عرض للطباعة
السادة الكرام اعضاء المنتدى ,
بعد تفكير عميق قررت ان اشتري النيسان صني 2013 , خاصة ان والدي يمتلك صني 2012 سوبر صالون الشكل القديم , السيارت النيسان بشكل عام سيارات جيدة معمرة , وانا ركبت لانسر وتويوتا وكروز قبل لما احجز العربية وبصراحة عربية والدي حببتني في النيسان اللى انا شايف من وجهة نظري انها بتحقق قيمة مضافة لصاحبها وبغض النظر عن السعر العربية دي تتقارن بعربيات في فئات سعرية اعلى
ارجو من السادة الاعضاء تقديم النصيحة واعتباري احد اعضاء منتدي نيسان
والسلام عليكم ورحمة الله وبركاته
عمرو
الف الف مبروك و تستلم على خير ان شاء الله.. ونصيحة انساها بقا لمدة شهرين ونص كده لان فترة الحجز دي بتبقا ممله اوي
الف مبروك مقدما ..
لو عايز النصيحه بجد::: الغي الحجز وروح اشتري نيسان صني موديل 2013 برده بس الشكل القديم زي بتاع والدك لان اقسملك بالله ان الشكل الجديد سيء للغايه من ناحيه المنظر الخارجي والداخلي ومن ناحيه ضعف صاج العربيه الشديد .. والله شوفت نيسان جديده خبطت خبطه صغيره في تاكسي اسبرانا لاقيت كبوت وفوانيس واكصدام نيسان مدمر.. علي العكس الشكل القديم اكثر اعتماديه وفخامه والصاج فعلا ممتاز
الف مبروك و تستلم على خير و سرعة ان شاء الله
ان شاء الله تستلم على خير
وربنا يجعل اخر صبرك خير
الواحد من طيلة مدة الحجز بيفكر يحجز 5 عربيات مرة واحدة
وبعدين على مايجي معاد تسليمهم يهدي الحجز للأعضاء
ايه رأيكو مش فكرة برضه
انا حجزت عند الجيكو في اسكندرية وهما اكدولي اني هستلم بعد شهر اللون البرونزي , انا اكدت عليهم في موضوع ميعاد الاستلام لاني شغال في البحر الاحمر وبنزل اجازة كل شهر يعني لو اتأخروا هضطر استنى للشهر اللي بعده حتى لو العربية جاهزة لاني هكون مسافراقتباس:
المشاركة الأصلية كتبت بواسطة miceg
الفكرة ان الواحد يحجز شوية عربيات ويسهل للاعضائ الاستلام في الميعاد فكرة جبارة وتستحق المناقشة
الله يبارك فيك يا باشا , انا شايف انها عربية كويسة مع تحفظي على بعض العيوب الموجودة فيها بس نيسان اسم كويس وكل عربية ليها عيوبهااقتباس:
المشاركة الأصلية كتبت بواسطة canner
انا معاك ان الشكل القديم متجرب ومفيهوش مشاكل كتير , بس انا بفكر اني ليه اركب عربية شكلها قديم بقاله حوالي تسع سنين , بالإضافة ان تقفيل الجديدة افضل نسبيا والعربية انعم واقتصادية اكتراقتباس:
المشاركة الأصلية كتبت بواسطة medosalah
الله يبارك فيك يا باشا , اول لما استلم هعرف الناس كلها وهقدم تجربتي معاها و فترة الحجز وكل حاجة ان شاء اللهاقتباس:
المشاركة الأصلية كتبت بواسطة s o p h o s
الله يبارك فيكاقتباس:
المشاركة الأصلية كتبت بواسطة youssef_u
ربنا يسهل بس الخوف من ان نيسان تغلي ثمن العربية خلال فترة الحجز
انا رأيي انك تنجز وتشتري باوفر برايس ..اقتباس:
المشاركة الأصلية كتبت بواسطة mooramor812
