السادة زملائي الاعزاء اعضاء قسم النيسان المحترمين بما ان النهاردة الجمعة والعربية بتشرب لتر زيت هيدروليك من القاهرة لطنطا ولتر تاني بالعكس فبقي الموضوع خرابة ومش اقتصادي بالمرة المهم قلت اشوف بقي اية الحكاية والنهاردة الجو حر وتراب وفكيت العلبة ويالهول الحالة
الاويلات سيل اليمين والشمال خلصانين والبارات برضة مبوشيين علي الاخر ونهايات البارات (بيض البارات) خلصان وبالتالي محتاج مشورتكم قبل ما انزل بعد الصلاة
هل اشتري علبة استيراد واخلص ومنيين وبكام حاليا ولا انزل اشوف طقم اصلاح اويل سيل للعلبة واشتري بارات وبرضة منين وبكام لاني في مدينة نصر والحر بقي والدوخة علي ماتلاقي الحاجة فياريت اللي يعرف او مر بتجربتي يقولنا خبرتة ونستفيد منها
العلبة فكها من العربية سهل جدا مسمار الدريكسيون 12 ومسمار 17 واثنين 14 و2 صامولة البارات عند العجل يمين وشمال مقاس 17 وخلصت الحدوتة والعلبة برة العربية
اسهل علبة باور فكينها اة وصلات الباور كولية ووصلة 14 مم والموضوع ماخدش اكتر من ربع ساعة بس العلبة من جوة مليانة زيت وجلد التراب حماني بالزيت وبهدلت المطبخ ومراتي مش هاحكيلكم بقي اكيد اللي متجوز عارف :0002014a: