فتيس e39

**rompo10** · 12-05-2013 11:49 PM

الجو ابتدا يبقي نار وعاوز اغير زيت الفتيس ياتري حد يعرف بياخد كام كيلو وايه النوع اللي اغيره العربيه 523 1999

**novo** · 13-05-2013 11:15 AM

لو ماتغيرش من ساعة ما العربية جت فبلاش تغيره أحسن لأن فى معظم الحالات الفتيس بيروح

**inspiron** · 13-05-2013 08:40 PM

شوف يا كبير..زيت الفتيس في البيمرز ومعظم الألماني..بيكون lifetime ومش بيحتاج تغيير..مبدئياً إنت لازم تلاحظ حاجة من الآتي عشان تقول الزيت محتاج تغيير :-

- هبدة في النقلات
- تقل في النقلات..تأخر يعني
- نتشة في الغيار

لو حسيت بحاجة من دول يبقي غير زيت وفلتر..لو الدنيا تمام معاك..سيب الفتيس متفكش فيه مسمار

- إذا إحتجت تغيير الزيت لازم تتبع الآتي :-
- تروح لحد متخصص في البيمر.وتخليه ينزل زيت الفتيس كل كيلو علي حِدا..بمعني..ينزل كيلو من القديم.ويزود كيلو زيت أوتوماتيك عادي جديد.ويكرر العملية لحد ما يلاحظ إن لون الزيت بقي نظيف..ساعتها ينزل كل اللي في الفتيس ويحط الزيت الأصلي بتاعها حوالي 7 كيلو.والكيلو بيعمل 125 جنيه.
خد بالك..لو نزل زيت الفتيس القديم بطريقة مباشرة علي طول..هيطير الفتيس لأن هيحصل إنسداد في الـ Body Valve بتاعه..بالتوفيق إن شاء الله