هو تقريبا كام الاوفر برايس دلوقتياقتباس:
المشاركة الأصلية كتبت بواسطة د.محمدعبدالعال
هى فعلا هتغلى السعراقتباس:
المشاركة الأصلية كتبت بواسطة mooramor812
كلام مظبوط قبل السعر مايغلىاقتباس:
المشاركة الأصلية كتبت بواسطة د.محمدعبدالعال
تقريبا وصل 125000 ج والله اعلماقتباس:
المشاركة الأصلية كتبت بواسطة mooramor812
125000 ج ده فرق كبير جدا انا حاجز ب 107000 , الدولار ثابت حاليا هيغلوا السعر ليهاقتباس:
المشاركة الأصلية كتبت بواسطة hano_elbeh
في كلام شبه مؤكد ان اسعار نيسان هتزيد الأسبوع القادم 3 آلاف جنيه للأسف
و الله أعلم
هو السوق ملهوش ضابط ولا رابط ليه , يعني كل واحد يحط السعر اللي على مزاجه , وبعدين الدولار لما بيزيد الاسعار بتزيد ولما بيقل اسعار العربيات مبتقلش ليه , خلاص بقى يخلو في بورصة للعربيات زي الدهب كده وكل يوم بسعر حسب الاسواق العالمية والعرض والطلب واسعار العملات , لو تمن العربية زاد يبقى دي تالت مرة السنة دي نيسان تزود الاسعار , لا وكمان بيدلعوا علينا في التسليم , وفي ناس بقالها 3 شهور ولسة مستلمتش , طيب العميل ايه اللي هيخليه يستحمل ده , ارضاء العميل والمحافظة عليه واقناعه ان هو الملك المتوج علشان بيشتري سلعتنا للاسف مفهوم مش موجود طالما في ادارة غير واعية , انا كان نفسي ان نيسان مصر بعد لما عملت لنفسها مكان في السوق بعد مجهود سنين انها تحافظ عل المكانة دي خاصة ان عربيات نيسان زمان كان ليها زبائن محددين والعربية مكانتش عربية سوق لكن دلوقتي الحمد لله العربية بتنافس وليها مكان وكل ده بعربية واحدة وهي الصني , مطلوب منهم انهم بدل لما يخسروا المكانة دي انهم يزودوا الثقة والمبيعات والتسويق لبقية الموديلات , لكن سياسة التسويق الحالية ومستوى ارضاء العملاء لا يبشر بذلك , كمان موضوع الاوفر برايس اللي شغال ده مش كويس في حق نيسان ان يكون في سوق سوداء وهما ساكتين مبيعملوش اي اجراء للقضاء عليه علشان العربية تتباع بالسعر التنافسي بتاعها وياكلوا السوق , كلمت خدمة عملاء نيسان اسال عن الحجوزات والتسليم وامتى ممكن استلم فالموظفة قالتلى اني ممكن اشتريها من السوق باوفر برايس لو انا مستعجل (يا حلاوة) دي الشركة نفسها بتقول كدة يبقى عايزين الموزع يبيعها ليه بسعرها الرسمي خليها واحدة رسمي وواحدة اوفر برايس خللي الغلابة تاكل , وسالتها العربية ممكن سعرها يزيد قالت معرفش , طيب فين الصراحة الشفافية هو انا مش هدفع فلوس في العربية ولا هاخدها هدية , لازم اعرف اذا كان التمن هيزيد علشان افكر واقرر واختار الانسب ليا مش استنى علشان استلم وبعدين الاقي السعر مش مرضي , على الاقل يطبقوا سياسة زيادة الاسعار على اللي لسة محجزش اهو كده يبقوا مسكوا العصاية من النص , وممكن كمانعلشان يضمنوا حقهم ياخدوا مقدم حجز عالي زي نص تمن العربية مثلا , في حلول تسويقية كتير ممكن الادارة العليا في نيسان تعملها علشان تحافظ على وتزود الشعبية بتاعت نيسان وتزود حصتها في السوقاقتباس:
