عايزين نتعلم يا باشا زى الاخوه اللى كانو مع حضرتك منظر هااااايل فعلا سبحان الله متعه
عايزين نتعلم يا باشا زى الاخوه اللى كانو مع حضرتك منظر هااااايل فعلا سبحان الله متعه
ما شاء الله تقرير رائع ومجهود تشكر عنه
بس ممكن سؤال قبل الزحمة لو جروب حابب يطلع معاك التكلفه هتكون كام
لانها بجد تجربة لازم نعيشها
ياريت ترد علي اعرف التكلفه للفرد وايجار المعدات لو معاك لعدد 5 افراد
والميعاد الي يناسبك واضح ان القرية الي بتنزل فيها من الصور مش بتبقي زحمة
منتظر ردك باهتمام
وشكرا مرة تانيه للموضوع الشيق
تقرير هايل وتسلم ايدك
تقرير مميز
و الله الواحد من زمان بيتمنى يجرب موضوع الغطس ده مع مدرب مميز زى حضرتك
ياريت لو ينفع ننظم رحلات غطس جماعيه لاعضاء نايل موتورز و نظبط فى يوم جمعه او سبت مجموعات تروح و تتقابل هناك على ان يكون موجود حد يدربهم زى حضرتك كده
تسلم ايدك يا باشا على الموضوع الرائع .....فعلا ممتاز من حيث التنسيق والمعلومه .
كان ليا كام استفسار :
1- هل فى اماكن فى العين السخنه بيكون فيها مدربين ينزلوا معانا وياجرلنا الادوات ؟
2- ايه افضل مكان فى الاماكن دى نعمل فيه داى يوز انا واصدقائى من اجل الاستجمام والسباحه؟
سيبك - انت برنس
بجد مكنتش اعرف ان الغطس حلو كدة
تقرير ممتاااااااز
شكرا لاهتمامك يا درش وان شاء الله نحاول ننظم طلعة سفرية حلوة فى المنتدى....
ياريت لو تضيف فى التقرير ده اماكن الاكل المميزة فى السخنة...
ممتاااااااااااااااااااااا ااااااااااااااااااااااااا اااااااااااااااز يا مصطفى الله عليك تسلم ايديك انت واصحابك المرة اللى جاية ابقى اعزمنى وعلمنى السباحة.
هو تعليم السباحة يستغرق اد ايه يامصطفى؟
تقرير ممتاز
رائع يا نجم ورغم انى من السويس الا انى فى معلومات كتير اول مرة اعرفها
تقرير ممتاز مشكوور جداً يا فندم
اى خدمة ياباشا ربنا يجعلنا دايما من اللى بيفتحوا نفس الناس
شكرا جزيلا على الاضافة الايجابية اللى طالعة من واحد فاهم بجد
شكرا ليك
شوف المشاركة المستفيضة فى الشرح اللى انا عاملها فى صفحة رقم 4 من الموضوع
شكرا جزيلا
تسلم
ربنا يخليك
كنت عاوز استفسر منك على حاجه انت بتصور بكاميرا ايه؟
ولا بتصور بكاميرا عاديه وجايبها ليها هاوسينج ووتر بروف " واشتريه منين لانى دوخت عليه وملقتش الكفر بتاع الكاميرا :( "
وغير كدا انا اشتريت الزعنفة دى
tusa reef tourer
http://www.cpspartnership.co.uk/tusa...main_large.jpg
بس للاسف لما استخدمتها حسيت انها طريه زياده عن اللزوم و بتلب فى المية لما تحاول تزيد سرعتك " فيها نسبه سليكون كبيره فى الزعنفة نفسها " ,, فهل دا عيب استخدام منى ؟
