الموضوع: صفحة حوادث نايل موتورز - شعارنا الدم للركب

المشاركة الأصلية كتبت بواسطة دموع الثلج

انا الحقيقه مشفتش توقيع الاخ سبعاوى ومعرفش انه كاتب الكلام ده لكن تقدر تتعامل مع الموضوع بسطحيه موضوع هضايقك نفسيا متدخلهوش دى اول خطوه

ماشي اوضح تاني .. مش المفروض نعرض حاجه تضايق حد بشكل أو بآخر ..
ولو بتعامل مع حاجه هنا بسطحية يبقى انا في شغل مش في منتدى بعتبره بيت ليا ولاصدقائي


الخطوه الثانيه تقدر تبعت للاداره بطلب قفل الموضوع او حذفه وتذكر اسبابك
انا مش المهم ان الموضوع يتحذف
بالعكس انا هدفي نوصل للفايده من ورا الموضوع لكن بطريقة تراعي احساس الاخرين ..
انا هستفيد ايه لما موضوع يتحذف ؟؟
ناخد الحكمة بطريقة تراعي مشاعر الاعضاء

والخطوه الثالثه الاداره تتفضل مشكوره بعمل فلتره للمواضيع وذكر اسباب حذف محتواه عشان محدش يزعل
نفس الرد السابق .. مش الهدف الحذف .. الهدف الوصول لنتيجة مرضية والاستفاده في نفس الوقت

وفيه طرق اكثر من كده يعنى المشكله بسيطه وسهل السيطره عليها والحل
اتمنى تكون بسيطة انا بنوه عشان الي مش آخد باله .. انا مش بتخانق :) احنا اخوات

كلنا تحت ضغط نفسى وعصبى سيئ من اوضاع المجتمع كله ومن سلوكنا كافراد يمكن بنتصرف غلط ومقتنعين اننا احنا اللى صح وغيرنا اللى غلط
انا بردو مش بوجه حد عشان كلامي ميتفهمش غلط .. انا بصفتي اخ للاعضاء بوضح حاجه ممكن منكنش شايفينها خصوصا ان معظم الي حصل منهم كده ناس محترمه -ودي عادة الاعضاء هنا- وده سبب ادعى اننا كلنا نكون مراية لبعض :)


وعموما انا بشكرك على النقاش ده لان الغرض منه اكيد الوصول الى الافضل بالنسبه للمنتدى
واكيد هيكون فيه خطوه للافضل

أكيد .. واتكنى دوام التواصل .. وربنا يزيد من روح المحبة بين الاعضاء

تحياتي

المشاركة الأصلية كتبت بواسطة ahmedcar

انا لحد دلوقتى ماشوفتش ولا صوره فيها دم او حاجه زى كده كله كلام بيقول عربيه اتقلبت او واحد متهور بسرعته ادى الى مقتل كذا و كذا لكن صور مافيش هو موضوع الاوكتفيا بس هو اللى فيه صوره واحد ممكن نحط صور العربيات اللى متدمره اوك لكن صور الناس لا

متشكر على سعه صدر حضرتك

باشا لا فيه صور
ومش عايز اقولك مدى المرارة الي حستها
وكمان فيه تشبيهات بليغة ..
مش موضعنا دلوقتي المهم هل حضرتك متفق في مبدأ عرض المواضيع بطريقة تعم بها الفايدة بعيدا عن العرض التفصيلي للحوادث ؟
يعني حضرتك حدد وجهة نظرك تجاه النقاط الي اثرتها وبردو موضوع الرد بالانجليزي ده
شكرا لاهتمامك

المشاركة الأصلية كتبت بواسطة Mohamed_SlvrLan99

سؤال بعد اذنك, اسم عضويتك و نوع العربية مكتوب بلغة اية ؟.....شكرا :).

يا باشا ..
ال nick name حاجه والنقاش في موضوع ده حاجه تانيه خالص
يعني مش عيب يكون ليا اسم بالانجليزي والي غالبا هيكون اسمي ع الايميل وفي كل مكان
غير اني اناقش موضوع في منتدى بالانجليزي ؟؟
وبعدين حضرتك بتتكلم في ايه ؟
هو لما يكون اسمي بالانجليزي ده هيأثر على المناقشة في موضوع ؟؟
ولما اكون كاتب الحوار بالانجليزي ده مش هيأثر على المناقشة في الموضوع ؟؟

تحياتي للنقطة الوجيهة الي حضرتك أثرتها يا باشا
اتمنى تعقب على النقط السابقة الي هنستفاد منها ..
:)

المشاركة الأصلية كتبت بواسطة bee

باشا لا فيه صور
ومش عايز اقولك مدى المرارة الي حستها
وكمان فيه تشبيهات بليغة ..
مش موضعنا دلوقتي المهم هل حضرتك متفق في مبدأ عرض المواضيع بطريقة تعم بها الفايدة بعيدا عن العرض التفصيلي للحوادث ؟
يعني حضرتك حدد وجهة نظرك تجاه النقاط الي اثرتها وبردو موضوع الرد بالانجليزي ده
شكرا لاهتمامك