المشاركة الأصلية كتبت بواسطة moatazgalal
ياباشا انا بكلم حضرتك على السوبر صالوناقتباس:
المشاركة الأصلية كتبت بواسطة mooramor812
حضرتك بتتكلم على ال ex صالون
واعتقد انى سالت عليها فى معرض بمدينه نصر كانت اوفر برايس ب 111000 ج
تمام يا باشا معلش مخدتش بالياقتباس:
المشاركة الأصلية كتبت بواسطة hano_elbeh
اولا الف مبروك لصاحب الموضوع وربنا يصبرك وتستلم في الميعاد وربنا يباركك فيها ويرزقك خيرها و يبعد عنك شرها
ثانيا يا جماعه انا بستحرم موضوع الاوفر بريس دة ولو الناس كلها ايد واحدة حتفرق كتير
ممكن اعرف اسم المعرض بتاع مدينه نصر دة
والله انا كمان بستحرم الموضوع بتاع الاوفر برايس , انا معرفش فين معرض مدينة نصر انا حاجز في اسكندرية عند الجيكو (المتحدة ) وده موزع معتمد انيسان , يا باشا انا لما كلمت خدمة العملاء في نيسان اسأل عن العربية قالولي ممكن هتستنى شوية على الاستلام بس ممكن تجيبها بأوفر برايس من السوق , تصدق انت ان في حد يقول كدهاقتباس:
المشاركة الأصلية كتبت بواسطة hasanh_red
اقتباس:
المشاركة الأصلية كتبت بواسطة mooramor812
الف مبروك وربنا يباركلك فيها ان شاء الله
لدى اسئلة بخصوص الحجز
ماهى المدة المتفق عليها حتى تسليم السيارة
هل اتفق معك المعرض على زيادة سعر السيارة عن 107000 فى حالة زيادة الاسعار ؟ ام ان السعر ثابت
[QUOTE=Msanad;3874998612]الف مبروك وربنا يباركلك فيها ان شاء الله
لدى اسئلة بخصوص الحجز
ماهى المدة المتفق عليها حتى تسليم السيارة
هل اتفق معك المعرض على زيادة سعر السيارة عن 107000 فى حالة زيادة الاسعار ؟ ام ان السعر ثابت[/QUOTE
مدة الحجز قالولي شهر وهتستلم , على فكرة انا حاجز عند نوكيل نيسان في اسكندرية (الجيكو ) وهما قالولي اني هستلم في الميعاد (ربنا يسهل) اما بالنسبة لوضوع السعر فهما قالولي اني هدفع بسعر السيارة وقت الاستلام وليس وقت الحجز
شكرا
1000 مبروك ...
+++111اقتباس:
المشاركة الأصلية كتبت بواسطة mooramor812
كل كلامك مضبوط و صحيح لانه ببساطه مبنى عن تجربه عمليه فى عربيه والدك ... خصوصا انك جربت سيارات اخرى ...
انا معى الصنى من 2007 كسياره ثانيه للعمل اول ما اجمعت و حتى اليوم .. الاداء واحد و لم يتغير سواء موتور/عفشه/تكييف ... و لم اغير فيها شىء .. فقط سيرفيس الزيت/فلتر فى موعده + تيل امامى + بوجيهات ...
الخلاصه ان الصنى كقيمه مرضيه جدا لادائها و معمره و اقتصاديه ...
طبعا انا متابع كل ما يكتب على الصنى الجديده و كلها تتلخص فى التيل/الكاوتش و لها حلول ... اى ليس بها عيوب فنيه فى الموتور/التبريد/الجير/العفشه/باقى الاجزاء الميكانيكيه ... و الصنى الجديده هى تكمله لنجاح توكيل نيسان فى مصر ...
