حجزت نيسان صنى 2013 وتوكلت على الله

**mooramor812** · 13-05-2013 11:10 AM

المشاركة الأصلية كتبت بواسطة youssef_u

الف الف مبروك و تستلم على خير ان شاء الله.. ونصيحة انساها بقا لمدة شهرين ونص كده لان فترة الحجز دي بتبقا ممله اوي

الله يبارك فيك
ربنا يسهل بس الخوف من ان نيسان تغلي ثمن العربية خلال فترة الحجز

**د.محمدعبدالعال** · 13-05-2013 11:24 AM

المشاركة الأصلية كتبت بواسطة mooramor812

الله يبارك فيك
ربنا يسهل بس الخوف من ان نيسان تغلي ثمن العربية خلال فترة الحجز

انا رأيي انك تنجز وتشتري باوفر برايس ..

**mooramor812** · 13-05-2013 11:39 AM

المشاركة الأصلية كتبت بواسطة د.محمدعبدالعال

انا رأيي انك تنجز وتشتري باوفر برايس ..

هو تقريبا كام الاوفر برايس دلوقتي

**HaNo_ELBeh** · 13-05-2013 01:20 PM

المشاركة الأصلية كتبت بواسطة mooramor812

الله يبارك فيك
ربنا يسهل بس الخوف من ان نيسان تغلي ثمن العربية خلال فترة الحجز

هى فعلا هتغلى السعر

المشاركة الأصلية كتبت بواسطة د.محمدعبدالعال

انا رأيي انك تنجز وتشتري باوفر برايس ..

كلام مظبوط قبل السعر مايغلى

المشاركة الأصلية كتبت بواسطة mooramor812

هو تقريبا كام الاوفر برايس دلوقتي

تقريبا وصل 125000 ج والله اعلم

**mooramor812** · 13-05-2013 02:46 PM

المشاركة الأصلية كتبت بواسطة hano_elbeh

هى فعلا هتغلى السعر

كلام مظبوط قبل السعر مايغلى

تقريبا وصل 125000 ج والله اعلم

125000 ج ده فرق كبير جدا انا حاجز ب 107000 , الدولار ثابت حاليا هيغلوا السعر ليه

**MoatazGalal** · 16-05-2013 02:59 AM

في كلام شبه مؤكد ان اسعار نيسان هتزيد الأسبوع القادم 3 آلاف جنيه للأسف
و الله أعلم

**mooramor812** · 16-05-2013 07:45 AM

المشاركة الأصلية كتبت بواسطة moatazgalal

في كلام شبه مؤكد ان اسعار نيسان هتزيد الأسبوع القادم 3 آلاف جنيه للأسف
و الله أعلم

