الموضوع: كرهت الفليشيا وخلاص شكلي هبيعها

المشاركة الأصلية كتبت بواسطة midofarh

حضرتك جبتها بكام

29 ياباشا
نزلت السوق كذا مره لقيت السليم فوق 32 الف
لحد ما حد معرفه قالي على العربية دي وصاحبها طالب 30
اخدتها ولفيت بيها على كذا ميكانيكي وسمكري معارفي ومعارف اصحابي وكله قالي تمام واتوكل على الله وخلصتها على 29

المشاركة الأصلية كتبت بواسطة tota_ys

بص حضرتك كل اللى بيحصل معاك حصل معايا بس للامانه من غير حكايه الدركسيون دا
اول ما كنت بشغل التكيف العربيه كانت بتوصل ل110 درجة حرارة
وساعات تانيه تقف خالص ومش تشتغل وبعد حوالى ساعه كده تشتغل لوحدها
ومن غير تكيف كانت بتسخن بردو وعملت كل حاجة ومافيش فيدة فى حكايه السخونه دى
وسحب وحش جدا
وكل كام شهر تجيب جوان وش سيلند
المهم بقى هقولك عليه التكيف اللى عندك متركب على العربيه مش الاصلى بتعها زى ما كان عندى وطبعا ضعيف جدا ومهما هتعمل انا اسف يعنى مش هيديك نتيجة كويسه
انا كنت زى حضرتك كدة والعربيه كانت فبريكه جوه وبره بس هى عربيه سيئة السمعه
وكان قرارى فى الاخر طبعا انى بعتها وخلصت منها وجبت اكسنت عربيه تحفه سحب وتكيف وشكل عام كويس وقطع غيار رخيصه والفرق بينها وبين الفليشيا مش مبلغ كبير وطبعا لما جيت بعت الفليشيا خسرت فيها جامد بس الحمد لله على كده واديها كانت تجربه

شكرا على ردك ياباشا
فعلا التكييف مش بتاعها
والله انا حابب الفليشيا عموما بس مش عارف مش عايزه تظبط معايا ليه
وربنا يباركلك في الاكسنت
انا كان نفسي في اكسنت بس كنت هزنق نفسي جامد علشان اكمل واجيبها
والحمد الله على كل شيء

المشاركة الأصلية كتبت بواسطة hilal

أنا شايف انك محسود ، والعربية دي نحس وقدمها مش كويس عليك وهتبهدلك وأمامك حل من اتنين:
الاول : وهو الافضل انك تبيعها وتجيب حاجة سهلة يمكن تغيير الاقدام يكون هو حل المشكلة
الثاني: لو مش مقتنع بحكاية النحس والحسد هو انك تشتري نص أمامي استيراد بحالة كويسة وتشيل ده وتحط ده بس يكون ميكانيكي متخصص معاك
وربنا يزيح عنك لأني مريت بنفس تجربتك ، وعشان كده بديك الخلاصة

انا مؤمن جدا بموضوع الحسد والنحس وخصوصا اني انا النحس بعينه
انا النهارده المفروض على كلام الميكانيكي ان الدنيا اتظبطت خلاص
هحكي في رد منفصل التفاصيل بتاعة النهارده

المشاركة الأصلية كتبت بواسطة adiaa222

من الاخر معظم الناس اللى بتبع العربيات بتاعتها المستعمله بتكون قرفت منها من كتر المشاكل وباين كدة انتا وزميلك وقعت فى النوعية دية طالما انتا مش شاريها من حد بيحب يصرف على العربية بتاعتة عشان تريحة.
الفليشيا عربية اعتمادية من الدرجة الاولى يعنى تقدر تعتمد عليها فى اى موقف سواء سفر لمسافات بعيدة او تحملها حمولة زائدة او لاقدر الله تنقذك من الحوادث لمتانتها وثباتها على الارض لكن عشان توصل لكل دة مطلوب منك الاتى
اول اربع شهور يعتبروا جس نبض لمشاكل العربية وتحضر مبلغ من 3000 الى 5000 وتروح لميكانيكى تخصص اسكودا بس ولما تغير قطع الغيار تغيرها بالاصلى ومينفعش تعتمد على العربية دية اول شهرين من شراءها لحد متكتشف كل مشاكلها وصدقنى هتصرف فى الاول بس فلوسك هتتمتع بيها بعد كدة ومش هتروح على الفاضى. متنساش العربية موديل 95 يعنى بقلها 18 سنة شغالة وعشان ترجع زى الاول لازم تصرف ومع احترامى للاكسنت لو العربيتين على الزيرو ونفس تاريخ التصنيع الفليشا تكسب

هو فعلا صاحبها ماكنش بيصرف عليها وخصوصا ان مشاويره صغيره
وانا نويت ان شاء الله اصبر عليها شوية تاني لحد ما اجيب اخرها

المشاركة الأصلية كتبت بواسطة eslamhamdy

قدر الله و ما شاء فعل و دايما احمد ربنا
لانى مريت بنفس التجربة دى بس مع لانسر و فى السعودية معروفة هنا ان قطع الغيار غالية جدا جدا
و صرفت فعلا عليها فى اول 3 شهور 7000 الالاف ريال مع انى جايبها ب 11 الف
و طبعا بعد الخسارة دة لو هتبيع عمرك ما هتوصل لى 13000 بالعافية فكان لازن اكمل فى الخسارةو استحمل
و انتا قدامك الحلين من دلوقتى بس نصيحة بيع بكل امانة و اشترى اعلى من كده لان فعلا 18 سنه شغل يبقى هتصرف و كل يوم هتلاقى حاجة جديدة بتطلع فيها

المشكلة لو بعت مش هعرف اجيب
ولو عرفت اجيب هجيب اقل من الفليشيا يا اما هبيع وهستنى كتيير