت نفس مشكلة امبارح وقفلي ميكانيكي وقعد يجرب شوية وقالي الموبينه قاطعه مش هتقوم
جبت عربية ربع نقل شدتني لحد الورشة بتاعة الاسطى محمد
ورحت هناك شاف العربية لقي البطارية نايمة ودينها تتشحن واشتغلنا على بطارية من عنده
وجرب الموبينه لقيها شغاله وطلع العيب مش من الموبينه طلع من الاسبراتير
ظبت شوية حاجات في المكيانيكا والكاربيرتير وركب سبراتير من عنده وشغلنا وتمام ومشيت بيها وجربتها 100/100 رحت اشتريت اسبراتير جديد فيكا تركي ب175 وركبناه والسحب اتحسن جامد والصوت بقى افضل وقولتله على موضوع السخونه قالي مش هتسخن والاسبراتير كان السبب في السخونه لاني كنت بحرق علشان تسحب وبالتالي العربية كانت بتسخن وفعلا مشيت وشغلت التكييف والمؤشر معداش التسعين والسحب بقى ممتاز
وبعد ماخلصت وشحنت البطاريه وركبناها بعتني عند كهربائي جنبه ظبطنا الكهربا بتاعة العربية وشغل الانوار والزراير كلها وكله تمام وروحت على كده وشغلت التكييف وحرقت بنزين والعربية بقت تمام كهربا وميكانيكا وسحب وماسخنتش
ادعولي بقى تكمل على كده
بس لو بدأت تهبل تاني يبقى لا مفر من البيع وهضطر استنى فتره لحد ما اقدر اجيب عربية تاني
مش كفاية ان حد يشكرلك فى الفليشا المهم انك تحبها بجد صدقنى اول دوسة دبرياج كانت على فيفورتى اللى فى التوقيع وحبيتها علشان استحملت غباوتى فى بداية الأمر لكن بعد مفهمتها لقيت ان الفليشا من ابسط السيارات وامتنها وسهل جدا جدا تعمل فيها كل حاجة بنفسك الصنايعية بيحبو يريحو دمغاتهم طيب شفت موضوع الفتيس ازاى انا فكيته وغيرتة وغيرت الاسطوانة والديسك مع انى مشفتش حد عملها قدامى علشان اتعلمها اختها بالمسايسة واحدة وحدة وفيفورتى بصراحة كانت مطيعة ليا جدا علشان كدا انا حبيتها ....
كلنا صرفنا على العربيات دى اول ماشتريناها ليه؟
العربيات الفليشيا عربيات قوية جدا اللى خلى اصحبها بخلوا عليها لانها بتمشى مع اى حاله حتى لو بتطلع فى الروح بتفضل ماشية وطبعا موديلات 95 / 2000 قديمة ومع عدم تغيير اى حاجة فيها كل ده بيطلع علينا احنا مثلا عربيتى انا اشترتها ب 28000 جنية فبريكة برة وجوة ومارشتش حتى تحت الرفارف وحوض الموتور مافهوش اى صداء وكل حاجة فيها فبريكة مفيهاش مسمار اتغيير نهائى وصحبتها ست زوجه قاضى وكان عددها عامل 160000 ك تخيل عربية ماشية كل ده وماتغيرش فيها مسمار وطبعا صاحبت العربية لما تعبت ركنتها لمدة 5 سنوات فى جراج من سنه 2006 علشان اشترت عربية زيرو وطبعا اخوك لما اشترتها غيرت حاجات كتير وكان الميكانيكى بيستغرب ازاى دى ماتغيرتش قبل كده والمحصلة صرفت عليها برش بوية نظافة حوالى 8000 جنية على مدار 12 شهر طلعت عينى كل شهر حدوته وماشاء الله دلوقتى بقت تحفة فاضل فيها فرش الصالون يتنجد بس اصبر شوية عليها وقرب منها وحتديك خيرها ان شاء الله اهم حاجة تتابع صنيعى يكون متخصص سكودا وتعمل ليها طقم صيانة فلاتر وزيت فتيس شل 80/90 وتغير زيت الفرامل بزيت dot.4 شل واهم حاجة تحط مية حمراء فى الرادياتير بعد غسيل دورة التبريد اى نوع بس انا انصحك ب توتال 33% تركيز والعربية الجديدة زى الزوجة الجديدة بتاخد وقت عبال ماتخدوا على بعض وهى زى الستات لازم تعكنن عليك كل شوية كل دة طبيعى مبروك على العربية !!!
:beat4::verygood::beat4:
مبروك...
صدقني اصرف علي العربيه دي هتلاقي بعدين
انا صرفت عليها اول ما جيتها قعدت 4 سنين بدغدغ مش بركب زي الناس اقسم ليك بالله كنت بدغدغ شوية وكنت همشيها علي صغور بس الكوتش مكنش مساعد