هو السوق ملهوش ضابط ولا رابط ليه , يعني كل واحد يحط السعر اللي على مزاجه , وبعدين الدولار لما بيزيد الاسعار بتزيد ولما بيقل اسعار العربيات مبتقلش ليه , خلاص بقى يخلو في بورصة للعربيات زي الدهب كده وكل يوم بسعر حسب الاسواق العالمية والعرض والطلب واسعار العملات , لو تمن العربية زاد يبقى دي تالت مرة السنة دي نيسان تزود الاسعار , لا وكمان بيدلعوا علينا في التسليم , وفي ناس بقالها 3 شهور ولسة مستلمتش , طيب العميل ايه اللي هيخليه يستحمل ده , ارضاء العميل والمحافظة عليه واقناعه ان هو الملك المتوج علشان بيشتري سلعتنا للاسف مفهوم مش موجود طالما في ادارة غير واعية , انا كان نفسي ان نيسان مصر بعد لما عملت لنفسها مكان في السوق بعد مجهود سنين انها تحافظ عل المكانة دي خاصة ان عربيات نيسان زمان كان ليها زبائن محددين والعربية مكانتش عربية سوق لكن دلوقتي الحمد لله العربية بتنافس وليها مكان وكل ده بعربية واحدة وهي الصني , مطلوب منهم انهم بدل لما يخسروا المكانة دي انهم يزودوا الثقة والمبيعات والتسويق لبقية الموديلات , لكن سياسة التسويق الحالية ومستوى ارضاء العملاء لا يبشر بذلك , كمان موضوع الاوفر برايس اللي شغال ده مش كويس في حق نيسان ان يكون في سوق سوداء وهما ساكتين مبيعملوش اي اجراء للقضاء عليه علشان العربية تتباع بالسعر التنافسي بتاعها وياكلوا السوق , كلمت خدمة عملاء نيسان اسال عن الحجوزات والتسليم وامتى ممكن استلم فالموظفة قالتلى اني ممكن اشتريها من السوق باوفر برايس لو انا مستعجل (يا حلاوة) دي الشركة نفسها بتقول كدة يبقى عايزين الموزع يبيعها ليه بسعرها الرسمي خليها واحدة رسمي وواحدة اوفر برايس خللي الغلابة تاكل , وسالتها العربية ممكن سعرها يزيد قالت معرفش , طيب فين الصراحة الشفافية هو انا مش هدفع فلوس في العربية ولا هاخدها هدية , لازم اعرف اذا كان التمن هيزيد علشان افكر واقرر واختار الانسب ليا مش استنى علشان استلم وبعدين الاقي السعر مش مرضي , على الاقل يطبقوا سياسة زيادة الاسعار على اللي لسة محجزش اهو كده يبقوا مسكوا العصاية من النص , وممكن كمانعلشان يضمنوا حقهم ياخدوا مقدم حجز عالي زي نص تمن العربية مثلا , في حلول تسويقية كتير ممكن الادارة العليا في نيسان تعملها علشان تحافظ على وتزود الشعبية بتاعت نيسان وتزود حصتها في السوق

**HaNo_ELBeh** · 16-05-2013 02:54 PM

المشاركة الأصلية كتبت بواسطة mooramor812

125000 ج ده فرق كبير جدا انا حاجز ب 107000 , الدولار ثابت حاليا هيغلوا السعر ليه

ياباشا انا بكلم حضرتك على السوبر صالون
حضرتك بتتكلم على ال ex صالون
واعتقد انى سالت عليها فى معرض بمدينه نصر كانت اوفر برايس ب 111000 ج

**mooramor812** · 16-05-2013 02:56 PM

المشاركة الأصلية كتبت بواسطة hano_elbeh

ياباشا انا بكلم حضرتك على السوبر صالون
حضرتك بتتكلم على ال ex صالون
واعتقد انى سالت عليها فى معرض بمدينه نصر كانت اوفر برايس ب 111000 ج

تمام يا باشا معلش مخدتش بالي

**hasanh_red** · 17-05-2013 02:52 AM

اولا الف مبروك لصاحب الموضوع وربنا يصبرك وتستلم في الميعاد وربنا يباركك فيها ويرزقك خيرها و يبعد عنك شرها
ثانيا يا جماعه انا بستحرم موضوع الاوفر بريس دة ولو الناس كلها ايد واحدة حتفرق كتير
ممكن اعرف اسم المعرض بتاع مدينه نصر دة

الموضوع: حجزت نيسان صنى 2013 وتوكلت على الله

LinkBack

أدوات الموضوع

عرض

-

-

-

-

-

المواضيع المتشابهه

حجزت النترا فولي لودد 2013

انصحوني لوجه الله ... اجيب نيسان تيدا 2013 او اكسينت rb 2013

حجزت جين 2 2013 , ماننيوال ولا أوتوماتيك ؟

اخير حجزت رينو لوجان 2013

ان شاء الله تعالى نازل احجز نيسان صنى 2013 بكره .... متابع بلتفصيل الى مرحلة الاستلام

الكلمات الدلالية لهذا الموضوع

المفضلات

المفضلات

ضوابط المشاركة