الخبر مرفق من جريدة عالم المال
http://farm3.static.flickr.com/2268/...14d8e021_b.jpg
والعهدة على المصدر :)
عرض للطباعة
الخبر مرفق من جريدة عالم المال
http://farm3.static.flickr.com/2268/...14d8e021_b.jpg
والعهدة على المصدر :)
خبر هايل
و ان شاء الله يكون سليم
شكرا علي الخبر
طيب يا اخى كنت تصور المقالة كلها عشان نفهم اكتر :)
أخذتو بالكم من جملة "أن المشكلة الوحيدة هي النقل"
بسبب الرينو المغربية: دراسة شاملة لملف السيارات بوزارة التجارة
كتبت - هدي بحر: بدأت وزارة التجارة والصناعة إعداد دراسة لملف السيارات الخاص باتفاقية أغادير أكدت مصادر لـ »الوفد« أن الدراسة بشأن الطلبات المقدمة من الجانب المغربي بالسماح بدخول السيارة الرينو الانتاج المغربي - الفرنسي المشترك بما لايتعارض مع الاتفاقيات الموقعة وبنود اتفاقية أغادير التي تشترط تحقق السلعة للمكون المحلي بحوالي 40% وهو ما لايتوافر للسيارة المغربية من المعروف أن مصر حصلت علي فترة سماح من منظمة التجارة بشأن تأجيل الغاء الجمارك علي السيارات حتي عام 2018.
كان الجانب المغربي قد أثار في لقاء مجلس إدارة غرفة الجيزة بوفد غرفة قاسم للتجارة قضية رفض الحكومة المصرية دخول السيارة الرينو للسوق المصري بدون إعفاءات جمركية.
وأشار خلاله الوفد المغربي إلي إمكانية دخولها وفقا للاتفاق التراكمي المنصوص عليه في اتفاقية أغادير والذي يتيح دخول منتجات مصنعة بين الدول الموقعة عليها بنسب مكونات متفاوتة وهو ما يراه الجانب المصري غير متوافر في السيارة المغربية. وعلي الجانب الآخر أثارتاعملية إنتاج المغرب للسيارة الرينو المغربية والتي تقل أسعارها عن الفرنسية ووسط إحتمالات استجابة وزارة التجارة لضغوط اتحاد غرف التجارة والصناعة المغربية بشأن دخولها بدون جمارك للسوق المصري شهية وكلاء السيارات رغبة في حصولهم علي توكيل الرينو المغربية من الشركة الفرنسية الأم.
:banghead:
الحكومة دى مش هاترسيها على بر
الخبر من جريدة الوفد
http://www.alwafd.org/v4/News/NewsDe...8&type=economy
خبر حلو بس الواحد مش مطمن للحكومة ال Double agent بتاعتنا و حايطلعوا مليون حاجة علشان تغلى العربية و اذا كان العربيات الصينى اللى بتتباع على الرصيف فى الصين ب 5 مليم بتتباع هنا ب 50 (الكتكوتة) مع و جود عذر و هو ان المسافة من هنا للصين كبيرة و اسعار الشحن غالية (مش عارف ليه يا أخى اسعار الشحن غالية على العربيات بس و مش غالية على وشوش الموبيلات و القمصان اللى ب 20 ج)
و المركب من هنا للمغرب يومين او 3 بس،يبقى سعرها كام ؟؟؟؟
اعتقادى النهائى ان اللوجان مش حاتققل عن 55 الف ملطوش
لو ده حصل يبقى كل مصر حتركب لوجان :)
و لا عزاء للناس الي اشتروها بالسعر " الاوروبي " و سلملي علي "الاوروبي "
اعتقد لو الخبر صحيح
تبقى دى مقدمة لعمل اللوجان تاكسى القاهرة الجديد
طبعا مش اجبارى , لكن هتكون الخيار الأفضل على الأقل
النقل مشكلة ليه دنا حاسس أن في ناس مننا مهيصدقوا هيروحوا المغرب ويرجعوا بيها سايقينها وأهو فسحة وتليين بالمرة :))
مش مصدق ومش مرتاح ومش متطمن
للأسف الحكومه عودتنا على فعل ماهو ضد راحه المواطنين
مش هاصدق الا لما اشوفها بتتباع قدام عينى بالاسعار الجديده
