الموضوع: ازاي ارفع صوت كلاكس الrb

كتيير قوي من ملاك اكسنت اربي بيشتكوا من صوت كلاكس الاكسنت ار بي انه واطي
انا وصلت لطريقه ازاي اعلي الكالاكس ده
ودي كان اول حوار ليا فيها
http://www.nilemotors.net/Nile/337631-a.html
وده حوار القطه اللي جننتني وخلتني اوصل للكالكس لما فكيت الحاجات دي
http://www.nilemotors.net/Nile/35143...post3874972261
اما هنا بقي فهنوضح طريقه الحل لمشكلة الكالكس الواطي"في صوته طبعا"

زي ماانتو شايفين في الصوره هو ده مكان تعليه الكالكس بس ان شاء الله هنقول الطريقه دي نعملها ازاي

بسم الله

الكاكس بتاع الاكسنت اربي موجود في جزء خلف الاكصدام عاوز طريقه بسيطه عشان تقدر توصله وطريقه معقده

المعقد طبعا بتاعت التوكيل
اما بقي طريقه الفهلوه المصريه فهي الطريقه السهله البسيطه
يعني بمعني ادق لو قدرت تفك القطعه رقم 2 اللي في الصوره من غير متفك الاكصدام هتوصل بسهوله للكالكس

طب بتتفك ازاي

اول لما تفتح الكابوت هتلاقي وش فوق الاكصدام وفيه اربع مسماير هتفكهم وفي كمان 4 كلبسات اثنين منهم بترفعوا لفوق علي طول هتفكهم بس بالراحه اوعي حاجه تتكسر واللي راسهم علي شكل مسمار صلبيه بتفكهم بمفك بالراحه خالص عشان الكليبس يتفك ويعلي معاك ولما يطلع مشوار كويس اسحبه بايديك


طب وبعد كده نعمل ايه
لاحظ ان الاربع مسماير الحديد اللي انت فكتهم هما اللي ماسكين الاكصدام من فوق يعني كده اصبح سايب وتقدر تشده لبره او تضغطه لجوه
مطلوب دلوقتي انك تسبح القطعه البلاستيك دي انك تطلعها من القطع العاشقه في وش الاكصدام زي اللي في الصورة اللي جايه كده

رقم 1: الوش اللي المفروض نفكه
رقم 2:كليبس المفروض انك تفكه عشان الوش ده يبقي حر وده انك تضغطه بصوابعك لغايه لما يتخلع من رقم 3 زي اللي في الصوره
رقم 4: هي العاشق اللي في الاكصدام وداخل في رقم 1 ومخليها ماسكه في وش الاكصدام لازم تسلكها واحده واحده بانك تضغط عليها لفوق عشان تخرج من رقم 1

الموضوع علي فكره متعب حبتين وعاوز مزاج بس بتتخلع في النهايه

بعد كده هتلاقي وش بلاستيك تاني مغطي الراديتاير وسربنتينه التكييف وهي رقم 5 بتتفك ب 4 مسماير وتتخلع بكل سهوله عن طريق سحبها من أي جمب من الجوانب

الشرارة اللي في الصورة بتشاور علي مكان الكالكس هتلاقي في صورة بتوضح هو بيركب فين بالظبط وده بجانب رقم 1 هتلاحظ مكان تعليق الكالكس
علي فكره ممكن تعليق اكتر من كالكس لان العمود له كذا ريشه تقدر تعلق في أي واحده فيهم
طبعا رقم 4 بتوضح فيشه الكالكس
اما بقي رقم 2 ورقم 3 بتوضح الراديتير وسربنتينه التكييف
اخر صورة معانا هو الكالكس وازاي تعليه

هتحتاج مفك نجمه عشان تلف الصاموله رقم 6
المهم انك تفكها مش تربطها لان الفك بيحرر رق الكالكس فيخلي الصوت يعلي

كده خلاص بعد لم تظبط جرب الكالكس الاول وبعدين قفل كل حاجه
التقفيل اسهل ان شاء الله

المشاركة الأصلية كتبت بواسطة yoga

ونيو النترا زاى لو تتكرم ط

ا

اكيد نفس طريقه تعليه الكالكس لكن الوصول ليه ازاي معرفش