ايوه متفق معاك
بس العرض الفصيلى بمعنى انه كان بيجرى ففرده فرقعت او عربيه قطعت الطريق قدامه او واحد عدى قدامه فمعرفش يفاديه ماشى اوك هو ده العرض التفصيلى مش قطع7ه تقطيع و كده انا معاك و كمان الكلام العربى احسن بكتير من الانجليزى

المشاركة الأصلية كتبت بواسطة mohamed

والله جميل جدا فتح الموضوع ده وانا ملاحظ مواضيع مشابهة منها المنتدى بيغرق وحاجات كده بدأت تظهر يا رب تنفع بس ,, انا برغم مشاركاتى القليلة الا انى كنت ببقى سعيد جدا وانا بتصفح المنتدى يوميا ,, دلوقتى ومع كامل احترامى للجميع الا انى بقيت بدور على بعض المشاركات لناس معينة على سبيل المثال لا الحصر مع حفظ الالقاب سبعاوى وكريم منير وابو عبد الله وكان زمان حد اسمه هانى شهير ببايو معرفش عنه حاجة دلوقتى وكده وباقى الاسماء الذاكرة مش جايباهم معذرة..... كان الواحد بيستفيد جدا من اراءهم اما الان فبدور وبتعب جدا على ما الاقيهم او الاقى مشاركة تستحق القراءة يا رب اكون قدرت اوصل رؤيتى للمنتدى اللى نفسى يرجع زى الاول انا عايز اقول بس ان فيه حاجة غلط

اشكرك لردك اخي الكريم
واضح ان فيه ناس شايفه الي انا شايفه مش انا بس
ويا ريت حضرتك بردو تعقب على النقاط الي شبق مناقشتها

تحياتي في انتظار الرد

المشاركة الأصلية كتبت بواسطة OlaOsman

طبعا ماختلفناش على ان الوصف التفصيلي للحوادث و منظر الجثث المتقطعة بيبقى صادم للمشاعر و ده بيتفاوت من شخص لآخر.. يعني فيه ناس ممكن فعلا مشاعرها تتأذي من تخيل منظر زي ده و ما تنامش بالليل، و ناس تانية تتأثر بس، انما بعد كده بتنسى و تكمل يومها عادي.
بس برضه بالتأكيد احنا متفقين على ان اللي بيكتب موضوع بيوصف فيه حادثة شافها مش بيكون متعمد انه يأذي مشاعر الناس و لا انه ما ينيمهمش الليل.. كل موضوع من دول ليه مبرراته، خصوصا الموضوع بتاع نص إنسان.. و وجهة نظري في الموضوع ده انا شرحته في رد سابق لية على سبعاوي اللي كلنا بنكن ليه كل مودة و احترام :)
علا انا بردو عشان التوضيح ومحدش يفهمني غلط .. انا عايز او بتمنى نوضح وجهة نظرنا بطريقة لا تجرح مشاعر الاخرين ..

مش عايزين يا جماعة الموضوع ياخد أكبر من حجمه و مش عايزين نقيد نفسنا بقواعد اكتر من اللي موجودة بالفعل.. يعني صعب كمان أحكم على الناس انهم يشوفوااللي يشوفوه برة و ييجوا هنا ما يقدروش يفتحوا بقهم و لا يفضفضوا باللي جواهم.. و بعدين احنا في منتدى سيارات و الحوادث في مصر مافيش أكتر منها.. يعني بأت حاجة شبه يومية للأسف.. فصعب ان ماحدش يتكلم عن الحوادث خالص في المنتدى.
انا قلت قبل كده كتيرر وهقول تانى .. نقول العبرة بدون تفاصيل حادثة ودم ومين اتعور ومين مات .. اتمنى اكون وضحت

يمكن المطلوب من اللي يكتب موضوع فيه حادثة انه على أد ما يقدر ما يغرقش أوي في وصف الجثث المتقطعة و الأشلاء و الدم الخ الخ الخ. و في نفس الوقت ممكن اللي بيتأثر اوي من قراية الحوادث ما يدخلش المواضيع اللي بتحمل عنوان حادثة او ما شابه.. و برضه باكرر تاني مع عدم الإغراق في التفاصيل و الحفاظ على مشاعر الناس.

متهيألي كده ممكن نوصل لحل وسط في الموضوع ده.

جميل جدا آخر جزء وهو الخلاصة وطبعا على ماوصلته كان كافي اني اقول مش محتاجين اكتر من كده ..

تحياتي لردك
وبردو عايزين رأيك في موضوع الرد بالانجليزي

المشاركة الأصلية كتبت بواسطة ahmedcar

ايوه متفق معاك
بس العرض الفصيلى بمعنى انه كان بيجرى ففرده فرقعت او عربيه قطعت الطريق قدامه او واحد عدى قدامه فمعرفش يفاديه ماشى اوك هو ده العرض التفصيلى مش قطع7ه تقطيع و كده انا معاك و كمان الكلام العربى احسن بكتير من الانجليزى

انا اقصد بالتفصيلي
ان فلان اتعور فين ومين حصلها ايه
والطفل الي ورا هو الي اتبهدل

لكن تفاصيل خاصة بالسيارة اكيد مفيده لانها هتوصلنا لنتيجة الحادثة حصلت ازاي ..
يعني متفقين :)