عايز أروح رأس البر .... أرجو المساعدة

**MEMOAHMED14** · 07-05-2013 04:54 PM

مسا الفل على أحلى منتدى وأعضاء..
عايز أسافر رأس البر بالعربية ... فكنت عايز أعرف الطريق ازاى من حلوان لانى ساكن هناك وبداية الطريق عندى هو طريق الاوتوستراد ... ياريت من الاعضاء اعرف الطريق ويكون على قدر الامكان طريق سهل وسريع وخالى من المطبات ... وكمان المسافة قد ايه ... وشكراااا
أرجو الرد....

**Ahmed_selmy** · 07-05-2013 05:32 PM

متابع باهتمام

**MEMOAHMED14** · 07-05-2013 05:35 PM

اين الردود ياجماعة الخير....

**mado83** · 07-05-2013 05:38 PM

تاخد اسماعليه الصحراوى الجديد احسن من الزراعى انا مشيت عليه مره واحده بس مش بالعربيه لان الطريق 4 ساعات حاجه لوووووووووووز وانا مش بستحمل القعده اكتر من ساعه

**MEMOAHMED14** · 07-05-2013 06:03 PM

ياجماعة ياريت الطريق بالتفصيل ... ده سفر ياجماعة...

**kayson** · 07-05-2013 06:13 PM

طريق مصر اسماعيلية الصحراوى حتى قبل بورسعيد تلف و ترجع و تدخل يمين على الطريق الدولى الى دمياط و راس البر

**MEMOAHMED14** · 07-05-2013 06:27 PM

طيب الطريق الزراعى هيكون كويس وسهل ومن غير مطبات حتى لو كان طويل شوية ولا ايه

**drmsadek1979** · 07-05-2013 07:40 PM

شوف
هتاخد طريق القاهرة اسكندرية الزراعي لعند بنها ومن على كوبري بنها تاخد يمين لميت غمر هيقابلك ميت غمر وبعدين اجا تاخد شمال هتوصل المنصورة تاخد الكوبري العلوي في دخلة المنصورة وتطلع كوبري الجامعه تنزل منه تاخد يمين اتجاه دمياط بكدة سهل جدا توصل راس البر الطريق ممكن ياخد له 3ساعات ونص

**طارق _عبد السلام** · 08-05-2013 03:57 AM

المشاركة الأصلية كتبت بواسطة drmsadek1979

شوف
هتاخد طريق القاهرة اسكندرية الزراعي لعند بنها ومن على كوبري بنها تاخد يمين لميت غمر هيقابلك ميت غمر وبعدين اجا تاخد شمال هتوصل المنصورة تاخد الكوبري العلوي في دخلة المنصورة وتطلع كوبري الجامعه تنزل منه تاخد يمين اتجاه دمياط بكدة سهل جدا توصل راس البر الطريق ممكن ياخد له 3ساعات ونص

+111111111111

وممكن لو مش عايز تاخد يمين طريق دمياط ده من يمين كوبرى المنصوره ممكن تكمل من تحت الكوبرى عادى وتطلع طوالى على طريق جمصه واول ماتوصل جمصه تاخد يمين الدولى هيوصلك لمدخل رأس البر الطريق ده بالنهار كويس جدا واسرع وفاضى نا بحب آخد الطريق ده الدولى من جمصه