انا متفق معاك وشكرا" علي عرض هذا الموضوع
عرض للطباعة
احمد باشا
ربنا ما يجيب زعل
حميدو ..
اشكرك مش لانك متفق معايا .. لاهتمامك ..
وكده تقريبا كل الي رد متفق على عدم الرد باللغة الانجليزية ..
تحية لمستر bee على موضوعك المتميز ويارب الرسالة توصل لكل الأخوة والأخوات عاشقى الدماء وأفلام الرعب واكثر ما يستفزنى فالموضوع أن يعلل احد من كتبوه كتبرير للوصف بأنه المشهد مازال فى ذاكرته حتى الان ومش قادر ينساه طب لما هو كده هل تجبرنا احنا كمان نعيش المشهد معاك او معاكى وكمان تفضل تفتكرو كل متقرا ردود موضوعك وتتفاعل فالمشهد اكتر وتبدأ بقا الردود المستفزة اكتر واللى بتسأل عالتفاصيل الفنية الدقيقة طب هى الجثة كانت بالطول ولا بالعرض طب على بعد كام ملى بالزبط من العمود اللى جنبها ,,,,,,,أرحمونا!!!!!!!!!!!:censored::spam:
طيب همسة بس في أذن كل المعترضين على المواضيع اللي من النوع ده: ممكن تعترض زي ما انت عايز بس بالرفق؟ بالراحة؟ من غير ما تتنرفز أو تتعصب على صاحب أو صاحبة الموضوع عشان هو / هي بالتأكيد ما يقصدش يأذي مشاعرك.. مش مطلوب مننا غير لفت النظر برفق. صح و لا انا غلطانة؟
هل عندما اصف مشهد رايته بعيني في وضح النهار ، يكون هذا حبا في افلام الرعب وعشق للدماء !!!!!!!!!
انا لست شبا مراهقا ، انا فتاة صغيرة في العمر وامآ في ذات الوقت ( ولدي مشاعر مثلكم )
وحين كتبت ذلك الموضوع الذي اثار هذا الجدل وفتح ابواب النيران لم يكن بغرض شئ سوي اندهاشي لتلك الواقع وطلب العون في كيفية التصرف في مثل هذه المواقف ، فكلنا يحتاج للمساعدة والنصح ، وايضا الوقوف علي تلك الحوادث ومعرفة سبب كثرتها
لقد اتخذتم جانب واحد من الموضوع واختم تناقشونه دون حتي ادني تفكير عن ماهية تلك الواقعة
ولقد حددت في عنوان موضوعي انه حــــــــــــــــــــــــ ادث ولم اقل فيلما او عنوان فكاهي وكان ذلك احري بعدم دخول اي شخص ذو مشاعر مرهفة اكثر من اللازم ، حيث يتاثر بالكلام وتخيل اي صورة .
اسف بقى انا مش معاك خالص انت لية بتتكلم بالشدة دى على المواضيع الى هيه بتتكلم عن الحوادث طيب خلص الكلام فى الموضوع نفسة متفتحش موضوع تانى علشان تهاجمة وبعدين ماالعنوان اضافلة ** ممنوع لضعاف القلب ** دة يعنى ان الكلام جاب نتيجة انا شايف ان 3/4 من المندى مجانين سواقة وانا اولهم لما اشوف حادثة لازم اهدى واحسبها من الاول الحادثة بتغير حاجات جوايا بس شوية وبنسى انت بتلوم بنت بتتكلم على موضوع زى دة دى شافت المنظر دة وكملت طريقها وحياتها موقفتش وبعدين لية منكتبش مواضيع مختلفى حاجة مملة ان يبقى الكلام كلة عربيات لازم من زسط 100 موضوع تطلع بموضوع تانى وانا معاك ان الكتابة بطريقة الشات بايخة بس انا شغال تاجد و فيس بوك و مش عارف اية بكتب معرب على طول ممكن واحد مبيفصلش انا الوقت الوحيد الى بكتب فية عربى هوه الوقت الى بقعدة هنا على المنتدى انا بعرف افصل و ياريت المنتدى دة مش خناقة دة تبادل اراء والكلام يتوجة لصاحب الموضوع مش فى موضوع تانى .....................*** اتمنى انك تكون فهمت رسالتى واسف لو كنت بايخ ومختلف عن الردود الى جاتلك*** وللحديث بقية//