بالنسبة للكاميرا اللى بصور بيها هى سونى hd وجراب ضد المية ليها بس الجراب جايلى من دبى من زمان مع جراب تانى احتياطى وكاميرا تانية احتياطى عشان لما بطلع مع مجموعة لازم يكون معايا احتياطات لكل حاجة
وبصراحة مسئلتش علية هنا فى مصر
بالنسبة للزعنفة للاسف معرفيش افيدك فيها الا لما امسكها بايدى .... بس هقولك على حاجة
الزعنفة التمام بتديك ضعف سرعة الاندفاع فى المية عن السباح العادى بنصف المجهود اللى بيعملة السباح العادى وبدون استخدام الذراعين
فهمت قصدى
ولو فية عندك اى استفسار مفيش داعى تراسلنى على الخاص
اسأل هنا فى الموضوع وانا هجاوبك عادى عشان تبقى الفايدة للجميع
وربنا يوفقك
موضوع شيق وجميل يا مصطفي
وانا شخصيا اعجبت بيه
اما عن الرسالة اللي انت كاتبها دي كلها :-)
مكانش ليها لازمة
اي عضو في المنتدي عايز يفتح لنفسه مجال رزق في حاجة محترمة وتفيد الاعضاء
بيبعت يستاذني وغالبا بوافق لان المنتدي هنا قايم على خدمة الناس وبعض مش علي الربح
والحمد لله بنغطي تكاليفه من اماكن تانية فخلاص الموضوع منتهي
خلصنا الجد ونيجي للهزار بقي
هو انت عايز تعدي حاجة من تحت عين الزعيم من غير مايدوقها الزعيم :-)
وبعدين انت مش بعيد عني ده انت في العاشر انا 5 سنين هناك في اراب :-)
وراجعينلكم تاني اخر السنة :-)
شوف حط تليفونك عادي ده هديه مني ليك
اعمل تقرير مشاركة خلي المشرف يحطهولك في اول موضوع
ولما ترفع صور تانيماتخليهاش كبير كفياة قوي 640* 480
عشان الموضوع مايبقاش تقيل
وانا هاتصل بيك ارتب معاك طلعه على اخر مايو باذن الله
وبينا تليفون عشان نرتبها
عشان احنا فعلا اكتر من 10 ونشوف هانخفض مين ومين مايجيش ومين هايتقمص ويزعل
بالتوفيق
تحياتي
الهاوسينج غالبا بيتعمل للغطس عشان يتحمل الضغط مع الاعماق و بيتباع هنا فى مصر بس بيكون غالى .... سعره اغلى من الكاميرا نفسها و بيكون ليه معامله و طريقه خاصه للحفاظ عليه عشان ميدخلش ميه و يبوظ الكاميرا
بالنسبه للسنوركلينج اللى هتحتاجه هو حاجه واتربروف بس و دى هتلاقيها برضه بس مش هاوسينج بس زى كيس كده بيتقفل كويس و فى كاميرات نفسها جاهزه للتصوير تحت ٣-٤ متر بس مشوفتهاش فى مصر
لو عايز هاوسينج بلغنى وانا اشوفلك موجود ولا لا و سعره كام و اقولك تجيبه منين بس خلى بالك مش كل الكاميرات و موديلاتها ليها هاوسينج
الكبير قوى قوى منور الموضوع بنفسة
دا شرف لينا ياباشا
وشكرا على سعة الصدر فى موضوع رقم التليفون
وبالنسبة للطلعة شوف الوقت اللى يناسبك وانا تحت امرك
بس كلمة فى سرك
((( كل ما العدد فى الطلعة بيبقى متوسط 4 او 5 او 6 كل ما يبقى احسن))))
عشان مجهودى واهتمامى فى المية بدل ما يبقى متوزع على 10 يبقى متوزع على عدد اقل وخصوصا لما يكون حد فيهم مبيعرفش يعوم او عندة خوف من البحر بياخد وقت ومجهود على اما اكسر الخوف دة ويدخل معانا البحر المفتوح
