عرض للطباعة
يا شباب عاوز خبرتكم في اختيار نوع من السيارتين
PYD F3
ولا سبرانزا 1600 CC
http://www.http://www.nilemotors.net...a92ca749f9.gifياشباب حد جرب واحدة من العربيتين دول
ياريت انا عايز اعرف مميزات وعيوب كل منهم من حيث
تحمل المشاوير الطويلة 90 كيلو كل يوم
المتانة والثبات
اسعار قطع الغيار واماكن التوكيل ومصاريف الصيانة
استهلاك البنزين
خصوصا اني سمعت عنهم كلام كتير
واشتري اي واحدة منهم :no4:
والله معاك حق انا محتار جدا بينهم ياريت حد يكون ركب دي وحد يكون ركب دي ويدي راي محايد لان السايت هنا فيه اراء كتير جدا خلتني مش عارف اقرر اي حاجه خالص
فيرنا احسن منهم الإتنين .... اى نعم الفيرنا فقيرة جدا من الداخل لكن محركها ( الـ1600 cc ) نفس محرك الإلانترا 2006 او الشكل القديم ....
بصراحة بسة مش واثق من العربيات دى ... مع انى سمعت ان الbyd كويسة ..
على فكره انا لسه جاي من معرض الفورميولا وشوفت ال Bydشكله معقول وشنطتها كبيره الموتور مكتوب عليه ميتسوبيشي فعلا بس للاسف صاجها رقيق جدا جدا بظغط على الشنطه حسيت صباعي هيدخل فيه الاسبرانزا تكسب في الموضوع ده كمان التابلوه وتقفيلها صيني تحس انه مش قيم الاسبرانزا رغم انه برضه فيه عيوب بس مترتب كويس وشكله احله
انا مع انك تجيب فيرنا بصراحه بس لو مصمم على السيارتين دول يبقى byd مع واحد صاحبى و بيشكرلى فيها الى حد كبير
و ربنا يوفقك للاصلح
كلام مظبوط 100%اقتباس:
المشاركة الأصلية كتبت بواسطة SuccessCre8or
ممكن يا جماعة حد يقولنا عيوب ال byd f3 وسعرها ونجيبها منيين ؟؟؟؟؟؟؟؟؟؟ .... معلش اسالتي كتير بس متعشم فيكوا
:N_no[1]:اعمل ايه بس اقول حادي بادي كرمب زبادي في سبعين الف هدفعهم في عربية :N_no[1]:قصتي بقه ايه ... مش هطول عليكم
اعجبت جدا بالاوبشنز بتاعة الصيني فقولت مفيش مانع اجيب سبيرانزا ورزقي علي الله .... اجيب ايه اجيب ايه فاستقريت علي a516 كبيرة وشكلها مش بطال باستثناء من ورا بس .
وفيها كل الكماليات الي الواحد محتاجها في عربيته .
بس لما لقيت الهجوم الكبير من بعض الناس علي العربية ده كشيت وخفت اضيع شقي عمري في عربية اي كلام زي ما الناس بتقول .
فواحد صاحبي الله يكرمه نصحني بال ( BYD f3 ) وقالي عليها انها ممتازة فبحثت عنها لقيتها شكلها خراافة الاسود منها شبه ال BMW خالص .
عجبتني مووت بصراحة .... لاكن للاسف محدش جربها اوي وقال عيوبها ومميزاتها . يعني هشتري سمك في ميه بس شكله حلو وسمعت ان فيه كل الكماليات .
يا جماعة ارجوكم حد يعمل مقارنة محترمة بين السيارتين دول علشان نستفيد كلنا وربنا يجزيكم كل خير .
ارجو من السادة الاعضاء الكرام قول الاراء عن تجربة لفترة طويلة ولس انبهار بسيارة اشتراها جديدة
وياريت لو حد عنده صور حقيقية عن ال ByD f3 يرفعهالنا هنا نشوف اخبارها ايه علي الحقيقة
اسسسسسسسسف جدااا علي الاطالة .
