مية الرادياتير بتنقص بسبب وجود هوا في دورة المية

**MMamdouh** · 13-05-2013 03:51 PM

احب بس اضيف ان وجود هوا فى دورة التبريد عمرة ما هيخللى المية تنقص... دا يخللى العربية تسخن فقط

MMamdouh

**محمد الشامي** · 14-05-2013 12:51 PM

مع كامل احترامي لأراء جميع الزملاء :)
انا لما كان عندي جوان وش السلندر ملسوع كانت الحراره طبيعيه ومش بتزيد عن معدلها (قبل النص بشويه) ولكن كان اهم اعراض عندي هي تغير لون الميا دايما الى البنى الفاتح (بدون ما تعمل طحينه زي ما بيقولو) وكانت دايما دورة التبريد جواها ضغط هوا زياده عن الطبيعي , وتزامن معاها نقص في الميا وربما كان سبب نقص المياه هو تسريب من احد الوصلات , وتم اصلاحه اثناء عمليه تغيير جوان وش السلندر

مش عايز حد يعتبر رأيي مخالفه لرأيه :) بس انا حكيت شئ واقعي وحصل معايا بالفعل

**ahmedteam** · 14-05-2013 01:42 PM

فى اخر مقابله لمنتدى الدايو كنا بنسأل طارق عن موضوع وش السلندر ده و قال ان من اعراض تلفه حاجه من اربعه :

1- انه بيدخل المياه على الزيت (تلون المياه) نقص المياه
2-نه بيدخل المياه على غرفه الحريق يؤدى الى نقص المياه
3- انه بيدخل الزيت على المياه(الطحينه اللى يتكون فى الرياداتير) نقص الزيت
4- انه بيدخل الزيت على غرفه الحريق يؤدى الى نقص الزيت

اعتقد ان عندك رقم 1 و يا رب اكون نقلت المعلومه صح على قد ما افتكر و يا ريت تصححولى

**MMamdouh** · 14-05-2013 05:42 PM

المشاركة الأصلية كتبت بواسطة محمد الشامي

مع كامل احترامي لأراء جميع الزملاء :)
انا لما كان عندي جوان وش السلندر ملسوع كانت الحراره طبيعيه ومش بتزيد عن معدلها (قبل النص بشويه) ولكن كان اهم اعراض عندي هي تغير لون الميا دايما الى البنى الفاتح (بدون ما تعمل طحينه زي ما بيقولو) وكانت دايما دورة التبريد جواها ضغط هوا زياده عن الطبيعي , وتزامن معاها نقص في الميا وربما كان سبب نقص المياه هو تسريب من احد الوصلات , وتم اصلاحه اثناء عمليه تغيير جوان وش السلندر

مش عايز حد يعتبر رأيي مخالفه لرأيه :) بس انا حكيت شئ واقعي وحصل معايا بالفعل

دة حصل لان التلف فى الجوان او الوش كان بين غرفة الحريق و دورة التبريد فا البساتم كانت بتكبس العادم فى دورة التبريد... دة سبب تغير لون المية و زيادة الضغط فى دورة التبريد و لو شميت الهوا اللى بيطلع من القربة لما تفتحها هتلاقى ريحتة عادم

نقص المية بيحصل لما تبطل و يبقى مفيش كبس فى البساتم بتبداء مية التبريد تخرج من دورة التبريد (ضغط عالى) الى غرفة الحريق (ضغط جوى)

دة حصل فى عربية ابن خالتى و البستم اللى عندة المشكلة دى كان البوجية بتاعة علية صداء

MMamdouh

**tarek_2005** · 15-05-2013 11:23 AM

ولما الوش بتاعي ضرب كانت الميه بتخش علي البستم رقم 4 وكانة بتتطلع من الشكمان والعربية كانة دايرة ثلاثة سلندر فقط بس الجوان عندي كان ضرب خالص والعربية مسخنتش لاني كنت بواليها بالمياه اول باول

**gassarian** · 16-05-2013 02:15 AM

المشاركة الأصلية كتبت بواسطة ahmednaeem

حصل معايا زمان في اسبرانزا 516 ان المية تنقص بمعدل كباية في الاسبوع وبدون تسريب ولا ارتفاع في الحرارة وروحت التوكيل وقالي دورة التبريد واخدة هواء وظبطها وفعلا المياة بطلت تنقص خالص
فممكن تخللي مكيانيكي ياخد الهواء من دورة التبريد ونشوف لو فضلت المشكلة يبقي ممكن زي ما قالك باقي الاعضاء
والله المستعان

المية عندي بتنقص أقل من الكوباية في اﻷسبوع.......
أنا متابعها تاني و عسى خير

**aw2100** · 16-05-2013 02:24 AM

المشاركة الأصلية كتبت بواسطة gassarian

أعرف ازاي وجود هوا في دورة المياة و ايه الحل و بتيجي من ايه؟

الرادياتير لسة مصلحه كان فيه تسريب من الفيبرة اللي في جنبه و حاليا مفيش تسريب ظاهر و المية نقصت حاجات بسيطة زي كوباية في أسبوعين
هل تشغيل التكييف السخن بيقلل المية في القربة؟

نوع المية اللى بتحطة اية ؟؟
لو بتزود من مية الحنفية لازم المية تنقص !!

-

الموضوع: مية الرادياتير بتنقص بسبب وجود هوا في دورة المية

LinkBack

أدوات الموضوع

عرض

-

-

-

-

المواضيع المتشابهه

المية في قربة العربية بتنقص ولما ابطل العربية المية تغلي في القربة لمدة دقيقة

المية بتنقص

المية بتنقص

المية بتنقص في قربة المية اية السبب

لسة بردة المية بتنقص فى اربة المية!!!!

الكلمات الدلالية لهذا الموضوع

المفضلات

المفضلات

ضوابط المشاركة