جيلى امجراند الخليجى

**lamada** · 07-05-2013 02:06 PM

جيلى امجراند الخليجى تحفه و مختلفه عن المصرى

اولا ماتور 1800 سىسى مع ناقل حركة اتوماتيكى و كراسى جلد و تكييف تاتش و جنوط سبور و فتحة سقف و العربية تمنها ما يوازى بالمصرى 82000 جنيه

و لو اقساط متدفعش اى مقدم و تدفع شهرى 2550 جنيه على تلت سنين

**remongamil** · 07-05-2013 02:13 PM

ممتاااااااااااااااااااااا ز

**lamada** · 07-05-2013 02:58 PM

المشاركة الأصلية كتبت بواسطة remongamil

ممتاااااااااااااااااااااا ز

فى مصر بينضحك علينا و بيشتغلونا

**M I D O** · 07-05-2013 05:02 PM

و الاهم من كدة انها تقفيل بلدها كمان مش تقفيل مصري وتمنها يوازي 82 الف يعني علي كدة غبور ممكن تبقي واقفة علية ب 50 الف وبيبعهالنا ب 80

**raedegypt** · 07-05-2013 05:12 PM

البنزين شويه وهايولع واى سياره فوق 1600 سى سى هاتدفع ضرائب اعلى وغالبا مافيش كوبونات بنزين مدعم لها ... وفوق كل دة السياره صينى غير اعتماديه فى الاتوماتيك علشان كدة معظم الصينى يتجنب الاتوماتيك فى الصناعه لان هما لسه حديثى العهد فى السيارات وقاعدين يجمعوا من هنا وهناك مواتير لاعفشه ويعملك سياره مهجنه . فى راى فى الصينى خليك فى المانيوال وشكرآ

**bassem.naguib** · 07-05-2013 05:26 PM

المشاركة الأصلية كتبت بواسطة raedegypt

البنزين شويه وهايولع واى سياره فوق 1600 سى سى هاتدفع ضرائب اعلى وغالبا مافيش كوبونات بنزين مدعم لها ... وفوق كل دة السياره صينى غير اعتماديه فى الاتوماتيك علشان كدة معظم الصينى يتجنب الاتوماتيك فى الصناعه لان هما لسه حديثى العهد فى السيارات وقاعدين يجمعوا من هنا وهناك مواتير لاعفشه ويعملك سياره مهجنه . فى راى فى الصينى خليك فى المانيوال وشكرآ

أوافقك الرأي في موضوع البنزين والضريبة ده .. بس لا أوافقك الرأي في موضوع العربيات الصيني والأتوماتيك .. عندك البي واي دي مثلاً الفتيس الأتوماتيك بتاعها هو نفس فتيس النيسان صني (jatco) وياباني الصنع ومش صيني .. الله وأعلم بقى الامجراند حتنزل بفتيس شكله أيه والتكنولوجيا بتاعته أية .

**M I D O** · 08-05-2013 06:21 PM

المشاركة الأصلية كتبت بواسطة gamal saad

طيب بالنسبة لسيارة غبور وعرفنا نحجزها ونشتريها منين لكن الجيلى الخليجى بقى ياترى تقدر تفيدنا وتدلنا لو أنا عايز أشترى خليجى أشتريها منين بالسعر دة؟ وياريت لو فى عنوان أقدر أذهب إلية وأشترى من عندة يبقى لك منى مليون شكر ومنتظر رد حضرتك

مفيش منها خليجي في مصر يا غالي ولو موجود حتي منها خليجي هتلاقي سعرها معدي 100 الف بس هية مش موجودة لو انت حابب تجيبها يبقي تشتريها من الخليج وتشحنها علي مصر وهتدفع تمنها مرة تانية جمارك