انا شاري كارنز 2010 اتو عامله 60 الف كيلو المفروض اغير زيت الفتيس ولا لأ لو اه
نوعو ايه و فين و بكام
شكرا
عرض للطباعة
انا شاري كارنز 2010 اتو عامله 60 الف كيلو المفروض اغير زيت الفتيس ولا لأ لو اه
نوعو ايه و فين و بكام
شكرا
لازم تغيره على طول لانه بيتغير كل 40 الف
منين وبكام هفتكر و اقولك
متتصل بالتوكيل اسألهم يا باشا وخد المعلومه من المصدر ولو محتاج تغيير غيره هناك عشان متجيبش حاجه تعبانه تبوظ الفتيس.
الزيت الموصى بيه للفتيس هو atf sp-iii
حوالى 6.6 لتر وسعر اللتر تقريبا 90 جنيه
التوكيل بيغير فقط فى الصيانة الاولى حوالى 3 لتر اللى بيبقوا فى الكرتيرة
شكرا لكل الردود
أنا غيروا لى زيت الفيتيس فى صيانة 40000 وحطوا 3 علب spirax 80 w90 - بس العلبة ب 18 جنيه (الحقيقة مش متأكد )
http://www.epc.....l.com/Docs/GPCDOC...800339_FA3.pdf
http://www.nilemotors.net/Nile/303085-40000.html
مظبوط كلامك يا خالد باشا فى اللى بيعمله الوكيل
هو بيفضى الكرتير فقط وده حوالى 3 لتر وبيحط بدلهم زيت atf
عادى مش مطابق لمواصفات الشركة المصنعة و هو رخيص كان
تقريبا ب 24 جنيه اللتر يوم ما حطيته فى صيانة الاربعين الف
انما التغير الصحيح لكامل محتوى الفتيس المفروض بيتم عن طريق
فك الخرطوم المطاط اللى داخل لمواسير تبريد الزيت للردياتير
و اعادة التعبئة بحوالى 7 لتر مع تغير الفلتر كمان
يا نهار أبيض يا باشمهندس
شكراً على التوضيح أولاً
أصل أنا عندى وسواس قهرى واجابتك دى زودت الشك اللى كان عندى بعد صيانة 40000 !!!
الحكاية انه بعد صيانة ال40 لاحظت ان الفيتيس بيحجر معايا فى الأولانى و لما أغير من الأولانى للثانى
والغريب ان ده بيحصل أول اليوم فقط لما تكون العربية باردة .... انما بعد كده بيكون كويس
وسألت ناس قالوا لى ده عيب سواقة ؟؟؟؟
والتوكيل قالوا الفتيس كويس ومافيهوش مشاكل
إيه رأى حضرتك ... ممكن يكون نوع زيت الفيتيس اللى حطوه هو السبب ؟؟
إلحقنى بالإجابة الله يكرمك
بص يا معالى الباشا ...
كتيب الصيانة بيقول الاتى بعد رفع العربية من الامام بيتم فك
خرطوم الزيت اللى خارج من الفتيس ورايح لمواسير التبريد
فى الردياتير ويتم ادارة المحرك لمدة دقيقة واحدة حتى يتم افراغ
كامل الزيت من الفتيس طبعا هنكون فكينا الكرتير بتاع الفتيس
ونسيبه لحد ما يصفى اخر قطرة فلتر زبت الفتيس هيكون ظهر
هيتفك بأربع مسامير ويترمى ويركب الجديد وبالطبع نكون رجعنا حرطوم مواسير التبريد
هيتم غسيل الكرتيرة و هى على فكرة فيها اربعة مغناطيس هتلاقيهم
لمين برادة حديد هيتغسلوا هما كمان كويس ونرجع نقفل تمام التمام
تكون جيبنا 7 لتر زيت بالمواصفات اللى انا قولتها فوق لان الفتيس بياخد
6.6 لتر و هيتم تزويد الفتيس ب 6 لتر و تدور العربية و تجيب عصاية الفتيس فى كل الاوضاع
وبعدين تزود الزجاجة الاخيرة و تابع مع عصاية القياس تقريبا هتاخد اكتر من نصفها
بحاجة بسيطة ...من البحث اللى بينتج الزيت ده الناس بتوع ميتسوبيشى و هيونداى
يا أما هتلاقيه عند غبور او الرواس ده يوم ما سئلت ممكن يكون جد جديد
اللتر كان ب 90 جنيه و الفلتر كان ب 110 جنيه
هاحاول اشوفلك صور - عموما لا تقلق انا ماشى على عك التوكيل 10 الف وربنا يستر
http://4.bp.blogspot.com/--7XBzKzft1...09266a3188.jpg
تصفية الزيت من الفتيس
http://2.bp.blogspot.com/-g7ZC5QQVep...f23cabc06a.jpg
تنظيف الكارتير وتركيب جوان جديد
http://www.kia-forums.com/attachment...e-img_3451.jpg
المغناطيس اللى فى طبة الزيت و واضح البرادة اللى لممها
http://www.kia-forums.com/attachment...02-filter2.jpg
https://encrypted-tbn3.gstatic.com/i...Cj9t4Tdync8j5w
ده شكل الفلنر
http://i.ebayimg.com/t/Kia-Genuine-S...2gg~~60_12.JPG
ده الزيت الموصى بيه - التوكيل حرمنا منه مع اننا احنا اللى بندفع تمنه
http://www.clubfrontier.org/forums/a...2-imag0174.jpg
وده الفرق بين الزيت اللى نازل و الجديد