سؤال فى معدل بنزين بومة 2013
السلام عليكم
عضو جديد
ومستخدم جديد لسيارة الميتسوبيشى بومة 2013 هى 1600cc اتوماتيك الفئة الاعلى من الكلاسيك
المهم يا جماعة عشان مش اطول عليكم
العربية ممتازة ربنا يحرسها يا رب
عالية ومريحة لابعد الحدود على الرغم من انى مشيت بها يومين وضغط الهوء عالى ( 42) كنت هتهبل وانا بظبط هوا
بس واجهتنى مشكلة فيها صغيرة
العربية بتحرق بنزين بشكل عبيط
طبعا انتم عارفين ان الشكل الجديد عاملين هما المؤشر بتاع البنزين فى الشاشة الصغيرة على هيئة شرطات تقريبا هما 8 شرطات
المهم يا جماعة وعشان مطولش عليكم العربية على المسافات الطويلة تقريبا الحرق بيكون اعلى من الممتاز -- مش عاوز اقول انى مشيت بها تقريبا 170 كيلو باول شرطة وهى تقريبا تعادل على حساباتى انا 6 لتر
لكن داخل المدينة الحرق اعلى من كدة بكثير بكثير جدا
المهم لما روحت صيانة الالف فى مركز دايموند الى على الصحراوى ( ابورواش )
مهندس الصيانة صدمنى
قالى دة طبيعى العربية بتعمل 180 -200 كيلو فى الصفيحة ( 20 لتر )
هى بعد صيانة الالف اتعدلت شوية
بس عاملة له هسهس ومخليانى اركز مع العداد بتاع الكيلو
مش عارف
راى حضراتك اية مع العلم ان انا استخدمت السيراتو 2010 فى نفس الظروف وقبل ما اجيب البومة وكان معدلات الحرق بتاعتها احسن بكثير