بس ياترى هتنزل كام ؟؟
يعنى هنلاقيها فى حدود ال 50 الف كده بالكتير ؟؟
متهيالي ان قرار الجمارك ده هيطلعوا فيه 100 بند وبند
يعني هيعفوا السيارة من الجمارك
انما بقا خد عندي جردل لزرم استحمام الخروف
وحلاق لزوم حلاقة السيد الخروف
وكرواسو لزوم عشاء خفيف للخروف :shocked::shocked:
والحكومة طبعا سيد مين يالف البنود علي العربيات
مش محتاج ققلكو شوفو فيلم نجيب الريحاني عشان تصدقوني :gun_bandana:
ههههه, التعليقات بتاعتكم تحفة :)
هوة محدش بقى بيثق فى الحكومة دى خالص للدرجة دى , صحيخ اللى اتلسع من الشوربة بيفخ فى الزبادى
اعتقادى النهائى ان اللوجان مش حاتققل عن 55 الف ملطوش[/quote]
مع افتراض ان ده ممكن يحصل " و أستبعده بشده" هل تقفيل المغرب هايبقى زى تقفيل رومانيا؟؟؟؟؟؟
يا ريت يكون الخبر ده صحيح
على الاقل الواحد ممكن يشترى عربية كويسة و فى نفس الوقت ما تخربش الميزانية تحت بند الاقساط
يا جماعة انا مش شايق في التقفيل الروماني اي مشكلة
انا اعرف على قد خبرتي البسيطة ان التقفيل الوحش معناه ان الشغل نفسه مش مظبوط يعني تلاقي اجزاء السيارة سايبة ...مش قافلة على بعضعا كويس او فيها فروقات ...مش مربطة كويس ...يعد شوية حاجة تتكسر او تتفك ..الدهان وحش ...الفرش وحش كده يعني ... انا الحقيقة بدون تحيز مش شايف ان الرماني مشكلة ...نوعية الخامات كده مش فخمة عشان ترخص العربية ...
عموما لو هتيجي مصر رخيصة يبقى مبروك على الي هيشتري و ربنا يكون في عون الي اشترى زي كده
بس هرجع و قول بردو الكلام ده بيتقال بقالو سنتين و كل مرة بيتفركش على اخر ايامه
يا جماعة انا محتار اشترى رينو لوجان التقفيل الرومانى ولا شيفروليه أفيو تقفيل مصرى وطبعا انتو عارفين المصرى !!!!!!!! لو حد يقدر يفيدنى فى الموضوع ده
يا جماعة اللي عايز يشتري عربية يستنى شوية لغاية اخر السنة.
لأنه لو نزل سعر اللوجان وبقى خمسين ألف حيأثر على العربيات المجمعة محليا من نفس الفئة زي الأفيو والفيرنا والصني وده ممكن يخليهم يلغوا الجمارك عن العربيات المجمعة محليا وتبقى الجمارك على السيارات المستوردة فقط.
ياااااااااااااااااااااااا اااااااااه
ههههههههههههههههههههههههه ههههههههههههههههه
ده انت طيب قوىىىىىىىىىىىىىىىىىىىىى
مش ممكن طبعا
هما هيحاولوا ماينفزوش الاتفاقيه طبعا
لانهم لو نفزوها
اللوجان هتبقى من حوالى 40000 ل 60000
و ده طبعا خراب بالنسبالهم
كل الناس هتشتريها و هم مش هيستفيدوا حاجه
اكيد هم هيشوفولها مخرج متين
و بكره هفكركوا
اساسا اللوجان المغربى .. تمنها فى حدود 42 الف جنيه .. بدون جمارك .. وطبعا هيه تحت اسم دايتشيا .
بس اطمنو الموضوع ده مش حيحصل " نهائى " ... واحتمال تكون الحركه ديه ل ضرب مبيعات اللوجان ... لانها لو كانت حتنزل مصر .. كانت نزلت من سنتين من ساعه ما اتجمعت فى المغرب .... اليه الى جد جديد علاشان ينزلوها دلوقتى ..
معقوله الحكومه عاوزه تحترم اداميه الناس وتركبهم عربيات حديثه و بسعر معقول " لا طبعا " .
معقوله الحكومه عاوزه تأثر على مبيعات غبور بيه و ابو الفتوح باشا و الزعيم الكبير المنصور " لا طبعا " .
معقوله اللوجان حتنزل من المغرب بدون جمارك .. الاجابه " مستحيل " و كل حلم و انتم طيبين .
النهايه
مع افتراض ان ده ممكن يحصل " و أستبعده بشده" هل تقفيل المغرب هايبقى زى تقفيل رومانيا؟؟؟؟؟؟[/quote]
انا نفسى قبل ما اموت اشترى عربيه من غير جمارك فى مصر
انشاله تكون تقفيل الصعيد حتى!!!!!!!!!!!!!
يا ترى ححقق امنيتى؟؟؟؟؟؟؟؟؟؟؟؟؟؟؟
هاهاها
حلوة اوي النكته دي .. قال من غير جمارك قال.
الخبر ده كان يبقى اجمل لو نزل في ابريل ..
علشان الكدبة تكون في وقتها :suspicious:
انا عارف ان موضوع كدبة ابريل ده حرام .. بس الافشه تحكم
انا من باب العلم بالشيئ بعت سؤال عن الموضوع دا على موقع رينو فرنسا امبارح والنهارده رد عليا واحد اسمه شريف العالم وده ال NATIONAL SALES MANAGER فى مصر.والراجل رد عليا بالتفصيل وكان رده كالاتى :
Dear Mr Hisham,
Thank you for your mail,
At the moment we are discussing the possibility of importing Renault Logan from Morocco.
But the picture is not clear yet for the following reasons:
1 - There is no production agreement for Renault Logan in morocco yet - it is under processing -
2 - the Egyptians customs department didn’t yet receive the detailed agreement terms so they don’t know if it is for passenger cars or commercial cars or for both - this should be cleared by beginning of 2009 -
3 - The expected price for the morocco produced units will be of course less than the Romanian - but we don’t know yet the cost of production in Morocco to calculate the price accurately.
We are still discussing all those issues with Renault Group.
And as soon as we reach accurate data we will communicate it to the market.
Regards,
Sherif Al Alem
National Sales Manager
وبناء عليه اعتقد ان الموضوع دا اذا اتطبق فى مصر مش هيكون قبل الربع الاول فى 2009 على الاقل.لحد مالدنيا تبان ويبتدى التصنيع فعلا فى مصنع المغرب
طيب الحمد لله و ربنا يديمها نعمة
عموما المغرب تعتبر فرنسا التانية (كنت هناك يومين و ما سمعتش كلمة عربى) و رينو حاتبنى مصنع قادر على انتاج 400 الف سيارة سنويا يبقى الموضوع مش هذار و التصدير حايبقى لافريقيا كلها و لازم الجودة تبقى 100 فى ال 100
و اللينك اهوه http://n ews.bbc.co.uk/hi/arabic/bus...00/6974585.stm و عقبال عندنا لما نعمل حاجة جد
اما بقى الموضوع التانى ده فمحتاج زيارة شخصية لرومانيا علشان تكتشف معايير الجودة هناك عاملة ازاى
يا جماعة عشان نعرف تاثير العربية دى على السوق فى مصر لازم الاول نعرف حجم مبيعات السيارات فى الفئة دى فى مصر فئة 1600 فى المستوى ده اعتقد الفئة دى تشمل الفيرنا والافيو واللانوس والشاهين وحاجات تانية اعتقد فى حدود سعر ال70 الف
تانى حاجة لازم نعرفها حجم انتاج المصنع فى المغرب من سيارات اللوجان
تالت حاجة والاهم طبعا هى عدد السيارات اللى حيقدر المصنع ده يصدرها لمصر سنويا خصوصا ان المصنع ده بيصدر لدول كتير
ونقارن الرقم ده مع حجم المبيعات الى قلنا عليه فى اول نقطة ونشوف النسبة حتتطلع قد ايه ونشوف هل فعلا حتأثر على الفئة دى فى مصر ولا لأ؟
الجمهورية اوتو قالت ان السيارة حتكون فى حدود 45 الى 50 الف وانها مش حتكون تبع لتوكيل رينو الحالى فى مصر وان فى شخصية هامة فى مجال السيارات بيتفاوض فى المغرب للحصول على التوكيل ده ومصادر فى وزارة التجارة بتقول ان اول دفعة حتدخل مصر فى يناير
يا ريت يا جماعة نحافظ على روح الإنتماء شوية و نراعى برضه ان فى ناس مش مصريين بيدخلوا الموقع
عيب عيب عيب عيب عيب عيب
صباح الفل ع الكل