كلامك مظبوط 100*100
كوري او ياباني الاثنين احسن من بعض وعربيات مش جديدة في السوق ومعروفة وتوكيلها محترم والمبلغ اللي هيدفع مش قليل
والله المستعان
ياباشا ماتزعلش كلنا حصل معانا كده انا كنت حاجز ب 112000 ج وبعدين كلمونى وقالولى ان العربيه هتبقى 114000 ج وافر بريس ب 117000ج لكن انا استنيت وكلمت نيسان وعملت شكوى ولاقيت اوتوايجيبت بتكلمنى علشان استلم
عادى جداااا
بس هو موضوع السعر اللى بيزيد كل شويه انا مش عارف ليه
مع اعتذاري لأصحابها كفاية شكلها المسبب لارتفاع ضغط الدم !!!
اكتر حاجه تكرهك في العربية هي فترة الحجز
شكرًا على ردك
انا طلعت من نيسان على توكيل متسوبيشى فى أبو رواش وحجزت لانسر بومة
عربية معروفة وماشية فى البلد بقالها سنين محدش اشتكى منها
والفرق مش كبير
انا مش عايز أخش فى مقارنة عشان المقارنات كتير فى قسم المقارنات
لما روحت لسمير الريان الصنى واقفة جنب البومة
من اول نظرة من غير ما تفتح العربية تلاقى الصنى صوبر صالون نازلة بكوتش ماكسس والانسر نازلة بكوتش بريدجستون تورانزا مكتوب علية مصنوع فى اليابان
فرق ال كاوتش لوحدة يعمل من ألف الى ١٥٠٠ جنية فرق
انا مش بقلل من شان الصنى بس انا شايف أنها بالسعر دة خرجت برة المنافسة
شكرًا على مشاركتك
انا عملت موضوع قبل كدة فى اللنك إللى تحت وسالت على احسن مكان لحجز الصنى وتقريبا كل أعضاء نيسان اجمعوا على اتو ايجيبت
انا حاسس أنها سياسة نيسان مصر أنها تجبر الناس أنها تشترى من المعارض والمعرض يكسب اكتر نوع من أنواع التسويق عشان المعارض تسوق للعربية كويس
http://www.nilemotors.net/Nile/336753-a.html
انا معاك فى موضوع المصريين لما يمسكوا إدارة حاجة محترمة بتجيب ورا فى ٩٠ ٪ من الحالات
لان سياسة المصريين التوفير ثم التوفير ثم التوفير على حساب اى حاجة
انا شفت شركات أجنبية فى مصر بتصمم على ان الصف الاول والصف التانى من الموظفين يبقوا خواجات والصف التالت والرابع مصريين
وصعب جداً ان يخلوا المصرى يوصل للصف التانى او الصف الاول فى الإدارة مهما كانت كفائتة
يعنى مثلا نيسان مصر بتصنع العربية لمصر وحسب معلوماتى أنها ما بتصدرش العربية برة مصر
تقدر تقولى فين الإعلانات عن العربية !!! هما كام إعلان خايب عملوها فى الاول وبعد كدة بخ
مع ان الدولة بتديلة دعم طاقة ودعم جمارك المفروض أنة يأكل السوق ويخلى كل الناس تشترى الصنى
وفى نفس الوقت فى ناس حقنة فى المبيعات زى مندوبين نادى وأدى دجلة
يكلمك فى كل وقت ويبعتلك اميلات ورسائل على الموبايل
فى عز الأزمة الاقتصادية والناس ماسكة على الفلوس وأدى دجلة عملت مشروع شقق فى المعادى ومشروع شاليهات فى السخنة
روح شوف النهاردة باعوا معظم الوحدات فى اقل من سنة
انا متاكد ان فى حد ماسك التسويق فى وادى دجلة دارس وفاهم بيعمل اية
انا متفق مع حضرتك 100 %
لما العربية تبقى تجميع محلى مش بتتشحن من الخارج
ويكون الموزعين المعتمدين مش موجودة عندهم نهائى بالرغم من انها متوفرة فى كل المعارض فى السوق اللى بيبعوها باوفر برايس مبالغ فيه
فده بيلخص إن بجد مفيش فايدة الواحد حاسس انه بيتهان فى بلده من ولاد بلده كل ده ليه هيا الناس التجارة والفلوس بتخليها تنسى ربنا
حسبنا الله ونعم الوكيل
بصراحة موضوع الحجز ده فاااااااااااااشل. يعني أحجز عربية مش عارفة حأستلمها امتى و لا حادفع فيها كام و ألاقيها عقبال ما استلم بنفس تمنها دلوقتي بالاوفر برايس بعد ما اكون اتزليت 3 - 4 شهور؟؟ أنا أتفقت مع عبد اللطيف جميل عالعربية بأوفر برايس و كدة كدة أنا و أنا باقارن كنت حاطة في اعتباري ان التمن 124 ألف. بالنسبة لصاحب الموضوع لو صرفت النظر عن النيو صني ممكن تجيب الصني القديمة متفرقش عن البومة و أقل في التمن 30 ألف جنيه. حرام بصراحة تدفع 130 ألف جنيه في عربية عتيقة موديل من 8 سنين. لو حتدفع 130 ألف زود شوية و جيب شارك أو أوبل كورسا.