الموضوع: رصيد في البنك

المشاركة الأصلية كتبت بواسطة dedi

زى ماقال ابو صلاح لو مبلغ بسيط حطة فى البوسطة دى احسن فايدة ولو مبلغ متجمد حطة فى البنك
البلغ لو حضرتك سوف تحتاجة بعد فترة بسيطة يبقى الافضل البوسطة لانها دايما بتعطى اعل عائد و طبعا ممكن تسحب فى اى و قت و تودع فى اى وقت
البنك شهادات 3 سنوات افضل فايدة فى بنك مصر او الاهلى او القاهرة تقريبا و الفائدة كل 3 شهور بس خذ لبالك من حاجة مهمة انك لو احتجت المبلغ قبل نهاية المدة سوف تخسر جدا
الوديعة هى حساب متغير الفائدة و لا انصحك بة بس ممكن تسحب و تودع و قت ماتحب زى البوسطة و لكن البوسطة افضل
اتمنى انى اكون افدتك على قدر معلوماتى
تحياتى

الراجل ده قال المفيد عن البريد المصري
بالمناسبة اكبر تجار العتبة حاليا بيتعاملوا مع البريد المصري وبقى نظامه زي البنوك وكروت atm وشيكات وبقى شغل عالي قوي

المشاركة الأصلية كتبت بواسطة A7MED_PHARMA

شكراااااااا على الافادة يارجالة
والبوسطة دي مميزاتها ايه؟
يعني بتدي الفوايد كل اد ايه؟
ونظام السحب والايداع عليه رسوم؟؟وفين البوسطة دي اساسا؟؟
فروعها بيبقا اسمها ايه؟

البوسطة مفيش اي رسوم نهائيا لا شهري ولا سنوي ولا ايداع ولا سحب
الفائدة بتنزل على حسابك كل 6 شهور على اقل رصيد خلال نفس الفترة

البريد المصري هتلاقيه جنب البيت عندك اسال اي حد بيصرف معاشات غالبا بيصرف من البوسطة

المشاركة الأصلية كتبت بواسطة EL Tanna

البوسطه الى هى البريد المصرى و مفيش اى مكان بيبقى فيه مصاريف على السحب و الايداع

ممكن بقى استفسار هل دفتر التوفير ليه حدود؟؟يعنى اكبر مبلغ ممكن اسيبه فى دفتر توفير كام؟

اقصى حد ليه مليون جنيه