سؤال فى معدل بنزين بومة 2013

**SALAH ELDIN** · 15-05-2013 02:38 PM

المتابعة
2 شرطة يعنى 12 لتر تقريبا عملت معايا 105 كيلو 8.75 كيلو لكل لتر داخل المدينة واعتقد ان دة معقول

**manfromegy** · 16-05-2013 02:13 AM

المشاركة الأصلية كتبت بواسطة salah eldin

المتابعة
2 شرطة يعنى 12 لتر تقريبا عملت معايا 105 كيلو 8.75 كيلو لكل لتر داخل المدينة واعتقد ان دة معقول

دا تقريبا زيي ربنا يباركلنا فيها و عموما انا عندي فكره كل ما تفول صفر عداد التريب a و فول تاني علي اخر شرطتين أو 3 و شوف الاستهلاك عامل إزاي و إعملها معدل لان الموضوع مختاف حسب السرعة و التكييف و حمولة العربيه و والطريق و عموما أعتقد انها ما بتقلش عن 210 او 215 في الصفيحة في اسوء الحالات

**SALAH ELDIN** · 16-05-2013 09:27 AM

المشاركة الأصلية كتبت بواسطة manfromegy

دا تقريبا زيي ربنا يباركلنا فيها و عموما انا عندي فكره كل ما تفول صفر عداد التريب a و فول تاني علي اخر شرطتين أو 3 و شوف الاستهلاك عامل إزاي و إعملها معدل لان الموضوع مختاف حسب السرعة و التكييف و حمولة العربيه و والطريق و عموما أعتقد انها ما بتقلش عن 210 او 215 في الصفيحة في اسوء الحالات

انا فعلا بعمل كدة

**ahhazem** · 16-05-2013 12:28 PM

المشاركة الأصلية كتبت بواسطة Dragon78

فولتها وعملت 450 كيلو وكان لسه فيها شرطتين !!!!

ليه ياباشا انت بتمشيها بالميه ولا ايه ... يااما بتحطلها البنزين بقطاره .

أنا عربيتي بفولها وبتعمل حوالي 350 كيلو بدون التكييف في الشتا مثلا .. وبالتكييف بتبقى حوالي 320 أو 300 ( في وسط البلد والزحمه) لكن على الطرق السريعه بيبقى الاستهلاك أقل من كده .

لكن أعتقد اللي انت بتقوله ده كتير أوي .. ماافتكرش .. يااما انا اللي عربيتي فيها حاجه

ولو اني لما سألت أول ماجبت العربيه وعرفت ان ده الاستهلاك الطبيعي بتاعها

عشان كده استغربت من كلامك

مش كده والنبي؟؟؟
انا كنت بدأت اشك في نفسي والله

**mahmoud85** · 16-05-2013 02:59 PM

المعروف ياجماعه ان اي عربيه في فتره التليين بيكون استهلاك البنزين عالي جدا وبيتظبط بعد اول 5000 كيلو تقريبا علي حسب العربيه
وفيه تحذير في الكتالوج من تشغيل التكييف في اول 1000 كيلو لان ده بسبب استهلاك عالي للبنزين حتي بعد فتره التليين وبيستمر علي طول بعد كده

ياجماعه اللي معاه عربيه زيرو يتقي الله فيها خصوصا في الزيوت والفلاتر ودوره التبريد بلاش مياه من الحنفيه هي اصلا ميتها بتقعد كتير ولما تتغير تتغير بمياه اصليه ميتسوبيشي او موبيل او حتي مياه مقطره مضمونه

انا شاري عربيه تاني يد موديل 2008 وحسبي الله ونعم الوكيل في صاحبها الاصلي
كان بيحط مياه حنفيه ومش عاوز اقولكم الصدا جوا عامل ازاي ده غير الفلاتر والسيور مش اصلي

**Dr.lancer** · 17-05-2013 10:16 AM

المشاركة الأصلية كتبت بواسطة dragon78

فولتها وعملت 450 كيلو وكان لسه فيها شرطتين !!!! :b4_564:

ليه ياباشا انت بتمشيها بالميه ولا ايه ... يااما بتحطلها البنزين بقطاره .