واضح ان فيه ناس شايفه الي انا شايفه مش انا بس
ويا ريت حضرتك بردو تعقب على النقاط الي شبق مناقشتها
تحياتي في انتظار الرد[/quote]
انا معاك فى كل حاجة انت قولتها , فيه ناس كده فى المنتدى معروفين شايفين نفسهم شوية و فاكرين ان محدش غيرهم عارف انجليزى و انا متأكد ان معظم الاعضاء ممتازين فى الانجليزى بس اظن ان جميع الاعضاء مصريين يعنى الكيبورد فيه حروف عربى يبقى مالهاش لازمة المنظرة و الكتابة باللغة الانجليزية
و الله و الله يمين يحاسبني عليه ربنا انا عمرى ما كتبت عربى على الكيبورد كل شغلى على الكمبيوتر انجليزى و رغم كده لما دخلت المنتدى لقيته كله عربى بقيت اكتب عربي غصب عنى و لقيت صعوبة فى الاول بس دلوقتى الحمد لله
تانى حاجة , فيه كذا موضوع انا حطيته او موضوع انا رديت فيه الاقى ايه بقى ؟ انا مثلا بتكلم على عربية معينة عايز اعرف عيوبها و مميزاتها , الاقى عضو محترم داخللى بعربية تانية (اكيد عربيته) يمدح فيها و يحاول يصرف نظر كل العضاء عن العربية الاصلية اللى احنا بنتكلم عليها
مثلا احكيلكم موقف حقيقى من غير زعل , انا من شهرين كده عملت موضوع للمقارنة بين تويوتا ياريس و هيونداى النترا لقيت اعضاء مشكورين قالوا رأيهم بصراحة و كنت انا منحاز اوى لياريس اكتر و كله بيشكر فيها و فى شكلها , دخل عضو محترم مش عايز اذكر اسمه قال ايه بقى ؟ يا عم ياريس ديه شكلها وحش اوى ديه عربية حولة و المصمم بتاعها حمار و كمان النترا ديه عربية كورى تبع غبور احسن حاجة لانسر !! انا جبت سيرة لانسر دلوقتى ؟ انا طلبت من حد يقوللى ماركة غير الاتنين اللى انا بقارن ما بينهم ؟
واحد تانى رد قاللى لا جين 2 هى جميلة الجميلات و اجمل من ياريس و احلى منها رغم ان جين 2 مالهاش دخل فى الموضوع , يا جماعة انا بقارن بين ياريس و النترا ايه دخل جين 2 و لا لانسر ولا سيريون ؟
قصدي من كل ده ان فيه ناس بتدخل اى موضوع هدفها انها تعمل سمعة لعربيتها و بس مالهاش دعوة بالموضوع يشوفوا اى تعليق من عضو ممكن يعلقوا عليه بالنقد و ينقدوا فيه و فى الاخر يقولوا عربية كذا هى الاحسن
حاجة غريبة و المنتدى محتاج اعادة نظر
اسف على الاطالة و فى انتظار الردود
أتفق مع صاحب الموضوع في عدم نشر أخبار الحوادث و على فكرة... مش معنى أن مفيش صور يبقا الموضوع مش مؤذي, بالعكس دا أحيانا لما حد بيوصفلك حاجة و يترك لخيالك الحرية ده بيؤذيك أكتر
النقطة اللي عايزين نوصلها و اللي أعتقد أن كلنا متفقين عليها و كانت أثيرت قبل كدا في موضوع ممكن يكون مختلف ولكنه مشابه في المضمون
فاكرين لما الأخت علا فتحت موضوع أفلام خالد يوسف؟ و أنه ممكن يوصل رسالته بدون تفاصيل المشهد المقزز و التطويل فيه لأنه بيؤذي المشاعر؟
هي نفس القصة بالظبط
و على فكرة أنا مش بهاجم موضوع معين لكن أنا ضد "تجميع كل ما هو بشع في موضوع" و المشاركة بيه
الحياة مش ناقصة نكد و اللي مكتوبله شيء هيشوفه سواء شاء أو لم يشاء
في النهاية رأيي شخصي بحت أكيد ليه معارضين زي ما ليه مؤيدين