لكن لو كلهم او غالبيتهم بيعرفوا يعوموا بتعامل مع 10 افراد زى الفل
وفى انتظار تليفونك
شكرا للتقرير جميل جدا بس ازاي الغطس من غير الاوكسيجين
نظرا لحبى الشديد للعين السخنة من قديم الأزل أحب أضيف بعض المعلومات لعلها تكون مفيدة .... أبتدى مثلا ببعض الأماكن اللى رحتها
بالميرا .. دى 10 كيلو شمال "وحط خط تحت كلمة شمال" نقطة الصفر يعنى كأنك رايح السويس مدخلها يخض وتحس انها مقلب بس تدخل جوة عالم تانى من الهدوء والأستجمام .. الأوضة فيها 550-650 جنيه فطار وعشا أوبين بوفيه مفيهاش زلط فى البحر وفيها اتنين بيسين ظراف وواحد للأطفال .. سعر الداى يوز 120 جنيه للفرد شامل الغدا فقط من 8 ص الى 6 مساء
موفنبيك ... الليلة تبتدى من 900 جنيه بوفيه فاخر ... غرف ممتازة جدا وفخمة .. بيسين واحد وشاطئ صغير بس نظيف
بورتو .. الشقة الفندقية شامل الأفطار والغدا تبتدى من 2200 جنيه لأربع أفراد والشقة طبعا ممتازة جدا وميكروويف وحركات بس فى المناسبات ممكن توصل لأربع تلاف بلبل "جنيه يعنى" :00020140: الفندق الليلة فيه بردو مش أقل من 1200 للغرفة المزدوجة وتختلف حسب السيزون ... طبعا فى ملاهى ومطاعم وكافيهات وسوبر ماركت المحمل ودول برة القرية يعنى ممكن تروحهم لو انت نازل فى قرية تانية .... بيسين كبير جدا وتلفريك وبحر رمل مفيهوش زلط بس هيتقطع نفسك فى المشى جوة القرية لأنها مهولة وعالية فمفيهاش عربيات جوة
رمادا .. نظام شاليهات شبه الفلل مكيفة بالكامل فطار وعشا اوبين بوفيه تبتدى من 900 جنيه للشاليه غرفتين و على ما أذكر 1300 للفيلا ال 3 غرف .. البيسين حلو بس صغير والبحر فيه زلط ومش ظريف للأطفال بس لو بتعرف تعوم يبقى كويس وفيه زلط كتير
واحة الحجاز ... شاليهات صغيرة بس ناس بتأجرها مش خدمة فندقية يعنى بتأجر شقة ومع نفسك
الشهر اللى فات رحت فندق بس بعد بورتو ب 27 كيلو عند مراوح الزعفرانة "حوالى 53 كيلو من نقطة الصفر اسمه Cancun beach and resort تبع عامر جروب بردو ممتاز بس بحره مش اد كدة اليوم فيه فى جناح فخم أشبه بالشقة وسراير اطفال وحمامين وسفرة والأهم حمام سباحة دافى ب 1600 جنيه اليوم شامل الأفطار بس ... الكلام دة فى الويك اندز طبعا لكن الأيام العادية الغرفة ب 550 جنيه الليله اقامة كاملة
رحت ستيلا ... كبيره جدا من جوة بطريقة زهقتنى ... اليوم بردو فى رينج ال 1200 جنيه بس فخمة وكلها ناس هاى كلاس ومايوهات استغفر الله العظيم كلها ماركات :B4_039::B4_039:
الأكل بقا المشكلة الأزليه فى العين السخنة ... بصراحة بقا من الآخر انا لو رايح مكان مش بالأكل بجيب من الناس اللى واقفة بتشوي عالطريق ... سمك طازة بس طبعا هم مش شيفات كيلو البلطى ب 28 جنيه والبورى 45 جنيه والجمبرى ب 160 جنيه طبعا الكلام دة مطبوخ أو نى
