استفسار بسيط عن سعر عربيه ابيزا 2000 او 2001

**mohamed ibiza** · 29-08-2008 08:08 PM

المشاركة الأصلية كتبت بواسطة mohamed_fatouh

انا عندى نفس الموديل و انطباعى العام
العربية 1000 سى سى يعنى موفرة فى البنزين دا المقام الاول بعد البنزين ماولع

لما تشغل التكييف العربية فى الاول و الثانى بتكون سحبها تقيل شوية و بالمناسبة كان معايا لانسر 1300 موديل 2007 بتاعة و احداصاحبى كانت وحشة برضة فى السحب و التكييف شغال.

الشكل العام و التابلوة رائع جدا ق غ موش غالية و موش رخيصة بس للامانة متوفرة و معمرة بتستحمل الهرس و الجرى و البهدلة شغل المانى.
بس المفروض الواحد يعاملها بشياكة يعنى بنوتة حلوة زى الانسة ابيزا لية تبهدلها موش الاحسن تعاملها كجنتل مان ولا ايييية.

و بالمناسبة انا جبت بيها 140 كم وعلى طريق الدائرى الجديد من بركة السبع للاسكندرية و بعدها خفت ازود بس البدال بتاع السرعة كان لسة فية كتير بس بلاش افترى انا كان اخرى فى 128 100كم و اقعد احلف انى جبتها.

توكل على الله بس اتاكد من حالتها

و ربنا يوفقك

بس حلوة الجزء بتاع بنوته حلوة زي الابيزا هي فعلا لما بتتعامل بنضافة بتبقي جميلة و لو عاملتها زيي كده بتستحملك برضه:D:D

**msami2k** · 31-08-2008 11:06 AM

السلام عليكم
انا جيت من اسكندرية الفجر وطلعت عين العربية
كنا اتنيين وتكييف على أول درجة وشوية شنط ومفول التانك كمان

طبعا السحب كويس لأن التكيف هادي والجو بالليل
انا كنت ماشي على 140 من غير مشاكل وكانت ساعات بتسحب منى على 150
لما قرصت عليها وصلت كذا مرة 155 و 156 ومرة واحدة بس جابت 158

هوا انا مش سويييق فمش عارف أقيم الثبات بتاعها بس 140 كنت سايق عادي من غير ما أحس بمشكلة

150 فيما فوق ببقى قلقان شوية وحاسس ان الارض بتتهز حبة مش كتير

البنزين :
فولت قبل ما أسافر
225 كيلو متر سفر رايح اسكندرية
+ 150 جوه اسكندرية
+ 25 كيلو راجع لحد موصلت محطة البنزين توتال بتاعة قرية الاسد
(250 سفر و 150 جوه البلد)معظم المسافة بالتكييف الخفيف

وفولت تاني مرة العربية أخذت 34.6 لتر بنزين 92

أظن دا كتير على 1000 سيسي بس العربية محتاجة يتبص عليها
أظن لو اتظبطت ممكن استهلاك البنزين يقل

دي تجربتي مع العربية

وربنا يوفقك
محمد