لو طالع من طريق اسماعيليه الصحراوى هتعدى على العبور و الشروق و العاشر و محطةالرسوم عند اول طريق فايد و انت مكمل كانك رايح اسماعيليه
هتوصل عند اول اسماعيليه و متدخلش مع الترعه انت تكمل و تاخد كل الكباري اللى هتلاقيها هتنزل عند المتطقه الحره على شمالك و قيادة الجيش التانى على يمينك و بعد حوالى ٥ كيلو هتلاقى مطب و مدخل طريق بورسعيد شمال تخش مع الطريق ده و تمشى حوالى ٤٠ كيلو هتلاقى نفسك شايف الكوبري من بعيد بالعرض و هتعدى جنب مدخله هتلاقيه شبه الجمارك كده و ساحه كبيره و مبنى صغير على الشمال .... تقدر تعلمه ان قبله على الشمال فى بنزينة طاقه كبيره و جديده .... المهم اول ما تعدىه تاخد اول يوترن و احتمال يكون بعيد شويه و تكون عديت من تحت الكوبرى و ترجع تانى تاخد يمين فى الحارات اللى جوه الساحه هتوصل لنقطة تفتيش و يشوفو ورقك و تعدى
المنظر من فوق الكوبرى تحفه بس ممنوع تقف طبعا و ساعات الكوبرى بيتقفل لو فى سفن حربيه معديه و ساعات بيكون فى زحمه نقل جامده جدا بس مش متاكد الملاكى بيعدوه (زى كماين شرم) ولا بيستنى دوره فى وسط النقل
هتنزل الناحيه التانيه لو يمين تطلع على اسماعيليه تانى و منها لسدر و شرم و لو شمال تطلع على العريش
بالنسبه للمعديه هى فعلا قديمه و من ساعة الكوبرى و هى الاهتمام بيها مش قوى .... لو كملت على الطريق و انت جاى من ناحية الاسماعيليه و عديت من تحت الكوبرى خليك يمين هتلاقى على طول يافطه و مدق او طريق فرعى على اليمين مكتوب عليه المتجه لمعدية القنطره
المفضلات