نصيحة أبدية ... ابعد عن مطعم حلقة السمك اللى فى بورتو غالى جدا وهتطلع 8 كيلو فى الجبل "لو مطلعتش بالتلفريك " بس فيو تحفة وأكله معجبنيش بصراحة كفاية اقولكم ان طبق الطحينة ب 14 جنيه والحاجة الساقعة ب 12 جنيه وزود الخدمة والضريبة 22% ... لو انت مصر على مطاعم عندك مطعم اسمه ضى القمر وجنبه مطعم اسمه ابو على غاليين بس مش أوى عند موفنبيك كدة
كنتاكى وبيتزا هت اللى شمال نقطة الصفر ب 8 كيلو بصراحة معجبونيش اوى
دة اللى فاكره دلوقتى وأيدى وجعتنى الصراحة أول مرة اكتب موضوع طويل كدة
صحيح نسيت أقولكم اللى رايح ياخد معاه قارورة المية ال 14 او العشرين لتر عالأقل عشان فى اى مكان يروحه مفيش مية فى الحنفيات تتشرب :breakpc1:
معلش نسيت أكمل نصيحة
لو انت فى ايام زنقة والعين السخنة كومبليت نتيجة لقربها من القاهرة والضغط عليها اعمل أكونت على booking.com وممكن تحجز من عليه بيبقى ليهم حاجات محجوزة ليهم هو أو hotels.com أو tripadvisor.com بالكريديت كارد بتاعك بيعمل هولد لحق ليلة من حجزك لحد ماتروح وعلى كدة ساعات مش بلاقىعليهم بردو ويقولك ازمة اقتصادية :redeye::redeye:
تقرير اكتر من رائع و الله حمستنا لرحلات الصيف ممتاز
ما شاء الله
تقرير فوق هايل
أنا كنت في شرم أسبوع أجازة شم النسيم
وعملت سنوركل وغطس
ومن خلال تقريرك دا حسيت أني لسة في البحر
تقرير حي جداً
وواضح أنك حد بروفشينل
لأني أستمتعت وأستفدت بالدرس أكتر من الغطاس اللي كان معانا
وأعتقد أني لو غطست دلوقتي ( بعد الدرس ) هكون أكتر فاعلية
جزاك الله خير
مفيش غطس باكسيجين ... الغطس نوعين: حر free diving و ده بيعتمد على النفس و بيكون لمده محدوده دقيقتين تلاته حسب كل واحد و نفسه ... او scuba diving و ده بيكون باسطوانات هوا مضغوط و بتقعد فتره تحت الميه ممكن توصل لساعه حسب العمق و حسب حاجات تانيه
الfree diving ليه تدريب و كورسات و اعداد بدنى و نفسى .... حاجه زى اليوجا كده
ال scuba diving ليه تدريبات برضه و لازم تاخد رخصة غطاس عشان تقدر تاجر و تستعمل الاسطوانات بس تانى الاسطوانات دى فيها هوا مش اكسيجين :)
مفيش اى مشكلة
سهلة بأذن اللة
بأذن اللة تعالى
ربنا يكرمك يا باشا
وصلت واكتر يا معلم
بس للاسف هيا مصيف يوم واحد فقط
واعتذر من الجميع على تأخرى فى الردود
ان شاء الله بينا تليفون
وكل اللي معايا بيعرفو يعومو ما تقلقش ولو فيهم واحد او اتني مابيعرفوش الباقي يشيلهم مع لايف جاكت مش هايبقي كله حمل عليك
موضوع رائع
و فعلا كنت عايز أعمل شكر و إعجاب فى نفس الوقت
شكرا على المجهود المميز
موضوع أكثر من رائع ويشجع اللي مبيعرفش يعوم زي حالاتي ..
يا ريت تقولنا إية نوعية الناس اللي تقصدها مينفعش يطلعو الرحلات دي ..
