الموضوع: أفلام مصلحة

المشاركة الأصلية كتبت بواسطة تامر.محمد

انا معاك جدا

للاسف ناس كتير مش مقتنعين ان السينما تأثيرها على الشعب كله رهيب

السينما أساسا لها تأثير مهول على الناس

المشاركة الأصلية كتبت بواسطة no comment

الحل ان تقوم ثورة تانية ... بس الثورة دى تبقى على الاخلاق
واعتقد ان لسة بدرى اوى على كدة يا دكتور ... لان لازم هيسبقها عدة ثورات منهم ثورة الجياع

ماهي الافلام دي
مقدمة لثورة قلة الادب..الي هي اهم من الجوع
على الاقل من وجهه نظري

المشاركة الأصلية كتبت بواسطة speed_magnum

السينما بتأثر اه بس مش للدرجادي
دي ازمه مجتمع كامل مش مجرد فيلمين في سينما

مين قال السينما مش بتأثر
معظم الافيهات اليومية ..والهزار..ونص كلامنا
لو ركزت..هتلاقي نصها من الافلام
راجع في جوجل عن تأثير الافلام على الشخصية
هتشوف كلام يخضك

والكلام زي ماقولت مش مرسل
اقرب مثال
عيل بشخة..مايكملش 12 سنة بالكتير
واقف بيملى جراكن في البنزينة..والدنيا زحمة وحر وقرف..وخناقات وزعيق
الواد معدي بيزق دكتور صاحبي واقف معايا
صاحبي قاله..مش تحاسب يابني
الود عمل الفاظ قبيحة..واشارات .....المهم يعني
مسكته انا وصاحبي من قفاه
وقلناله بتتكلم كده ليه ياله..مش تحترم الاكبر منك
الواد قال بالنص
""عملنا الصح صح مع الناس..ماحترموناش...عاملنا الزوق بالزوق ماحترموناش..نحترم الناس ليه طالما مابيقدروناش""

انا ضحكت
وربنا العظيم ضحكت
جملة شكلها متاخده من اغنية هابطة..او من فيلم اهبل من الي بنشوفه الايام دي