دايهاتسو ماتيريا ولا نيسان صني

**عمرو عمارة** · 18-08-2008 11:04 AM

السلام عليكم

أخويا مقدم على شراء سيارة جديدة والأراء كلها إتفقت على ماتيريا أو صني.....إحنا شوفنا الماتيريا وركبنها والصراحة عربية فوق الوصف وتقفيل وخامات رائعة والوسع طبعاً كلكم عرفينوه........أنا معرفش حاجة عن الصني ولكن باسمع حاجات كتيرة عليها مثل خشونة العفشة وإستهلاك البنزين العالي والتقفيل المصري....وطبعاً في حاجات حلوة زي الثبات على الطريق وقوة الموتور والجير بوكس والتكيف الرائع

بغض النظر عن شكل العربية أنا عايز أحسم الإختيار بين العربيتين دول بس

جزاكم اللهُ خيراً

**محمد عز** · 18-08-2008 11:38 AM

الصنى فيها ميزتين يعتبروا
ا- السعر
2- سيدان بشنطه كويسه

الماتيريا عربيه كويسه والشكل الخارجى اذواق
لكن شنطتها لا تقارن بالصنى (هاتشباك)
وسعرها

لو مش هامك موضوع الشكل والشنطه هات الماتيريا احسن

**عمرو عمارة** · 18-08-2008 11:44 AM

شكراً م/محمد

في ميزة حلوة أوي شوفتها في الماتيريا إن الكنبة الخلفية بتتحرك كلها حتة واحدة ورا أو قدام زي الكراسي الي قدام عشان ممكن توسع مكان للشنطة أو مكان للجلوس

**أبو عبدالله** · 18-08-2008 11:57 AM

المشاركة الأصلية كتبت بواسطة Renamr

شكراً م/محمد

في ميزة حلوة أوي شوفتها في الماتيريا إن الكنبة الخلفية بتتحرك كلها حتة واحدة ورا أو قدام زي الكراسي الي قدام عشان ممكن توسع مكان للشنطة أو مكان للجلوس

بالظبط كده يا جماعه العربيه دي شنطتها جامده قوي علشان موضوع الكنبه اللي بتتحرك دي

انا رايي لو مش هتفرق معاه اعادة البيع والشكل وعاوز يروش شويه يبقى ماتيريا أكيد لأنها ياباني ميه في الميه

ولو تنصحه بالكامله فول اوبشن كمان اللون الابيض تبقى تحفه بجد

وربنا يباركله فيها ان شاء الله مميزات الماتيريا عن الصني بصراحه انا شايفها
:
1- الوسع اداخلي
2- الفاميه بتاع الزجاج
3- التوكيل
4-التمييز في الشكل
5- نظام الصوت
6- اوفر في البنزين
7-الكماليات من ABS وغيره من انظمة ثبات

**عمرو عمارة** · 18-08-2008 12:05 PM

هو فعلاً يا أبو عبدالله هايجبها إن شاء الله الفول أوبشن بس اللون الماروني زي بتاعتي

هو مش فارقة معاه الشكل خالص بل العكس عاجباه أوي وفعلاً موضوع الفيميه الخلفي دة تحفة

جُزيتم خيراً أبو عبدالله

**OlaOsman** · 18-08-2008 12:13 PM

متهيألي الماتيريا كمان أجمد كصاج من الصني.

كمان زي دايما ما باقول ان الماتيريا يا جماعة تنفع شقة.. يعني اللي عنده أي مشكلة في البيات ما يحملش هم خاااااااالص.. الماتيريا شقة متنقلة.. زي الكارافان كده بالظبط :)

خليه يستخير برضه على الاتينن و اللي ربنا ييسر بيها تبقى هي دي اللي فيها الخير بإذن الله.

**عمرو عمارة** · 18-08-2008 12:18 PM

المشاركة الأصلية كتبت بواسطة OlaOsman

كمان زي دايما ما باقول ان الماتيريا يا جماعة تنفع شقة.. يعني اللي عنده أي مشكلة في البيات ما يحملش هم خاااااااالص.. الماتيريا شقة متنقلة.. زي الكارافان كده بالظبط :)

**VIRUS** · 18-08-2008 08:03 PM

هوا الماتيريا حلوه عشان حجمها اصغر من السني لو انتا بتحب تدوس وخيط في الطريق وكمان عشان الزحمه تعرف تسلك أكتر من الصني مع اني معايا صني بس ده رأيي مع اني مركبتش الماتريا بس انا شايف كده انا محدش من صحابي اشتكى منها
بس لو انتا طويل يبقا انتا شيل الكرسي اللي قدام واقعد على الكنبه واقفل الباب اللي ورى واقلبها باب واحد :d لاني متوقعش ان ممكن حد يعرف يقعد وراك

**ows212** · 19-08-2008 03:08 AM

خليه يتوكل على الله ويجيب الماتيريا
مش عارف انا حاسس ان المقارنة بين الماتيريا والصنى بعيدة شوية ممكن لو كانت بين الماتيريا وال تيدا كان الواحد فكر بس أكيد الماتيريا تكسب الصنى فى كل حاجة عدا اعادة البيع

**todolist** · 03-09-2008 08:49 PM

ماتيريا بلا تردد أفضل سيارة فى فئتها

الموضوع: دايهاتسو ماتيريا ولا نيسان صني

LinkBack

أدوات الموضوع

عرض

دايهاتسو ماتيريا ولا نيسان صني - انشر الموضوع فى :

-

-

-

-

-

المواضيع المتشابهه

دايهاتسو ماتيريا

دايهاتسو ماتيريا للبيع

دايهاتسو ماتيريا للبيع

اريد دايهاتسو ماتيريا

بعد مقارنة بين نيسان تييدا و هيونداي ماتريكس و دايهاتسو ماتيريا اشتريت الماتيريا

الكلمات الدلالية لهذا الموضوع

المفضلات

المفضلات

ضوابط المشاركة