مشكله في رينو كليو 2003 1200

**up2u010** · 10-05-2013 03:05 AM

انا معايا رينو كليو 2003 1200 16v لما بتدور وهيه باردة ال rpm بيبدأ يتحرك كويس وبعد فترة بسيطة بعدم انتظام لدرجة ان العربية ممكن تبطل ودة بيحصل لما بتدور وهيه باردة جدا و انا ماشي واجي ادوس دبرياج قبل المطبات الاقي ال rpm نزل لل5 وبعدين طلع تاني عند المعدل الطبيعي بتاعه

**ahmedfouad** · 10-05-2013 06:10 PM

الموتور بيبرجل لو زودت سنة بنزين ورفعت رجلك بعد ما تدور العربية ؟
هل لما بتزود بنزين جامد بتطلع دخنة سودة ؟
هل لمة التحذير فى التابلوه الصفراء بتنور ؟ ساعات وساعات ؟
جرب وقولى

**ramy_gamal** · 11-05-2013 12:18 AM

ممكن يكون طقم كويلات

**عمرو عمارة** · 11-05-2013 12:39 AM

الإحتمالات كثيرة جداً

ممكن تكون بوابة عايزة تنظيف

ممكن حساس الكرنك عايز تغير أو تنظيف

الكويلات سهل تكشف عليها.....لو بتسرب كهرباء من الجوانب يبقى عايزة تتغير

ومن الأفضل الكشف عليها عند متخصص رينو سواء ميكانيكي أو مركز رينو

ربنا يستر وميطلعش عيب خبيث زي حالاتي

**up2u010** · 11-05-2013 09:04 PM

بالنسبة للكويلات كل الصوابع بتاعة الموبينه تمام ومحكومة كويس
ومفيش دغنة سودة مع التزويد والرعشه في ال rpm بكون جامدة والعربيه باردة جدا ولسه بتدور لاول مرة وخصوصا الصبح وبمجرد ما ادوس بنزين مرتين تختفي وبالنسبة للمبة السيرفيس معلقه مع لمبة الايرباج وحاولت انضف البوابة بتاعتها بس مالهاش حساس بوابة واضح زي الكوري والياباني اخري اشيل الفلتير وارش الاسبراي في مدخل البوابه مع تشغيل العربيه والضغط جامد على البنزين

**عمرو عمارة** · 11-05-2013 11:56 PM

المشاركة الأصلية كتبت بواسطة up2u010

بالنسبة للكويلات كل الصوابع بتاعة الموبينه تمام ومحكومة كويس
ومفيش دغنة سودة مع التزويد والرعشه في ال rpm بكون جامدة والعربيه باردة جدا ولسه بتدور لاول مرة وخصوصا الصبح وبمجرد ما ادوس بنزين مرتين تختفي وبالنسبة للمبة السيرفيس معلقه مع لمبة الايرباج وحاولت انضف البوابة بتاعتها بس مالهاش حساس بوابة واضح زي الكوري والياباني اخري اشيل الفلتير وارش الاسبراي في مدخل البوابه مع تشغيل العربيه والضغط جامد على البنزين

البوابة موجودة في مكان ضيق وسيىء جداً......يكاد يكون مستحيل إنك ترش سبراي على البوابة وهي راكبة
لازم تفك المانافولد عشان توصل للبوابة.....الموضوع مش سهل

شوف كده الفيديو ده بيوضح بالتفصيل كيفية فك المانافولد وتنظيف البوابة :

[youtube]http://www.youtube.com/watch?v=02OAzLkbgwk[/youtube]

**up2u010** · 12-05-2013 01:15 AM

مشكوووووووووووور وجاري التجربه

**up2u010** · 18-05-2013 02:02 AM

تمت التجربه وفعلا البوابه كانت فيها رواسب جامده والفيش عليها زيت وكل ده تم تنظيفه ولكن بعدها دخلنا في حوار تاني طرمبة البنزين مبقتش تحضر اصلا بعد ما كانت شغاله قبل الفك

**Amr_Moh** · 19-05-2013 12:25 AM

الطرمبه البوش بحوالي ٢٥٠

**up2u010** · 19-05-2013 01:11 PM

تم حل المشكله بالكامل والسبب كان في فيشة الحساس اللي فوق الموتور كان فيها سلك مقطوع وانا بفك ولحمته ولكن السلوك نفسها كانت مقطوعه من جوة لاني وصلت الطرمبة مباشرة من البطاريه علشان اشوفها شغاله ولا لا لقيتها تمام يبقى كده عيب سنسور لان مفيش امر للطرمبه علشان تضخ بنزين مع الكونتاك ولا للرشاشات علشان تفتح فشيكت على سلوك الحساس وفعلا كات مقطوعه من جوة وظبتها والعربيه افضل كتير وخصوصا اني غيرت الزيت بزيت ليكوي مولي top tech وحطيت عليه ezi engine treatment هيه كان استهلاكها في البنزين 650كم في التفويله قبل التنضيف مع العلم ان 200كم التكييف فيهم كان شغال والف شكر لكل الوحوش و للمهندس عمرو عماره

الموضوع: مشكله في رينو كليو 2003 1200

LinkBack

أدوات الموضوع

عرض

-

-

-

-

-

المواضيع المتشابهه

مشكله فى كليو 1200 2004

كليو 2003 1200 سعر 35000 | 110000كم

رينو كليو 1200 سي سي موديل 2002 للبيع

رينو كليو 1200 سى سى

مشكلة عندى محتاج مساعدتكم ( رينو كليو 1200)

الكلمات الدلالية لهذا الموضوع

المفضلات

المفضلات

ضوابط المشاركة