أنا عربيتي بفولها وبتعمل حوالي 350 كيلو بدون التكييف في الشتا مثلا .. وبالتكييف بتبقى حوالي 320 أو 300 ( في وسط البلد والزحمه) لكن على الطرق السريعه بيبقى الاستهلاك أقل من كده .

لكن أعتقد اللي انت بتقوله ده كتير أوي .. ماافتكرش .. يااما انا اللي عربيتي فيها حاجه

ولو اني لما سألت أول ماجبت العربيه وعرفت ان ده الاستهلاك الطبيعي بتاعها

عشان كده استغربت من كلامك

يمكن أكون محسبنهاش صح بس على فكرة الموضوع برضه داخل فيه طريقة السواقة فعلا انا من النوع اللى بسوق هادى جداً و رجلى خفيفة آوى على البنزين ، على العموم انا حسبها صح بكرة ( حفول العربية وأمشى ١٠٠ كيلو و افول تانى وأشوف خدت كام)

**eng/ahmed_go** · 18-05-2013 12:41 AM

انا معايا 2010 وفعلا استهلاك البنزين اكتر من الموديل القديم واعتقد ان السبب هوا الفتيس الجديد لان cvt موفر عنه في الاستهلاك

**ahhazem** · 18-05-2013 10:55 AM

انا بحسب المعدل كل مره افول فيها
الاول تصفر العداد وانت بتفول
والمره اللي بعدها لما تيجي تفول تشوف العداد عامل كام كيلو وانت فولت كام كيلو تقسمهم على بعض
والناتج هو معدل الاستهلاك كيلو/لتر
انا في الطبيعي عربيتي ٢٠١٢
بتعمل من ١٠ لـ ١١ كيلو في اللتر في الصيف
وفي الشتا ممكن توصل ١١.٥ أو ١٢
وده طبعاً حسب طريقة السواقة والطرق اللي مشيت فيها وكمان التكييف والجو

**BASOOMVIP** · 18-05-2013 06:11 PM

انا كان معايا لانسر 2008 اوتو 1600
جوة البلد اللتر بيعمل من 8- 9 كيلو
على الطريق بدون تكيف التر بيعمل 15 كيلو
على الطريق بالتكييف من 12.5 - 14 كيلو

**Dr.lancer** · 24-05-2013 01:05 AM

عايز حضرتك تحسب استهلاك البنزين صح
اعمل الاتى:

سواءا كانت العربيه اوتو او عادى فيتم حساب استهلاك البنزين طبقا للموضح بعد
اولا:
فول عربيتك لحد الزور ( يعنى اما عينك تشوف البنزين) مش اول ماالمسدس يفصل الواد بتاع المحطه يقولك كدا فولت ( لان العربيه بتاخد تقريباً 3 او 4 لتر ) بعد فصل المسدس. وطبعاً حضرتك تكون مصفر عداد الرحلات
ثانياً:
تمشى فى طريق سريع بسرعه ثابته وهى (90) كم او (100) ويكون الـ ار بى ام على 2.5 او 3 ومايزدش عن كدا
وبدون تكيف لمسافه 100 كم او 150 او200 حسب طول المسافه.
ثالثاً:
تدخل اقرب محطه بنزين وتفول زى اول مره لغايه الزور وتشوف العربيه خدت كام لتر تقسموا على المسافه يطلع استهلاك السياره بالضبط

*اضرب الناتج الى طلع ×20 ( اى الصفحيه) يطلع العربيه بتعمل كام كيلو متر فى الـ 20 لتر ( اى الصفيحه)
مثال على ذلك
لو انت مشيت 200 كيلو متر وحطيت بنزين 15 لتر يكون 15/200 =13.33 كم
اى ان اللتر الواحد عمل 13.33 كم تقريباً
نضرب الـ 13.33× 20 لتر بنزين ( الصفيحه) =
266.67 كم تقريباً
اى ان الـ 20 لتر ( الصفيحه ) تعمل 266,67 كم

-منقول للإفادة -
العربية عندى عملت ٢٢٠ كم فى ٢١ لتر بعد ما فحولتها تانى، بكرة حفول و أجربها على طريق السفر