الحيرة الأزلية

**ramymechanics** · 13-05-2013 03:28 AM

يا جماعة أنا محتاج مشورتكم

أنا بعد تفكير طويل والحيرة الأزلية بين القاشقاى والسبورتاج كنت قررت انى أستنى القاشقاى ال 2014 وأجيبها انشاء الله لأنى فعلا مقتنع باليابانى .... فى واحد صاحبى لعب فى دماغى معاه سبورتاج الفئة الثانية ومحافظ عليها جدا وانا عارف دة كويس عاملة 13 ألف كيلو عرض عليا انه يبيعهالى ب 200 ياخد 100 ويقسط لى ال 100 التانية على سنة عشان الصداقة يعنى لأن هو محتاج ال 100 دى بس دلوقتى .. انا واثق فيه جدا وفى حالة العربية لأنه صاحبى وجارى و زميلى فى الشغل ومش بشك فيه بأى صورة

لو أنتم مكانى تعملوا ايه .. انا معايا صنى 2009 وخايف اوى من النقلة من يابانى لكورى ... أرجو الأفادة ونفكر مع بعض لأنه محتاج رد عشان هو عرضها عليا قبل ما يعرضها برة لأنه عارف انى عاوز حاجة كروس أوفر .... وشكرا مقدما

**miceg** · 13-05-2013 05:16 AM

انا لو مكانك
اخدها منه اجربه يوم او اثنين
وحسب راحتك للعربية
خلص الديل
وخاصه انه صاحبك ويثق فيك في باقي المبلغ
القاشقاي عربية جميله
والسبورتاج أيضا
والمقارنات موجودة في القسم بعضها في صالح القاشقاي والبعض الاخر في صالح السبورتاج

**miceg** · 13-05-2013 05:38 AM

المشاركة الأصلية كتبت بواسطة ramymechanics

أنا متشكر أوى لرد حضرتك أنا ركبت العربية وهى عاجبانى بس أنا بتكلم عن النقلة من يابانى لكورى .. يعنى مثلا انا عربيتى النيسان فى خلال 5 سنين معملتش أكتر من تغيير الزيوت العادى وتيل الفرامل غير كدة عمرها مثلا ما عطلت منى ... هل لو رحت للكورى خصوصا لو حاجة غالية زى السبورتاج هلاقى المثل لأنها لسة معملتش كيلوات كتير وصيانتها الدورية فى التوكيل ولا هلاقى نفسي كل فترة بغير فيها حاجة ؟؟؟ ... آسف للأطالة وشكرا لحضرتك

بص ياباشا
ياباني وكوري مبقتش فارقة كتير خاصة فالسوق المصري
يعهني لو انت حبيت تبيع عربية نيسان وجمب منها هيونداي او كيا
هتلاق يالكيا والهيونداي ماسكين سعر أكيثر من النيسان الياباني
بعدين السبوبتاج عربية جميله جدااا ولا غبار عليها
يكفي انتشارها بشكل رهيب في الشارع المصري
وشكلها الخارجي أحسن من القاشقاي

**Amr2004IBM** · 13-05-2013 10:42 AM

لو قريت المقارنات هتﻻقى لصالح الاسبورتج
و احنا جربنا الى اتنين بصراحه الاسبورتاج تكسب بوجه عام
اما بنسبه ﻷاعطال و قطع الغيار ما تقلقش لان مستوى التصنيع الكورى الطور جدا فى السنوات السابقه و اصبح يقارب اليابانى فى قله الاعطال
و بعدين الكورى اعادت بيعه السعريه افضل و اسرع من اليابانى حاليا
اما بنسبه للتقفيل و انجليزى و كورى...الخ مش فارق الاثنان كويسين و انته بنسبه للفرش ابقى افرشها انت على مزاجك عند اى حد كويس
انا شايف ان جميع الافراد هيستفيد
هتفك ازمه صحبك و تركب عربيه جميله و متجربه و بسعر كويس و بتقسيط المريح بدون فوائد انت لو فكرت تجيب واحده زيرو شوف هتجبها بكام و هتستلمها امتى
استخر الله و تو كل عليه

**monamize4** · 13-05-2013 10:47 AM

طبعا خد السبورتاج

اكبر ميزة ف القاشقاى عن السبورتاج هى فرق السعر و انت كدة هتاخده السبورتاج كانها زيرو (لان 13 الف كيلو دا مش عداد اصلا ) و ارخص من الزيرو بحدود 20 الف و انت اولى طبعا و السبورتاج شكلها اشيك بكتير

بس رجاء اكشف على العربية كويس حتى لو كان صاحبها دا جارك و حبيبك بس احتمال يكون فيها حاجة و هو اساسا ما يعرفش و لو انت محرج اكشف عليها من غير علمه لو هيسبهالك يوم تجربها
تانى حاجة , انزل اسال ع اسعار قطع غيارها ف التوكيل و برة التوكيل و شوف قطع الغيار منتشرة برة التوكيل و لا لأ ,,,,,,,,,,,,,,,,,,,,,,,,, مبروك مقدما