المشاركة الأصلية كتبت بواسطة hany63
اه والله عندك حق
ده الواحد بقى حاسس انه عايش في غابه
امبارح و برضه في صلاح سالم ناحية مسجد الرحمن الرحيم تاكسي لانوس كان بيغلس مع نص نقل و بيكسروا على بعض و بعدين التاكسي دخل الطريق الفرعي و وقف راح واقف النص نقل على الرئيسي غالبا عشان يتخانقوا خناقه على اصولها
توقع ايه اللي حصل؟
سواق التاكس و هو جوه العربيه حدف كبايه قزاز جت في حرف الشباك بتاع الراكب الامامي اللي في النص نقل و انفجرت و غرقت الدنيا قزاز و وراها قزازه برضه و طلع يجري و الله اعلم الراجل عينه حصل فيها ايه بص فضلوا واقفين من هول المفاجأه
يعني عشان عربيه كسرت عليه يطير عين بني ادم و مش بعيد المره الجايه يحدف مولوتوف عشان يولع العربيه باللي فيها
عمار يامصر دايما ولادك رواد السفاله و الاجرام