الموضوع: أنا مش عارف الفرق بين ال ipad و ال tab و الحاجات ديه !!

المشاركة الأصلية كتبت بواسطة د.محمود صلاح

هناك 3 شركات لأنظمة التشغيل تتنافس على سوق المحمول والباد والتابلت :

الآبل والباد اسمه الشهير اي باد والتليفون اسمه ايفون وجهاز الموسيقى اسمه ايبود .. وده عامل زي المرسيدس كده اللي يشتريه يستحمل تمن البرامج بتاعته واسعار الاكسسوارات وووو الخ

الجوجل .. ونظامها الأندرويد مبني على النظام اللينوكس واشهر شركة بتعمل الاندرويد هي السامسونج وفي شركات كتير تاني ، الاندرويد احسن الانظمة في وجهة نظري بالذات السامسونج لأنه سهل وسلس والدعم الفني فيه ممتاز على المنتديات المتخصصة

الوندوز او مايكروسوفت ودول نزلوا تابلت جديد اسمه سيرفس surface وهو شغال بنظام وندوز 8 وممتاااز في كل حاجة الا ان سعره عالي حبتين وكفاية ان فيه فتحات ال usb ونظام الوندوز بتاعنا ..

------------------------

الخلاصة في قصة الباد او التاب انه يكون فيه شريحة اتصال ويدعم الهاتف ( الباد اللي ما بيدعمش الهاتقف مش هتقدر تنزل عليه الفايلر او الواتس اب او برامج الاتصال اللي بتحتاج dial ) ويكون البروسيسور كوويس والا هتركه حياتك من البطء ويكون فيه بلوتوث يقبل نقل البرامج والبيانات ( الايباد رخم اوي في موضوع البلوتوث ده ) ويكون فيه واي فاي طبعا و كاميرتين امامية وخلفية عشان تستفيد ببرامج المحادثة ..

انا وجهة نظري الأندرويد .. بالذات لو سامسونج تاب او نوت وكفاااية ان فيه خاصية ال portable tethering وهي انه بيخلي جهازك يوزع نت وايرلس على محيط 10 متر حولك .. بس السالمسونج يخش في 2500 - 3000 جنيه

لو حضرتك وطني وبتحب مصر انتظر اينار الموجه للسوق وليس الموجه للطلبة .. فيه الاندرويد و كل الكلام ده وب 1500 جنيه

لو السامسونج غالي هناك انواع تاني مثل اللينوفو او الهواواي 7 بوصة وبحوالي 1100 حنيه وفيه كل حاجة بما فيهم الهاتف

أوفيت واللهِ يا دووووووووووك متشكر لحضرتك جدا ..

المشاركة الأصلية كتبت بواسطة dr_mido

ابل احلي للي عايز استقرار ومكبر دماغه اندرويد للي بيحب يجب جهازه طوب احمر ويشطبه كل شويه و الاتنين يخدمو نفس الهدف

sent from my xperia arc s using forum runner

جبت من الآخِر :)

المشاركة الأصلية كتبت بواسطة lanos2004

مش عيب عليك تبقه دكتور ومتعرفش الحاجات دى

فوق كل زي علم عليم .. يا عم أحمد

المشاركة الأصلية كتبت بواسطة d . A .\ ayman

بما إن الموضوع قلب على آي باد فقط ... عايزين بقى رأي حضرتك في النوت 10.1 عشان نحول الموضوع شوية على الأندرويد ... طالما هو مع حضرتك ... يعني البطارية بتقعد قد إيه استخدام شاق واستخدام عادي .. الاستعمال سلس وسريع ولا ساعات بيهنج عشان بصراحة كدة ناوي بإذن الله أجيبه في القريب

أبل السوفت بتاعها مستقر عن الآندرويد بالفعل ... ولكن الآندرويد متنوع أكتر ومرن بصورة خرافية في الاستعمال عن الأبل ... وده أصلا أحد أهم الأسباب إنه ساعات بيكون غير مستقر وهو إن البرامج كتير بتكون غير متوافقة مع النظام تماما وبتحاول تعمل فيه تعديلات كتير في الكور سيستم بتاعه ... لكن أبل مش بتسمح بكدة عشان كدة نظامها ممل نوعا ما لكنه مستقر

عن نفسي أفضل الآندرويد عن الـ ios ... لمرونته وتنوعه وسهولة استخدامه ...

وكمان ملاحظة أخيرة الآندرويد لغاية اللحظات اللى بنتكلم فيها دي لا زال في الأصل نظام وليد لم يكمل بعد عامه الخامس منذ نشأته على ما أعتقد .. لكن تطوره سريع جدا وبيقترب من الاستقرار بسرعة شديدة

مايكروسوفت بقالها 20 سنة بتحاول تستقر ومش لاحقة لسة

آبل حظها أفضل بكتير لأنها لم تكن هدف من أهداف القراصنة طوال الـ 20 سنة اللي فاتوا اللى كان التركيز فيها على ويندوز لأنها الأكثر شعبية وده السبب اللى خلا أبل السوفت وير بتاعها يكون يكون مستقر أثر بغباء ... عندهم تطوير ودعم بروقان مش بيجروا ورا نفسهم زي مايكروسوفت

أنا حاسس إني خرجت برة الموضوع .. بس مش هامسح حاجة برضه

تحليل علمي ما شاء الله ..