واية أظرف واخطر المواقف اللي حصلت معاك خلال التلات سنين
تحياتي
ايه الجمال ده بجد تسلم ايدك
انا من الصيف اللي فات و انا عايز اطلع العين السخنة و بكسل بس انت شجعتني جدا
موضوع رائع
مفيش مشاكل يا كبير وفى انتظار تليفونك
شكرا جدا لزوقك
النوعية اللى مينفعش تطلع الرحلات دى هم مرضى القلب ومرضى الجهاز التنفسى والمرأة الحامل
بالنسبة لسؤالك عن اظرف المواقف فالى انا فاكرة دلوقتى هقولك علية:
اولا كان معايا ضيف مبيعرفش يعوم المهم خليتة تخطى الخوف بالايف جاكت وتانى حاجة بعلمها فى خطوات التنفس انة ازاى يتنفس من فمة بسهولة لان الانف بيكون مكتوم طول النهار وفضل معذبنى معاة من 9 الصبح لحد 3 العصر وفى الاخر طلع الباشا عندة (ضيق فى التنفس) ومرضيش يقولى عشان كان نفسة يعمل سنوركل ويتصور تحت المية
تانى حاجة كان معايا ضيف صحتة حلوة(مليان شويتيييييين)وكان بيعرف يعوم كويس وكل اما اجى اعلمة طريقة الغطس الحر يفشل فشل زريع (جسمة غير قابل للغطس الحر)...اخر لما زهقت قولتة انا هنزل تحت وانت خد وضعية الغطس الحر الاولى وانا هشدك لتحت...ولما حاولت اشدة لتحت لقيتة هوة اللى رفعنى فوق المية كانة ماسك عصفورة
تالت حاجة كان معايا مجموعة فيهم واحد كل شوية يشتكى من شد عضل وبعد ما افك لة الشدة يرجع يشتكى تانى قلت لة خلاص افرد جسمك واسترخى وانت بتعمل سنوركل عادى واشتغل بايديك بس... وحصل ان احنا كنا بعيد عن الشاطى بحوالى 250متر تقريبا والعمق تحتينا حوالى 8 متر ومرة تعتبر من المرات النادرة جدا عدى من تحت مننا سرب دلافين........!!!!!!!!!!!!
وعينك ما تشوف الا النور
اللى كان بيشتكى من شد عضلى دة لقيتة بيشق المية زى لنش من بتوع البحرية باتجاة الشاطى من الرعب (وزمايلة فى الرحلة فضلوا معايا مبهورين بسرب الدلافين) على الرغم من ان الدلافين غالبا بتبقى جاية تبص علينا من باب الفضول وهى غير مؤذية على الاطلاق
وفى نفس الوقت بكون معرف المجموعة اللى معايا وانا بعلمهم ان احيانا نادرة جدا ممكن نقابل دلافين وبفهمهم انها بتبقى جاية فضول وتمشى واحيانا لو فى وسط مجموعة الدلافين مواليد صغيرة هما دول اللى بيلعبوا معانا لو لقوا حد يلاعبهم لكن الدلافين الكبير دايما مكبرة دماغها
والاهم من دة كلة انى بكون معرف المجموعة ان رؤية الدلافين اللى هيشوفها فى البحر غير اللى فى التليفزيون خالص وبديهم حجم تقريبى عشان محدش يتخض من الرؤية الاولى لهم بان حجمها تقريبا قد حجم 3 براميل بترول فوق بعض
بس كدة دة اللى انا فاكرة دلوقتى
اى خدمة ياباشا
شكرا
تقرير رائع ويفتح النفس للتجربة
بس سؤال صغير يعني ايه سنوركل !!
السنوركل هو استخدام الزعانف والنظارة والقصبة (بعد التدرب عليهم) فى السباحة بشكل سطحى على الماء (بدون رفع الوجة من الماء للتنفس) لمشاهدة بديع صنع الله فى الشعاب المرجانية والحياة البحرية اسفل سطح الماء
زى كدة يعنى
http://i1357.photobucket.com/albums/...ps2cb3e388.jpg
موضوع ما شاء الله رائع جداااا ربنا يجازيك خير عليه انت حستتني ان موضوع الغطس ده سهل جداااا ياريت نطلع رحله معاك بامر الله وانت اللي تنظمها ان شاء الله
بمناسبة الدرافيل
ما هي احتمالية وجود قرش مثلا او حاجات زي كده
لان الواحد بيقلق وبيخاف من حاجات زي كده