أنا غيرتوا ضمان في التوكيل, الكلام ده كان في أول اسبوع اشتريت فيه العربية.
عرض للطباعة
السلام عليكم
انا هقلكم اخر التطورات بحيث ممكن حد يستفيد
انا اكتشفت ان المراوح استحالة ترجع تشتغل لو كنت مشغل التكييف لان المراوح بتفضل شغاله على طول
الحراره عليت معايا تاني بس بدون ما التكييف يكون شغال لحوالي دقيقة وترجع توطى تاني
اول ما المروحة التانية تشتغل
بخصوص الاستاذ الي بيسأل على تكلفة تغيير الريداتير
انا ركبت نوع تيواني زي ما استاذ عصام قال.. بس عندي احساس كبير انه صيني بس ما علينا
ده سعره 550 و خد اجره تركيب 100 بعد الخصم المفروض كان ببقى 175 بس عملي خصم ومدانيش الفاتورة
سعره اصلي بكام بقى!!
انا هقول ومليش دعوة بالأثار العرضيه ههههههه
سعر الاصلي 3300
ايون انت قريت صح رقم مكون من 4 ارقام لوووول
بخصوص الاستاذ الي بيسأل على فيديو تغيير الترموثتات اهو
http://www.nilemotors.net/Nile/256817-2.html
اخر التطورات..
رحت يوم الخميس ل عصام صفا وانا في الطريق العربية سخنت كالعادة قلت الحمدلله علشان اثبت المشكله
المهم دخلت لموظف الاستقبال وقلتله على الموضوع من اوله
اني كنت بشتكي من موضوع الحرارة وانهم قالولي المشكله من الريداتير وغيروه
المهم فضلت مستني من 11 لحد 1.5 لما ابتدوا يشتغلوا في العربيه
من غير مطول عليكم توصلوا تن المشكله غالبا من غطاء الريداتير..
ملاحظه: الريداتير الجديد الصيني بيجي بدون غطاء
المهم جبلي غطا قديم من عنده وغيره وطلعناا نجرب بس طبعا الخمس دقايق ميبنوش
قلولي جرب وشوف
يادوب وصلت عند رابعة لقيت الحراره على الاخر
كانت الساعه 3.5
كلمتهم قالولي تعالا السبت
الجديد بقى اني على موصلت البيت لقيت الريداتير بيشر من تحت وشكله ضرب!!
بكره هرحلهم وربنا يسترها بقى حاجه اخر عكننه
من وجهة نظري ان الحاجات اللي زي دي لما تتغير لازم تتغير بالاصلي مش حاجه تانيه..وان شاء الله خير وروح للمهندس عصام واحكيله....
أكيد طبعا حاجة تعكنن وتضايق ومضيعة للوقت ..... بس معلش ... قدر الله وماشاء فعل .... اصبر وربنا يسهل وتتحل المشكلة.
السلام عليكم
رحت انهارده لمركز عصام وصفا
طبعا داخل مشحون ومستني اي كلمه علشان انطلق
بس الصراحه الناس كانوا محترمين جدا كل العملته اني شاورت على بركة الميه الي العربيه عملتها في الدقيقه بتاعه نزولي من العربيه ورحت لحد الاستقبال
مهندس عصام كان موجود قالي المفتاح ادتهلهم ودخلوها جوه وقالي اتفضل في الاستقبال
طلعت فوق وفضلت اتفرج من الزجاج لقيتهم راحوا جايبيين ريداتير جديد وفكوا بتاع المره الفاتت وغيروه
قلت الحمدلله نص المشكله اتحل..المهك بقى المشكله الاساسيه الي انا كنت جايلها من اول يوم
نزلت ورحت ناحية الصنايعي فبقله ايه الاخبار
وبرمي بعيني لقيته مطلع الترموثتات..
بيقلي الترموثتات قافش وهو السبب في كل ده..
المهم طيب ايه الكلام
قلي غيرنالك الريداتير وهنشيل الترموثتات انت مش هتحتاجه لققنا في الصيف وهلى الشتا تعالا نركب واحد
طبعا كلام ميوزنش
رحت للمهندس عصام وقلتله ازاي امشي بدون ترموثتات قلي ايه المشكله ده للشا علشان يسخن العربيه بسرعه
..وشي مكنش باين عليه الانبساط خصوصا واني عارف اهمية الترموثتات كويس
قلته طيب ممكن حضرتك تحطلي غيره جديد وهدفع تمنه معنديش مشكله ان تشخيص العطل من الاول مش في محله..
الراجل كان محترم الصراحه وقلي معنديش حاليا بس لو حابب هاته من بره وعنيا ليك
وخدت العربيه بعد مقفلنا وجربت وتادنيا تمام الحمدلله لحد دلوقت
الفكره بعد مبطلت المراوح قفلت وده شيء كويس.. وللصدفه فضلت واقف جمب العربيه بعمل شوبه حاجات فلقيت المراوح اشتغلت لوحدها لمده 5 دقايق وفصلت تاني..
هعرفكم اخر التطورات ان شاء الله...
ملاحظه:كنت شاري بليه كاتينه وسير كتينه ومجموعة فقلتله غيرهملي فغيرهم عادي وتكلفت تغيرهم 300 جنيه
واشترتهم من مكه ب حوالي 400 جنيه كلهم