الجو ابتدا يبقي نار وعاوز اغير زيت الفتيس ياتري حد يعرف بياخد كام كيلو وايه النوع اللي اغيره العربيه 523 1999
عرض للطباعة
الجو ابتدا يبقي نار وعاوز اغير زيت الفتيس ياتري حد يعرف بياخد كام كيلو وايه النوع اللي اغيره العربيه 523 1999
لو ماتغيرش من ساعة ما العربية جت فبلاش تغيره أحسن لأن فى معظم الحالات الفتيس بيروح
انا مش فاهم ازاي لو غيرت الزيت الفتيس يروح اول مره اسمع الموضوع دا واعرف ازاي انه اتغير ولا لا انا شاري العربيه في شهر 1
شوف يا كبير..زيت الفتيس في البيمرز ومعظم الألماني..بيكون lifetime ومش بيحتاج تغيير..مبدئياً إنت لازم تلاحظ حاجة من الآتي عشان تقول الزيت محتاج تغيير :-
- هبدة في النقلات
- تقل في النقلات..تأخر يعني
- نتشة في الغيار
لو حسيت بحاجة من دول يبقي غير زيت وفلتر..لو الدنيا تمام معاك..سيب الفتيس متفكش فيه مسمار
- إذا إحتجت تغيير الزيت لازم تتبع الآتي :-
- تروح لحد متخصص في البيمر.وتخليه ينزل زيت الفتيس كل كيلو علي حِدا..بمعني..ينزل كيلو من القديم.ويزود كيلو زيت أوتوماتيك عادي جديد.ويكرر العملية لحد ما يلاحظ إن لون الزيت بقي نظيف..ساعتها ينزل كل اللي في الفتيس ويحط الزيت الأصلي بتاعها حوالي 7 كيلو.والكيلو بيعمل 125 جنيه.
خد بالك..لو نزل زيت الفتيس القديم بطريقة مباشرة علي طول..هيطير الفتيس لأن هيحصل إنسداد في الـ Body Valve بتاعه..بالتوفيق إن شاء الله
السلام عليكم
بخصوص موضوع تغيير زيت الفتيس كيلو كيلو معلومة خطيرة جدا جدا فعلا بس ياتري مصدرها إيه ؟؟ وياريت توضيح سبب إن الفتيس ممكن يطير لو الزيت اتفضي مرة واحدة علي طول؟ معلش أنا ضعيف شوية في الميكانيكا وباحب اعرف التفاصيل الدقيقة علشان أفهم ومابوظش بدون علم
ولو المعلومة دي فعلا صحيحة طب إزاي بيتملي بالزيت وهو جديد من غير ما يبوظ ؟؟
معلش المعلومة دي مهمة جدا ليا لإني بافكر أكشف علي الزيت وإذا كان محتاج تغيير أغيره
تحياتي
+١١١١١١١١١