علي فكرة الa4 عفشتها ناشفة فعلا وكنت بحس فوق فواصل الكباري لما كنت راكبها بالنشفان والتنطيط بس غير كدة مفيش ولا حاجه من ئل حضرتك زكاتها سواء سحب او تكيف ثبات كله كان اكثر من ممتاز
عرض للطباعة
علي فكرة الa4 عفشتها ناشفة فعلا وكنت بحس فوق فواصل الكباري لما كنت راكبها بالنشفان والتنطيط بس غير كدة مفيش ولا حاجه من ئل حضرتك زكاتها سواء سحب او تكيف ثبات كله كان اكثر من ممتاز
المشكله يا دكتور انك راجل فاهم فى العربيات
قله الثبات دى اكيد تظبيط عفشه عند واحد بيفهم صح وضبط زوايا وتشوف المشكله فين
وسحب العربيه بردوا لازم تشوف المشكله عندك ايه انت مش محتاج تركب عربيه تانيه علشان تشوف العيب عندك فين
وطبعا لو ركبت فيرنا اكيد هتحس ان عربيتك سحبها قليل الفيرنا دى هبله فى الجرى بعبط كمان
يا نهار إوسد...آخر واحد كنت أتوقع إنه يقول كده..لا وكمان بيقارن أوكتافيا بفيرنا مع إحترامي لها !!!!!! تباً لهذا الزمن يا صديقي..
أنا كان معايا أخت عربيتك وكانت 98 بردو..سحب إيه وثبات إيه وعفشة إيه وتكييف إيه..حاجة كده كاملة متكاملة
عربيتك يا دكترة مش مظبوطة..وديها تتظبط صح عشان تحكم عليها صح.
قلت الثبات ممكن مشكلة عندى فى حاجه بسيطة بس فى النهاية العفشة ناشفة زى ما moratoz قال .. بردو هقول ركبت مرة مع واحد تويتا كرولا و كان بيجرى فى طريق مش مسفلت اصلا و مكنتش حاسس باى حاجه
سحب العربية تخيل لما يبقى عندك مشكلة فى السحب و تركب فيرنا مظبوطة .. هتعرف انا احساسى كان ايه
مشكلة احساسك بتكسير الطريق ونشوفيت عربيتك تتلخص فى مساعدين بايضين او يايات مكبوسة بتنشف العفشة برضة ونوعية الكاوتش اللى مركبة لو كاوتش نوعية وحشة او الجنط كبير تحس بتكسير الطريق والعربية تدب فى المطبات وطبعا يخللى العربية تعوم منك على السرعات العالية نوع الكاوتش اية ومقاسة كام ؟؟
هو مش جنوط الفور 15 ال15 بتخلى العربيه طريه مش ناشفه
النشوفيه لما بتبقى 17 بالذات
وبعدين لو على المقارنه مع التويوتا التويوتا طريه عن الاوكتافيا لكن الاوكتافيا اثبت بكتير علشان كده ممكن تحس ان العفشه ناشفه
شكلك كده لو ظبطها هتحتاج شغل عفشه ومساعدين اصرف بقى يابرنس
لكن السحب شويه ظبط والدنيا هتبقى زى الفل
ومن ناحيه كلامى على الفيرنا كدواسه بنزين خفيفه وعربيه خفيفه سحبها من الثبات فظيع بجد بيعقد
وده مش مقارنه بالاوكتافيا بعربيه قصاد عربيه لكن انا بعترف ان الفيرنا هبله فى السحب فعلا
حرام عليك يا ريس
الاوكتافيا بجد ما شاء الله عليها ثبات ما بعده ثبات
انا باخد غرز وملفات بيها على ال100 ، والعربية اسد اللهم صلي عالنبي
لو انت من اسكندرية قولي هعرفك على عفشجي تمام هيقولك اللي فيها ويظبطهالك
كلامك صح يا دكتور بس انا هاقولك حاجة
انا ركبت عربيات ياما اوي
الالماني اخر حاجة يهتم بيها في العربية التسارع والجري والشد والكلام دة
بيديك عربية ثبات وامان وصاج وعضم ناشف
وكامليات مش بطالة
وفي الاخر بيهتم بالسحب والتسارع والكلام دة
الكوري والياباني والصيني تلمس البنزين تلاقي العربية فتحت منك جامد وجرت بعبط
مش وحش
لكن الوحش لما تيجي لا قدر تخبط، وقتها هتكون انت والعربية رحت فى ابو بلاش لو كانت حادثة جامدة لا قدر الله
ومع ذلك سحب الالماني والتسارع بتاعه مش زي ما بتوصف كدة، اكيد المشكلة من عربيتك