الموضوع: هل الهوندا سيفك مناسبة بالنسبة لكونها اول عربية ليا ...؟

السلام عليكم ورحمه الله وبركاته
بصراحة دي اول مشاركة ليا في المنتدي ده وخاصة بعد ما عجبني جدا جدا المواضيع اللي فيه واللي عرفتني كتير عن عربيات مكنتش اعرف منها حاجة دي حاجة
الحاجة التانية بصراحة انا ان شاء الله عاوز اجيب عربية وان شاء الله هتكون هوندا اولا لاني بصراحة طول عمري بحب العربية دي وكنت بشوفها في اي شارع وانا في الثانوي (( يعني من زمان الزمان )) كنت بصراحة عيني مش بتنزل من عليها غير لما تختفي عن نظري وتاني حاجة قسم الهوندا اللي في المنتدي ده خلاني احبها اكتر من الاول وده من الاعضاء الوحوش فعلا زي ما سمعت عنهم هنا وشرحهم لكل حاجة عن العربيات دي وحبهم الشديد لعربياتهم بالرغم من ان موديلاتها قدمت بس بصراحة بحس انهم عندهم انتماء للهوندا (( يعني ممكن يكونوا التراس هوندا )) زي التراس النوادي الرياضية كده

المهم اسف عن اني طولت في المقدمة بس بصراحة كنت عاوز اكتب اكتر من كده
باختصار انا عندي شوية اسألة ممكن تفيدوني فيها لاني مقبل ان شاء الله علي شراء هوندا سفيك 93
هل العربية مصارفيها كتير في الشهر ولا عادية ...........؟
هل بالنسبة لواحد بيعرف يسوق وسقت ابيزا 94 قبل كده بس بصراحة ممتلكتش عربية فده عادي ولا هتبقي الهوندا صعبة عليا ؟
هل ممكن اجيب هوندا سيفك ب 35 الف وهتكون ex او el وتكون نظيفة ولا المبلغ لازم يزيد ولما ربنا يكرمني بفلوس بعد كده اعدلها ل si
وهل دول فيهم عيوب تذكر ولا زيهم زي ال si باختلاف الكماليات زي فتحة السقف .....الخ
معلش انا اسألتي كتير بس اعذروني انتوا اكتر ناس هتعرفوني الاجابات بكل صدق وامانة عشان كده كان اختياري نايل موتورز
يا ريت مكنش ازعجت حد مني وتقبلوني عضوا في نايل موتورز

لأ طبعا
قطع غيارها تكاد تكون نادرة ( فى بورسعيد ) + غاليه جدا اذا لاقيتها + ده موديل فات عليه 20 سنة ؟؟؟؟؟؟؟؟؟؟؟؟؟؟

المشاركة الأصلية كتبت بواسطة khaabas

لأ طبعا
قطع غيارها تكاد تكون نادرة ( فى بورسعيد ) + غاليه جدا اذا لاقيتها + ده موديل فات عليه 20 سنة ؟؟؟؟؟؟؟؟؟؟؟؟؟؟

والله انا مش عارف حاجة الاعضاء هنا بيقولوا قطع غيارها منتشرة وحضرتك بتقول نادرة يا ريت يا جماعة حد يقولنا نجيبها ولا بلاش

المشاركة الأصلية كتبت بواسطة mohandelboshy

والله انا مش عارف حاجة الاعضاء هنا بيقولوا قطع غيارها منتشرة وحضرتك بتقول نادرة يا ريت يا جماعة حد يقولنا نجيبها ولا بلاش

والله يا باشا انا بكلم عندى فى بورسعيد كنت انا وصديق من حوالى ساعة بندور على حاجات سيفيك 94 ودايخين على حاجاتها واللى نلقيه نلقيه غالى جدا

المشاركة الأصلية كتبت بواسطة khaabas

والله يا باشا انا بكلم عندى فى بورسعيد كنت انا وصديق من حوالى ساعة بندور على حاجات سيفيك 94 ودايخين على حاجاتها واللى نلقيه نلقيه غالى جدا

انت مش من بورسعيد ودي بلد الهوندا ازاي مش موجود ده عندكم دي الشوارع كلها هوندا هناك من موديل 93 الي موديل 2005 غير الجديد

المشاركة الأصلية كتبت بواسطة mohandelboshy

انت مش من بورسعيد ودي بلد الهوندا ازاي مش موجود ده عندكم دي الشوارع كلها هوندا هناك من موديل 93 الي موديل 2005 غير الجديد

ماشى يا باشا بس انتا بتكلم فى موديل فات عليه عشرين سنه وموش كتير برده عندنا

متابع اصل نفس المبلغ معايا ومش عارف اجيب ايه

المشاركة الأصلية كتبت بواسطة ahmedalaahosny

متابع اصل نفس المبلغ معايا ومش عارف اجيب ايه

وانتا ياباشا من المنصورة والهوندا تكاد تكون هناك زى الكائنات المنقرضة نادرة جدا جدا ومفيش عندك حد بيفهم فيها وقطع غيارها موش متوفرة في الحسينية عندك
زود شوية وخليك فى لانسر كريستالة ولو تركب كورى فى خيارات برده
وسبحان الله كان فيه صديق بيلف على قطع غيار ال 94 معاى دلوقتى وطالع عينه

المشاركة الأصلية كتبت بواسطة khaabas

وانتا ياباشا من المنصورة والهوندا تكاد تكون هناك زى الكائنات المنقرضة نادرة جدا جدا ومفيش عندك حد بيفهم فيها وقطع غيارها موش متوفرة في الحسينية عندك
زود شوية وخليك فى لانسر كريستالة ولو تركب كورى فى خيارات برده
وسبحان الله كان فيه صديق بيلف على قطع غيار ال 94 معاى دلوقتى وطالع عينه

طيب يا باشا انت من بورسعيد وعارف ان بورسعيد بلد الهوندا قطع الغيار بتاع الموديل ده اخبارها ايه متوفرة ولا لأ وغالية هناك بردوا ولا ظروفها ايه عرفنا الله يبارك لك وبالنسبة للكرستالة فالمبلغ ده ميجبش غير لانسر بطة 91 ودي قطع غيارها مش موجودة اصلا اما الكرستالة فاعتقد ان الهوندا احسن بكتير الفرق بس ان الكرستالة قطع الغيار موجودة وتعمل لها من 48 وانت طالع للنظيف