يا جماعة ساعدوني في حيرتي X1 Customized Order ولا 320i - تخيل انك مكاني في عربية زيرو

**Hosam_Optrawy** · 18-05-2013 04:01 AM

المشاركة الأصلية كتبت بواسطة 2CODE

حسام باشا نورت الموضوع والله ايه اخبارك ؟

تعالا نشوف الـMax Torque يا حسام المشكلة كلها في الـPower Torque ده كلام البافارية علشان كده تعالا نشوف الموتور الجميل ده في 118i الـPower Torque بتاعته كام

موتور 118i اقصى عزم ليه من 150 الي 250 "عند 4500 لفة في الدقيقة" ركز هنا

موتور "هنتكلم عن اقل موتور في X1 مش تربو" بيعمل اقصى عزم ليه 200 عند كام لفة ؟ عند 3500 لفة في الدقيقة

شوف انت عندك فرق قد ايه في اقصى عزم للموتور يعني عند اكتر من 1000 لفة فرق في الدقيقة

تعالا نشوف حاجة تاني اكيد طبعاً عارف الـStroke-bore الـcylinder bore و الـpiston stroke

نشوف الفرق بينهم في X1
90.0 / 84.0
في 118i
85.8 / 77.0

والـstrokes لما تكون اطول تدي Power Torque اكبر

يبقى كده احنا في نفس المشكلة في Power Torque مفيش 1600 بيطلع العزم المطلوب حتى الان

انا الحمد لله تمام ياباشا انت اخبارك ايه , ربنا يوفقك ان شاء الله

فى حاجه انت قولتها مش صح , ان Torque ال 118i من 150 ل 250 @ 4500 Rpm

والصح ان ال Torque بتاع ال 118i ثابت على 250 نيوتن من ال 1500 لحد 4500 Rpm

بص على ال Graph بتاعه

هاتلاقيه بيبدأ من 175 تقريبا عند 1000 ويطلع ل 250 فى ال 1500 ويفضل ماشى Linear لحد 4500 وبعدها ينزل

موتور ال X1 معنديش صوره لل Graph بتاعه بس اعلى Torque هو 200 عند 3600 وبعدها بينزل

**Hosam_Optrawy** · 18-05-2013 05:19 AM

المشاركة الأصلية كتبت بواسطة 2CODE

انا الحمد لله بخير المهم انك كويس, ايه رأيك في X1 انت شوفتها على الطبيعة ؟ انا للاسف مشوفتهاش على الطبيعة نهائياً لغاية دلوقتي لسه بقى لما اروح ازور البافارية ويارب الاقيها عندهم في المعارض لانه قال لي بحجز مسبق

حاجة غريبة اوي يا جماعة شوفوا الرابط ده :
BMW X1 sDrive 18i (2012) (petrol) - Technical data. Information about power, torque, speed, acceleration, fuel consumption (urban, extra-urban, combined), weight, dimensions, suspension, transmission, steering, brakes, wheels, etc.

بيقول ان الموتور sDrive 18i ده turbocharger/supercharger ايه الكلام ده بقى ؟

الغريب ان موقع BMW مش كاتب على المحركات مين التربو ومين اللي مش تربو نصدق مين دلوقتي :(

ونفس الموتور ده اللي بينزل في Z4 : 2013 BMW Z4 sDrive 18i review - What Car?

وده برضه بيأكد ان الموتور turbocharged اانا كنت فاكر ان الموتور ده مش تربو ولا ايه ؟؟؟؟؟

هو ليه محدش عنده كلام اكيد عن العربيات دي ؟؟؟؟؟ والله مش من الفضاء دي على الارض

بالنسبه للينك بتاع ال X1 اكيد مكتوب غلط

الموتور اللى فى ال X1 حسب معلوماتى الكود بتاعه N46B20

نفس الموتور اللى كان بينزل فى الفئة التالته E90 320i قبل ال Facelift من 2006 ل 2008 , والفئة الأولى E87 120i من 2004 ل 2007 , وال Z4 من 2005 ل 2008

ومش تربو طبعا , تربو ازاى ويطلع 200 نيوتن و 150 حصان

اما اللينك بتاع ال Z4 فدى 2013 وموتورها مختلف 156 حصان 240 نيوتن وتربو فعلا الكود بتاعه N20B20 بس ليه 3 Tune مختلفين

الاول اللى بينزل فى ال Z4 s18i ال 2013

التانى 184 حصان 270 نيوتن ودا اللى بينزل فى ال s20i فى ال Z4 , وفى ال 320 الجديده وال 520 الجديده وال X1 20i وال X3 20i

التالت 245 حصان 350 نيوتن اللى بينزل فى ال 328 وال 528 الجداد ومعاهم برضه Z4 28i و X1 28i و X3 28i

**amagroup** · 18-05-2013 03:04 PM

المشاركة الأصلية كتبت بواسطة dede_dodo88

انا كنت داخل أقول نفس الرأي ده..
أنا لو مكانك بختار هفكر في الـ316 وش.. العربية فيها كل حاجة الواحد ممكن يحتاجها.. ناقصها بس الزينون فممكن أجيبها special order..
مش عارف مليش أنا في المواتير الكبيرة.. و دلوقتي مع المواتير التربو فخلاص مش محتاج أكتر من الـ1.6
الـx1 مبحسهاش بيمر خالص الحقيقة.. حاسسها عربية غلطة من بي أم..
الـ320 حلوة أوي طبعاً بس أنا بفضل المواتير الصغيرة أكتر.. بس لو أنت شغال معاك فأختياري هيروح للـ320..

وانا متفق معاك تماما