معاكسات الموبيل

**khaled_sabry** · 08-05-2013 12:44 PM

واحد حيجننى - صاحب النمره دى
01003820900
الراجل ده يوميا بيتصل بيا و شكله شمام و كلامه غير موزون
اول يوم كلمنى بقي يتصل افتح الخط ماحدش يرد - و فضلنا على الوضع ده لمده نص ساعه
وفين و فين لما رد - شتمنى و سكت
باقية الايام بقى بقي يتصل و انا افتح الخط و ما اردش تجنبا للاذى
انا لو جمعت اوقات اتصالاته حلاقيني داخل على الساعتين مستريح - طيب مش حرام الفلوس دى
بس اللى بيصعب عليا هو شحن البطاريه

اللى فهمته كمان انه فاكر ان نمرتى دى بتاعت واحده ست و انها بتديلى الموبيل علشان ارد عليه

**ابو لؤى** · 08-05-2013 12:54 PM

الله يخربيت كروت فكه المهم ان زمان كانو بيعاكسو البنات دلوقتى مبقاش فارق معاهم اتارى هما مش بيعكسو علشان البنات لا بيعاكسو لانهم بيحبو المعاكسه ههههههههههههههههههه

**khaled_sabry** · 08-05-2013 01:01 PM

ده كل شويه يقولى " أأألووو أأأأأألو
طيب ا....لو
ماتردى يا شـ........
"
الى اخر الشتايم المؤنثه دى - و لما اتكلم يقلبها مذكر و يسكت و يسيب الخط مفتوح برضه
انا زهقت بجد

**alking_2006** · 08-05-2013 01:07 PM

اعمله بلاك ليست لو عندك الخاصية دى
موجودة فى فودافون

**khaled_sabry** · 08-05-2013 02:12 PM

المشاركة الأصلية كتبت بواسطة alking_2006

اعمله بلاك ليست لو عندك الخاصية دى
موجودة فى فودافون

تمام ياباشا
هى الخاصيه مش موجوده عندى على الموبيل - رغم انها موجوده فى موبيلات تانيه اقل منه

انا عملتله بلاك ليست من موقع فودافون - رغم انها حتكلفنى 50 قرش شهريا بس مش مشكله

**youssef_u** · 08-05-2013 03:50 PM

كان في واحد بيتصل على رقم اختي بردو بيعاكس كده و فضل اسبوعين يتصل ، الكلام ده كان اول الصيف اللي فات ، في نص الصيف رحت السعوديه و كان في عرض من شبكات المحمول هناك دقايق مجانيه ،،، استغليت الفرصة بقا و وزعت رقم الراجل ده على مصريين سوررين سعوديين و كلهم بقوا يتصلوا بيه و يبهدلوه لدرجة ان الراجل قفل موبايله و مفتحهوش تاني لمده تزيد عن اسبوع :)

**ahmedteam** · 08-05-2013 04:21 PM

خدمه بلاك اند وايت من موقع فودافون و ريح دماغك

**S O P H O S** · 10-05-2013 06:53 PM

في حظر من الشركة نفسها

**AirForces** · 10-05-2013 08:11 PM

لو موبايلك اندرويد حمل برنامج Blacklist+ مش محتاج البلاك ليست بتاعه فودافون

**Land_Cruiser** · 10-05-2013 08:25 PM

برنامج blacklist للاندرويد ينفع و ده مجاني و ممكن خدمه black and white من فودافون و موجود زيها في بقيه الشبكات التانيه بس بأسماء مختلفه . اشترك في الخدمه شهر و لا حاجه و هو هيزهق لانه مش هيعرف يوصلّلك مهما عمل فهيبطل يتصل و يبعد عن حضرتك