تحياتى ...
الله يبارك فيكاقتباس:
المشاركة الأصلية كتبت بواسطة Batman372
فعلا المشاكل اللي موجودة في الصني الجديدة ليست مؤثرة والاساسيات اللي في عربيات صني كلها تمام , شركة نيسان ليها تاريخ كبير وده بيطمن الوتحد انهم عارفين بيعملوا ايه , بس المشكلة كلها في موضوع حجز العربية اللي بيطول وموضوع الوفر برايس , لو يحلوا المواضيع دي يبقى نيسان في مصر زي الفل , وشكرا ليك جدااقتباس:
المشاركة الأصلية كتبت بواسطة batman372
عمرو
مدة الحجز قالولي شهر وهتستلم , على فكرة انا حاجز عند نوكيل نيسان في اسكندرية (الجيكو ) وهما قالولي اني هستلم في الميعاد (ربنا يسهل) اما بالنسبة لوضوع السعر فهما قالولي اني هدفع بسعر السيارة وقت الاستلام وليس وقت الحجز
شكرا[/quote]
مهيا دى المشكله
وقت الاستلام وليس وقت الحجز
ايه اللى يضمن انه يديك العربية بسعر 107 وما يزودشى 3 او 4 الاف جنيه زيادة ؟
مهيا دى المشكلهاقتباس:
المشاركة الأصلية كتبت بواسطة msanad
وقت الاستلام وليس وقت الحجز
ايه اللى يضمن انه يديك العربية بسعر 107 وما يزودشى 3 او 4 الاف جنيه زيادة ؟[/quote]
للاسف مفيش اي ضمان لموضوع السعر , لو السيارة سعرها زاد قبل ماتستلم يبقى هتدفع بالسعر الجديد , وفي بعض التوقعات ان سعرها هيزيد قريب حوالي 3 الاف جنيه , انا ضد الوفر برايس حتو لو الفرق 3 الاف جنيه لاني بستحرم الموضوع ده فأنا هستنى استلم في ميعادي حتى لو انا عارف ان تمنها هيزيد ولازم كل الناس تعمل كده علشان نحارب الظاهرة دي , في اي سوق في الدنيا المستهلكين هما اللي يخلقوا السوق السوداء لان مفيش حد عايز ينتظر دوره علشان كده الاستغلاليين يلاقوها فرصة كويسة علشان يعملوا فلوس , لو كل واحد بدأ بنفسه حاجات كتير ننكم تتغير
يا جماعة الموزع اتصل بيا وقالي في دفعة عربيات وصلت واني ممكن استلم حالا بس السعر 110000 علشان نيسان تقريبا خلاص هتنزل السعر الجديد وكل اللي عنده عربيات مش هيبيعها دلوقتي هيستنى السعر الجديد من نيسان , السؤال هو ينفع موزع معتمد يبيع العربية بسعر اعلى ويقولي نيسان نزلتله العربية كده , على فكرة انا حاجز من 12 يوم بس
الحمد لله استلمت العربية امبارح من عند الموزع , ان شاء الله هرخص واجربها وهنزل الصور واحكي حكايتي معاها عن قريب ان شاء الله
على فكرة الموزع قالي ان مؤكد العربية هيزيد سعرها يوم 1 / 6 علشان كدة الاوفر برايس اساس زاد ده لو لقيته , لأن التاجر بيفكر انه يستنى لحد السعر الرسمي يزيد ويوصل مثلا 110 او 111 بعد كده يبيع هو 117 او 118
اخبار السياره مع حضرتك أيه دلوقتى ؟؟؟؟؟؟ أنا حجزت الاتوماتك وخايفه من موضوع تيل الفرامل إلى مكتوب من معظم الاعضاء فى المنتدى
أرجو المساعده
فعلا بلاش الشكل الجديد هات الشكل القديماقتباس:
المشاركة الأصلية كتبت بواسطة medosalah