القطعه دي مطلوبه جداجدا جدا ....الاقيها فين و بكام

**amnpop** · 10-05-2013 02:37 PM

انا عندي في عربيتي الكابل اللي بيركب في القطعه اللي بدور عليها اللي في الصور
يا تري الاقيها فين و بكام
هي زي اللي موجوده في السيراتو و النيو اكسنت

و دي القطعه اللي بيركب فيها الكابل ده او الـ usb

**manfromegy** · 10-05-2013 02:48 PM

بص ياباشا أعتقد إني شفته في راديو شاك كنت بدور علي كابل هناك

**د.محمود صلاح** · 10-05-2013 02:54 PM

دي بتيجي كتجهيز في السيارة ، هي عندي في السنتافي ومريحاني جدا في وضع الفلاش او توصيل السلك لسماع الملفات الصوتية من الموبايل .. وطبعا الكاسيت متوافيق معاها عشان الملفات اللي في الفلاش بتظهر في شاشة الكاسيت

**amnpop** · 10-05-2013 03:08 PM

المشاركة الأصلية كتبت بواسطة د.محمود صلاح

دي بتيجي كتجهيز في السيارة ، هي عندي في السنتافي ومريحاني جدا في وضع الفلاش او توصيل السلك لسماع الملفات الصوتية من الموبايل .. وطبعا الكاسيت متوافيق معاها عشان الملفات اللي في الفلاش بتظهر في شاشة الكاسيت

هي فعلا بتيجي كتجهيز في عربيات كتير زي السيراتو و النيو اكسنت و انا عندي طاره ملتي و فكيت الكونسول علشان اشوف الكاسيت في وصله و فعلا لاقيت وصله خارجه من الكاسيت و اخرها خلف الولاعه و منفذ الطاقه يعني انا محتاج القطعه دي تركب علي طول فيها

**seat2066** · 10-05-2013 04:45 PM

650 جنية القطعة الاصلية

**amnpop** · 11-05-2013 03:19 AM

المشاركة الأصلية كتبت بواسطة seat2066

650 جنية القطعة الاصلية

650 جنيه كتيييييييير شويتين انا لاقيتها في موقع ebay و لا تتعدي تكلفتها 350 جنيه بالشحن و الضريبه و كل الحبشتكانات
و كمان مش دي القطعه اللي انا محتاجها .
اللي انا محتاجها زي دي بالظبط

علشان الفيشه الخلفيه
و تقريبا تكلفتها بردو حوالي 350 الي 370 جنيه
بس انا بقول لو موجوده هنا يبقي تكلفتها اقل بكتييييييييييير من بره

**seat2066** · 11-05-2013 04:10 AM

سعره ب350 بره علي الاي بي ااه تمام بس بدون شحن ولا جمارك ولا ضريبة ولا اجر مستخلص
لو اشتريها حضرتك من الاي بي ولو قلت عن 650 جنية ابقي معرفش حاجة خالص

بالعقل كدة سعرها علي الاي بي 45 دولار يعني بالمصري 337 جنية عايز حضرتك توصل للناس انك هتجيبها شحن داخلي في امريكا وسعر وقود بيبقي مفروض اجباري وشحن طيران وجمارك وضرائب مصرية واجر مستخلص كل دة ب370 جنية بالكتير يظهر حضرتك مجربتش عملية شراء من بره قبل كدة
معروفة جدآ ان الجمارك والضريبة عندنا في مصر بتبقي سعر المصروفات مساوي لسعر الحاجة ما علينا انا مش عايز اطول في جدال ملهوش لزمة وبعتذر لتدخلي في امر لا يعنيني بشئ ودية غلطتي لاني كنت عايز اساعد مش اكتر

**Salamonti** · 11-05-2013 12:03 PM

السلام عليكم ورحمة الله وبركاته..

ممكن بتكلفة بسيطة نطلع من الفيشة وصلتين بلدي واحدة يو اس بي والتانية aux وتخليهم مخفيين في أي حتة تحت التابلوه..
أي حد فاهم شوية الكترونيات يقدر يجيب آفو ويعرف أطراف الفيشة ويطلع منها وصلات..
وانا ممكن اساعدك في الموضوع ده بدون مقابل لو قريب من المهندسين أو الدقي..

إلا بقا لو انت عايز القطعة بالفيشة بتاعتها عشان تكون مكملة شكل التابلوه :)

**amnpop** · 11-05-2013 01:29 PM

المشاركة الأصلية كتبت بواسطة seat2066

سعره ب350 بره علي الاي بي ااه تمام بس بدون شحن ولا جمارك ولا ضريبة ولا اجر مستخلص
لو اشتريها حضرتك من الاي بي ولو قلت عن 650 جنية ابقي معرفش حاجة خالص

بالعقل كدة سعرها علي الاي بي 45 دولار يعني بالمصري 337 جنية عايز حضرتك توصل للناس انك هتجيبها شحن داخلي في امريكا وسعر وقود بيبقي مفروض اجباري وشحن طيران وجمارك وضرائب مصرية واجر مستخلص كل دة ب370 جنية بالكتير يظهر حضرتك مجربتش عملية شراء من بره قبل كدة
معروفة جدآ ان الجمارك والضريبة عندنا في مصر بتبقي سعر المصروفات مساوي لسعر الحاجة ما علينا انا مش عايز اطول في جدال ملهوش لزمة وبعتذر لتدخلي في امر لا يعنيني بشئ ودية غلطتي لاني كنت عايز اساعد مش اكتر

ليه جدال مالوش لازمه
و ليه امر لايعنيك
و ليه حاسس انك غلطان بتدخلك في الموضوع
انا اللي اعرفه اني بعمل موضوع في المنتدي علشان استفيد من خبره الاعضاء و بشكل تاني غيري يستفيد
و كل المواضيع فيها اسئله و استفسارات و ردود مختلفه
و في الاخر اللي بيسأل بيعرف الصح ايه و اكيد هو لو يعرف مش هايسأل
و مش عارف ليه حضرتك محسسني اني غلطت فيك
انا مناقشتي للموضوع بغرض الاستفاده و تبادل المعلومات عن موضوع معين و اكيد جديد عليا و علي غيري
علي العموم متشكر لحضرتك

-

الموضوع: القطعه دي مطلوبه جداجدا جدا ....الاقيها فين و بكام

LinkBack

أدوات الموضوع

عرض

القطعه دي مطلوبه جداجدا جدا ....الاقيها فين و بكام - انشر الموضوع فى :

-

-

-

-

المواضيع المتشابهه

أين توجد هذه القطعه بالسيارة ؟

حد عنده فكره القطعه دى بتتغيربكام

كيا كارينز هاي لاين الاقيها فين و بكام

يا جماعه حد يعرف ايه القطعه دى ؟؟ للأبيزا والقرطبه 2008

فوجات الاوبل كورسا سيدان.... الاقيها فين و بكام

الكلمات الدلالية لهذا الموضوع

المفضلات

المفضلات

ضوابط المشاركة