هو ايه الي ممكن يركب في العربية يزود تسارع العربية بشكل ملحوظ
مش شرط السرعة القصوي بس المهم التسارع
عرض للطباعة
هو ايه الي ممكن يركب في العربية يزود تسارع العربية بشكل ملحوظ
مش شرط السرعة القصوي بس المهم التسارع
فلتر هواء اسبور-----على حسب ما افتكر ممكن بوجيهاث ثلاثيه او حاجه زي كده مش فاكر----نظام عادم كامل متكامل
بنزين نضيف هتلاقي سحب العربيه على و ب التالي التسارع هيزيد و الله و انتظر بقيه الاراء عشان لو فيه حاجه غلط يصححهالك بقيه الاعضاء
سؤال حضرتك واسع قوي و عام جدا عموما عندك من اول انك تسرفز العربيه و تهتم بيها كموتور و فلاتر و كده و كمان عندك التعديلات من اول البسيطه زي فلتر الهواء الاسبور ده ممكن يديلك من حصان لحد سبعه مثلا علي اقصي تقدير علي حسب نوعه بقي و يتناسب مع حجم الموتور و لا لا ،و الاتقل شويه exhaust system و ده تغيير لنظام العادم كامل من اول الفرن بيتغير بهيدر اسبور لحد علبة الشكمان بتتغير ب muffler اسبور او زي ما بيتقال عليه ب ديفل و ده المفروض بيعلي قرب ال ١٠ ٪ من اداء العربيه الاصلي، و كمان ممكن تعمل ECU remapping او tuning chips و دي علي حسب موديل العربيه و طريقة تعديل ادائها المحصله انها ممكن تزودلك كم لا بأس به من الاحصنه كام بالظبط ملهاش مقياس بتختلف من عربيه للتانيه ، كمان ممكن بقي تعلي لمستوي تاني خالص و تركب turbocharger kit و ده نظام تربو كامل بالتبريد بتاعه و كل حاجته و ده بقي علي قد الحجم بتاعه و قصص كتير بس ده بيزود كتيير قوي ، و ممكن تركب نيتروس بس ده المفروض انه ممنوع يعني في المرور مع اني شفت ناس كتير مركبينه معرفش بيعملوا ايه بالظبط ....... التعديل كتير و كل حاجه و ليها تمنها شوف عايز ايه بالظبط و لو اعرف ادلك علي طريقها هقولك لو انا معرفتش ان شاء الله تلاقي اللي عارف و يقولك تروح لمين او تعمل ايه
اه و حاجه مهمه جدا مش كل التعديلات دي تنفع علي عربيتك بوضعها الاستوك كده يعني في مراحل من التعديل هتحتاج تعديل في العفشه و الفرامل بحاجات اقوي او اسبور يعني علشان تعرف تمشي و تجري و تقف بالعربيه زي الاول عادي .
دا علي كدا بحر
بجد انتو ونعم الصحبة