اخوكم أحمد فاضل
يا اخوة فى قسم ماركات اخرى فى كلام كتير عن البي واى دى من اصحابها و غير اصحابها كمان
انا لما اشترتي البي واى دي طبعا قارنت قبل ما اشترى بينها و بين الاسبرانزا بل الدايواو الفيرنا لقيت البي واى دى تكسب فى الشكل و الامكانيات يعني متورها ميتسوبشي و ده نادر فى العربيات الصيني واذا وجد فى عربية صيني غيرها تلاقي العربية معدية ال 100 الف
ومثلا على سبيل المثال البي واى دى لو قفلتها بالريموت لا يمكن تشتغل بالمتفاح بتاعها الا اذا فتحتها بالريموت ده طبعا امان ضد السرقة و مش موجود فى عربيات كتير
و انا عامل بيها لحد الان 16 الف و الحمد لله كويسة معى ما شاء الله و تقفليها جميل و شكلها ايضا هجومى زي ما بحب
اسبيرنزا وانسى الدنيا دية بجد العربية دى تحفة مشاء الله
انصحك بالسيارة BYD فعلا بالسعر دة والامكانيات دى شوية فيها
بلاش الاسبرانزا لسبب
شوفتها من كام يوم فالعجمى استر يا ستار (مولعة فحمة ) مع العلم انها متخبطتش ولا عملت حادثة فنص الطريق ولعت لدرجة ان مكنتش عارف ماركتها اية وكانت العربية عالارض ولا عفشة ولا اللالى كلـــــــة فالضياااع
ادى الصينى:dontudear:
نصيحتى اللى نعرفة احســـــــــن من اللى منعرفوش
صـــح ولا اية
انصحك بالسيارة BYD فعلا بالسعر دة والامكانيات دى شوية فيها
بلاش الاسبرانزا لسبب
شوفتها من كام يوم فالعجمى استر يا ستار (مولعة فحمة ) مع العلم انها متخبطتش ولا عملت حادثة فنص الطريق ولعت لدرجة ان مكنتش عارف ماركتها اية وكانت العربية عالارض ولا عفشة ولا اللالى كلـــــــة فالضياااع
ادى الصينى:dontudear:
نصيحتى اللى نعرفة احســـــــــن من اللى منعرفوش
صـــح ولا اية
انصحك باسبرانزا معيا بقالة سنة طيارة و جميلة و اي استفسارات ياريت تكلمني علي ايميلي evramandbavly@yahoo.com او ابعتلي رسالة علي الخاص
انا شايف ان البى واى دى افضل لعدة اسباب:
شركة بى واى دى شركة عملاقة وتزداد قوة وده امان للمشترى ومعلومة إضافية انها سوف تصنع سيارة هجين (بنزين وكهرباء) من اقوى السيارات على مستوى العالم (بى بى سى) ومواقع اخرى.
السيارة كلها مكونات صينى ولايوجد بها مكونات مصرية مثل اسبرانزا.
العربية فى اختبارات الأمان كانت محترمة (انا شفت فيرنا فى كوبرى القبة مهشمة من الأمام حتى كرسى السائق فحمدت ربنا انى معايا عربية جامدة).
توكيل العربية هو شركة الأمل بتاع لادا واعتقد لادا بقالها سنين طويلة ولسة شغاله والتوكيل بيفتح فرع صيانة جديد للبيى واى دى بس.
اتفرج على العرض بتاع العربية دى فى الموقع بتاع الشركة http://www.byd.com/showroom.php?car=f3
العربية فى وجهة نظرى اجمل واشيك من اسبرانزا والفيرنا
وبعدين انا مبسوط ان الموتور متسوبيشى والعفشة والتابلوه تويوتا دى ميزه حلوة
وفى الآخر دى مسالة رأى واعتقد انها صفقة مميزة من شركة كبيرة وعمالة تكبر الشركة (انا عندى شوية معلومات عن الشركة بس ده مش مجالها هنا) بس ده بيطمنى انى كسبان إن شاء الله
فى رأى اسأل على
قطع الغيار وتوفرها والتوكيل وسمعته واعمل استخارة واشترى لأن كل واحد ليه تجربة وحيحيرك
وبالتوفيق
أتكل على الله و هات bydf3 و متقلقش العربيه معايا و بدأت تكتر فى الشارع ومنه لله التوكيل لو عمالها دعاية كويسة كانت العربية دى بقت بالحجز
الصراحة byd يابلاش
على فكرة
يكفيك فخر ان العربية
الاسبرانزا
بتتجمع فى مصر
يعنى مش حتتعب فى قطع غيارها خالص
زى واحد صحبنا هنا بيدور على كبالن للجيلى و مش لاقى
لما تفكر خليك عملى
بالاضافة الى انها بقت تكسى كمان
السلام عليكم
يا جماعة أنا ملاحظ إن كل واحد معاه عربية بيشكر فيها علي حساب أي عربية تانية
يعني بمعني أصح مش بيشوف أو مش عاوز يشوف غيرها
وإحنا من النوع اللي بيخاف من الجديد دايما يعني لازم نشوف حد جرب وقرر يغامر لوحده الأول علشان نقلده إن طلعت العربية كويسة
ولو طلعت وحشة يبقي إحنا كده في السليم !!
طبعا أنا متأكد إن ده منطق كل واحد بيفكر يشتري بس بالوضع الحالي كل واحد شايف عربيته فوق الكل يبقي محدش من الناس اللي عاوزة تعرف وضع كل عربية بصراحة حتعرف تأخد قرار سليم
يبقي ضروري اللي بيحث عن مميزات أي سيارة إنه يركز بحثه في المنتديات اللي خارج مصر أولا وممكن كمان يعرف معلومات إقتصادية عن الشركات المصنعة زي معدل نمو مبيعاتها ويبحث عن بعض التقارير التحليلية من جهات أجنبية عنها وتقارير عن السيارة متكاملة من حيث معدل الإصلاحات داخل الضمان علشان يشوف الناس اللي برة عاملين إيه معاها لأن غالبا رأيهم بيكون محايد جدا ومش بيحطوا رأسهم في الرمل بمعني لو إن العربية فيها أي حاجة مش عاجباهم أو عيب حيقولوا عنها بكل صراحة ده كمان لأنهم واثقين في التوكيلات بتاعتهم مش حتهضم حقوقهم نهائيا
وبالنسبة لي شخصيا أنا كنت من المغرمين جدا بالإسبرانزا وكنت لا أتصور العيش بدونها خصوصا إني نازل من لانسر 2008
ولكن ببعض البحث المعمق وصلت إلي أنها ظاهريا ممكن تكون مشجعة الواحد يشتريها ولكن فعليا تقاريها ضعيفة من حيث الجودة والمتانة مقارنة بالكثير من السيارات المماثلة ونسبة عيوب الصناعة كثيرة إلي حد ليس بصغير وليس معني ذلك أنها كل الإنتاج فيه عيوب
فضلا عن محركها صيني 100% يقال أنه تصميم ألماني ويوجد ضعف نوعا ما في التعليق الأمامي لها طبقا لشهادة بعض مالكيها
أما الـ byd فتتمتع بميزة هامة هي الإستنساخ من التيوتا كورولا في الشكل والعفشة وبمحرك ماركة ميتسوبيشي صيني ولكن فرع ميتسوبيشي اليابانية بالصين أي له مواصفات عالية وشروط صارمة في الجودة والتصنيع والمعلومة الجديدة أن الفيتيس بتاعها الأوتوماتيك ياباني الصنع من إنتاج شركة jatco اليابانية اللي بتملكها نيسان ومازدا وبتنتج الفتيس لغالبية العربيات الياباني كلها وعمليا السيارة تتمتع بقدر عالي جدا من الجودة في التصنيع والتقفيل وليس صحيحا مبالغات البعض مثل من يقول إن صباعه كان حيعدي من الصاج!! مع إحترامي الكامل له... ليه هو كان هركليز ولا جراندايزر؟؟ أنا مش بادافع عن العربية بس ده كلام مش منطقي خالص ومبالغ فيه جدا جدا
وبعدين السيارة فيها كمية كماليات عالية جدا جدا بمعني مفيش كمالية واحدة ناقصة ممكن تطلبها
وإستهلاكها إقتصادي جدا جدا وعوامل الأمان عالية جدا جدا سواء إير باج إو إختبار التصادم الأوروبي اللي ما بيعرفش يجامل أي حد بعكس الصيني اللي بيكون خفيف جدا
فبالنالي كان لازم أنقل العطا من إسبرانزا اللي إسمها أصلا شيري وإبن حسام أبو الفتوح اللي مألف لها الإسم ده إلي byd بمتهي الثقة.
وفي النهاية أرجو من كل من ينوي شراء سيارة أي كانت ماركتها يوسع دائرة بحثه ويركز علي تقارير الشركات الأجنبية المتخصة في تقييم أداء السيارات فنيا
انا ان كنت فى حيرتك..... بس كنت هختار byd صلاة استخاره وتوكل على الله :36_1_1[1]:
ربنا يوفق
بلا تردد اختار ال byd
العربية دى فيها مزايا كتير
الثبات على الطريق
الموتور ميتسوبيشى صوتة هادئ واقتصادى جدا فى استهلاك البنزين
دايما عندك اختيارات فى قطع غيارها انك ما تجيبش الصينى وتجيب اليابانى سواء للموتور او للعفشة
الصيانة فى الامل ارخص من ابو الفتوح