الموضوع: استفسار بخصوص تكييف شارب...

السلام عليكم ..... محتاج ضرورى جدا 3 اجهزة تكييف شارب 2.25 حصان بارد ساخن بريميم بلس (هاى لاين كما يسميه التجار) ..... و انا مقيم فى اسيوط ..... و كعادة شركة شارب فى كل عام مع مطلع شهر فبراير بيعطشوا السوق و بيخفوا اجهزتهم تماما لسبب انا مش عارفه ..... بقى لى شهرين دافع عشرة الاف جنيه عربون و برده الاجهزة لم تتوفر ...... و علشان كدة محتاج اعرف مكان الوكلاء و الموزعين المعتمدين فى القاهرة ... علشان انزل القاهرة مخصوص و اجيب المطلوب .... و ياريت لو ارقام تليفونات علشان اتاكد من توفر المطلوب.... جزيل الشكر للجميع.

نصيحو منى لوجة الله سيبك من شارب دلوقتى
شارب بنشترى اسم على الفاضى
شارب كان زمان اول ما نزل انما دلوقتى اى كلام
انا اشتريت تكييف شارب اول مانزل فى عام 2006 واشتريت واحد تانى فى عام 2011 وشتان الفرق بينهما
وابن عمى شغال فى مصنع العربى الى بيجمع الاجهزة وسألته عن السبب
فقالى ان شارب اول منزل كان كل مكوناته يابانى انما دلوقتى علشان المنافسة والسعر فبيستعملوا مكونات صينى
ودة بيفرق طبعا
نصيحة فى حاجات تانية كويسة دلوقتى زى هايسنس ودة جابولنا تلات اجهزة منه فى الشغل وبصراحة التبريد بتاعه ممتاز جدا بشكل مكنتش متوقعه
وفى كمان كاريير ودة عندى جهاز منه ف البيت وتبريدة كويس جدا
وفى كمان ال جى
بس انا اذا رجعت بيا الايام وكنت جربت الهايسنس كنته جبته للبيت كلة عندى