الموضوع: التوكيل مش عايز يعمل صيانه للعربيه

علشان يغير زيت الفتيس هيفك الفتيس ؟!
هو الميكانيكي ده فين ؟
قوللنا حضرتك ساكنه فين و ان شاء الله نعرفك حد يكون قريب منك من اللي الأعضاء بيتعاملوا معاه

انا فى المنوفيه ومش مشكله اى حد فى القاهره لو مضمون ياريت تقولى مكانه وانا اروح له عشان انا مرعوبه فعلا لاان العربيه بتاعتى الى فاتت عملت عمرا بسبب سير الكاتينه فا اهم حاجه اغير السيور الاصلى واحط الزيت الاصلى حتى لوكان غالى بس يكون الاصلى ومايبوظش حاجه تانيه

فيه مركز صيانه معتمد لهيونداى الى الطريق الزراعى قبل طنطا بحوالى 5 كيلو ودول ناس عندها ضمير بس غاليين شويه

خلي بالكو يا جماعه إن الأستاذه بتتكلم علي عربيه أفانتي 2002 و دي علشان تغير الفلتر تقربا بتنزل الفتيس و تجيب الفلتر عن طريق فتح الفتيس ممكن يكو ده قصد الميكانيكي
و لو حضرتك تقدري تنزلي الهرم أنا ممكن أوصي مركز الصيانه عندي يقومو بالمهمه دي كاملة

انتى ممكن تشترى كافة قطع الغيار الى انتى محتاجاها من الوكيل
و تعملى صيانتك فى المركز الى تختارية

بس ازاى التوكيل مش عاوز يعمل للعربيه صيانة
جربى تتصلى تانى

شكرا يجماعه على الاهتمام والله انا فعلا اتصلت بمركز غبور وقالى ان المركز مالوش دعوه بالسيارات الى بتيجى من الخارج حتى انا قولت له انى عايزه اغير زيت الفتبس والسيور فقط قالى ماينفعش قولت له طيب انا ممكن اشترى قطع الغيار من عندكم قال احنا مابنشتغلش فى السيارات وارد الخارج معرفش بقه هو الموظف رخم ولا ايه
وعموما انا اتصلت بمركز صيانه فى فيصل بتاع توب جير وهروح اعمل الصيانه هناك ان شا الله وهو الراجل شكله ذوق مشاء الله وقالى انه مش هيفك الفتيس وشكلى وطمنى وان شاء الله هروح
واغير الزيت بتاع الفتبس واغير السيور واعمل غسيل لدوره المايه لو امكن
لو حد عنده معلومات عن الاسعار تقريبا يقولى
وشكرا لاهتمامك جميعا
والعربيه يجماعه اسمها افانتى هى بتعادل الالنترا 2005 قى مصر لكن عشا ن هى بتيجى استيراد للمعاقين فا ااسمها فى كوريا افانتى واعتقد مش كل الناس عرفاها