Pyd F3 ولا سبرانزا 1600 Cc

**mohamedsmsm** · 18-08-2008 08:46 AM

يا شباب عاوز خبرتكم في اختيار نوع من السيارتين

PYD F3
ولا سبرانزا 1600 CC

ياشباب حد جرب واحدة من العربيتين دول
ياريت انا عايز اعرف مميزات وعيوب كل منهم من حيث

تحمل المشاوير الطويلة 90 كيلو كل يوم
المتانة والثبات
اسعار قطع الغيار واماكن التوكيل ومصاريف الصيانة
استهلاك البنزين

خصوصا اني سمعت عنهم كلام كتير
واشتري اي واحدة منهم

**engmrz1234** · 20-01-2009 07:20 PM

والله معاك حق انا محتار جدا بينهم ياريت حد يكون ركب دي وحد يكون ركب دي ويدي راي محايد لان السايت هنا فيه اراء كتير جدا خلتني مش عارف اقرر اي حاجه خالص

**M.Osman** · 20-01-2009 11:38 PM

فيرنا احسن منهم الإتنين .... اى نعم الفيرنا فقيرة جدا من الداخل لكن محركها ( الـ1600 cc ) نفس محرك الإلانترا 2006 او الشكل القديم ....

بصراحة بسة مش واثق من العربيات دى ... مع انى سمعت ان الbyd كويسة ..

**engmrz1234** · 21-01-2009 10:18 PM

على فكره انا لسه جاي من معرض الفورميولا وشوفت ال Bydشكله معقول وشنطتها كبيره الموتور مكتوب عليه ميتسوبيشي فعلا بس للاسف صاجها رقيق جدا جدا بظغط على الشنطه حسيت صباعي هيدخل فيه الاسبرانزا تكسب في الموضوع ده كمان التابلوه وتقفيلها صيني تحس انه مش قيم الاسبرانزا رغم انه برضه فيه عيوب بس مترتب كويس وشكله احله

**kliken** · 21-01-2009 10:26 PM

انا مع انك تجيب فيرنا بصراحه بس لو مصمم على السيارتين دول يبقى byd مع واحد صاحبى و بيشكرلى فيها الى حد كبير
و ربنا يوفقك للاصلح

**احمدعبدالعزيز** · 22-01-2009 09:23 AM

المشاركة الأصلية كتبت بواسطة SuccessCre8or

فيرنا احسن منهم الإتنين .... اى نعم الفيرنا فقيرة جدا من الداخل لكن محركها ( الـ1600 cc ) نفس محرك الإلانترا 2006 او الشكل القديم ....

بصراحة بسة مش واثق من العربيات دى ... مع انى سمعت ان الbyd كويسة ..

كلام مظبوط 100%

**ahmedfadel** · 11-02-2009 10:05 PM

اعمل ايه بس اقول حادي بادي كرمب زبادي في سبعين الف هدفعهم في عربية

قصتي بقه ايه ... مش هطول عليكم
اعجبت جدا بالاوبشنز بتاعة الصيني فقولت مفيش مانع اجيب سبيرانزا ورزقي علي الله .... اجيب ايه اجيب ايه فاستقريت علي a516 كبيرة وشكلها مش بطال باستثناء من ورا بس .
وفيها كل الكماليات الي الواحد محتاجها في عربيته .
بس لما لقيت الهجوم الكبير من بعض الناس علي العربية ده كشيت وخفت اضيع شقي عمري في عربية اي كلام زي ما الناس بتقول .
فواحد صاحبي الله يكرمه نصحني بال ( BYD f3 ) وقالي عليها انها ممتازة فبحثت عنها لقيتها شكلها خراافة الاسود منها شبه ال BMW خالص .
عجبتني مووت بصراحة .... لاكن للاسف محدش جربها اوي وقال عيوبها ومميزاتها . يعني هشتري سمك في ميه بس شكله حلو وسمعت ان فيه كل الكماليات .

يا جماعة ارجوكم حد يعمل مقارنة محترمة بين السيارتين دول علشان نستفيد كلنا وربنا يجزيكم كل خير .

ارجو من السادة الاعضاء الكرام قول الاراء عن تجربة لفترة طويلة ولس انبهار بسيارة اشتراها جديدة
وياريت لو حد عنده صور حقيقية عن ال ByD f3 يرفعهالنا هنا نشوف اخبارها ايه علي الحقيقة

اسسسسسسسسف جدااا علي الاطالة .
اخوكم أحمد فاضل

**muslem** · 17-02-2009 05:31 PM

يا اخوة فى قسم ماركات اخرى فى كلام كتير عن البي واى دى من اصحابها و غير اصحابها كمان
انا لما اشترتي البي واى دي طبعا قارنت قبل ما اشترى بينها و بين الاسبرانزا بل الدايواو الفيرنا لقيت البي واى دى تكسب فى الشكل و الامكانيات يعني متورها ميتسوبشي و ده نادر فى العربيات الصيني واذا وجد فى عربية صيني غيرها تلاقي العربية معدية ال 100 الف
ومثلا على سبيل المثال البي واى دى لو قفلتها بالريموت لا يمكن تشتغل بالمتفاح بتاعها الا اذا فتحتها بالريموت ده طبعا امان ضد السرقة و مش موجود فى عربيات كتير
و انا عامل بيها لحد الان 16 الف و الحمد لله كويسة معى ما شاء الله و تقفليها جميل و شكلها ايضا هجومى زي ما بحب

**fahmy** · 18-02-2009 03:16 PM

اسبيرنزا وانسى الدنيا دية بجد العربية دى تحفة مشاء الله

-

الموضوع: Pyd F3 ولا سبرانزا 1600 Cc

LinkBack

أدوات الموضوع

عرض

-

-

حيرة حيرة حيرة ما بعدها حيرة -

-

المواضيع المتشابهه

سبرانزا a 113

لانسر 1600 vs سبرانزا 2000cc

سبرانزا

Pyd F3 ولا سبرانزا 1600 Cc

ليه أشتريت سبرانزا ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة