ميكانيكي قريب من التجمع الخامس + استشاره ف نوع كاوتش

**M.Osama** · 13-05-2013 12:25 PM

ازيكو يا رجاله.. ليكو وحشه والله !

انا عاوز ميكانيكي قريب من التجمع الخامس يكون بيفهم.. لان العربيه عندي فيها تنتيشه مقرفه غالبا بسبب وساخه بنزين لاني سبت العربيه ماشيه فتره واللمبه منوره ومن ساعتها وهي كدا. بس يكون بيفهم ومش شرط يبقي كبير يعني الحوار مش مستاهل

تاني حاجه بقي انا هشتري كاوتش بريدجستون.. قدامي كذا اختيار في ال my-01 دي تايلاندي ودي الي كانت راكبه عندي ف العربيه من 4 سنين وماشي عليها حوالي 90 الف كيلو.. فرده محترمه وعامله 525

في my-02 بيقولو ان دي التحديث بتاع my-01 ودي اندونيسي والفرده عامله 520 بعد الخصم

وفي ال P250 اندونيسي برده والفرده عامله 500 جنيه

ايه رأيكم ؟؟!!!

**M.Osama** · 13-05-2013 12:57 PM

انا لقيت المشاركه دي

المشاركة الأصلية كتبت بواسطة gabry832003

محمد عبدالراضى-صقر قريش
بتاع كله-ماعدا السمكره والدوكو
مابيفتيش ولا بيجرب الا نادراً لكن فى الغالب بيوصل للحل من أول تكه مع الوصف الدقيق من الزبون.يعنى تقوله ايه اللى حصل بالظبط.
عنده كومبيوتر
اسلوب راقى فى التعامل
بيعمل فرق سعر حوالى 20 % فى قطع الغيار الاستيراد اللى عمرى ماجيبتها من عنده.بأسأل بس :)
بيجيب قطع غيار جديده من محل جنبه-علشان كده اللى يروحلوا لازم يكون عارف اسعار قطع الغيار
المصنعيات معقوله
أمين جداً.يعنى تسيبلوا العربيه وهو يقوم بالازم بما يرضى الله ...عن تجربه
المشكله ان عنده شغل كتيير وماشى بمبدأ فوت علينا بكره.
يعنى زياره تروحله تقوله على المشكله لو بسيطه بيبدأ شغل.لو كبيره يقوللك تعالى بكره من أول اليوم..يعنى ام العطله

السؤال بقي.. فين صقر قريش دي ؟ الي هيا عند الحي العاشر ف مدينة نصر ؟ ناحية سوق السيارات كدا ؟ وياريت لو حد يعرفله رقم تليفون

**Kefo_Honda** · 13-05-2013 01:54 PM

الميكانيكي في الزلزال

**blazer** · 13-05-2013 02:02 PM

بلنسبة للكاوتش b 250 مش كويسة

**Ahmed Lotfy** · 13-05-2013 02:06 PM

متابع

**M.Osama** · 13-05-2013 02:07 PM

المشاركة الأصلية كتبت بواسطة kefo_honda

الميكانيكي في الزلزال

ده ايه الزلزال ده ؟ دي منطقه ف التجمع يعني ؟؟ اسمه ايه طيب وياريت لو رقم تليفونه :))

**mado83** · 13-05-2013 02:26 PM

المشاركة الأصلية كتبت بواسطة blazer

بلنسبة للكاوتش b 250 مش كويسة

why?

**Kefo_Honda** · 13-05-2013 03:40 PM

المشاركة الأصلية كتبت بواسطة m.osama

ده ايه الزلزال ده ؟ دي منطقه ف التجمع يعني ؟؟ اسمه ايه طيب وياريت لو رقم تليفونه :))

أيوه الزلزال في التجمع حتة شعبية جدا فيه هناك كذا ميكانيكي و عافشجي و سمكري
01120721738
اسمه محمد شبرا

**Driver101** · 13-05-2013 04:04 PM

المشاركة الأصلية كتبت بواسطة m.osama

انا لقيت المشاركه دي

السؤال بقي.. فين صقر قريش دي ؟ الي هيا عند الحي العاشر ف مدينة نصر ؟ ناحية سوق السيارات كدا ؟ وياريت لو حد يعرفله رقم تليفون

صقر قريش يا محمد في مدخل المعادي، يعني أنت لو على كوبري أكتوبر هتكمل للآخر لحد نهاية الكوبري في ثلاث نزلات، هتاخد النزلة اللي ناحية اليمين المؤدية للمعادي وتأخد الاوتوستراد لحد ما توصل لصقر قريش. لو تحب احنا ممكن نرتب ونروح سوا لأني كنت بعدي على صقر قريش يوميا لمدة سنتين. أي يوم باستثناء بكره لأني مضطر أروح التجمع.

وموفق إن شاء الله.

**M.Osama** · 13-05-2013 04:21 PM

المشاركة الأصلية كتبت بواسطة driver101

صقر قريش يا محمد في مدخل المعادي، يعني أنت لو على كوبري أكتوبر هتكمل للآخر لحد نهاية الكوبري في ثلاث نزلات، هتاخد النزلة اللي ناحية اليمين المؤدية للمعادي وتأخد الاوتوستراد لحد ما توصل لصقر قريش. لو تحب احنا ممكن نرتب ونروح سوا لأني كنت بعدي على صقر قريش يوميا لمدة سنتين. أي يوم باستثناء بكره لأني مضطر أروح التجمع.

وموفق إن شاء الله.

انا عاوز اروح فعلا لحد يكون فاهم بس ف نفس الوقت الحوار مش ضخم يعني دي تنتيشه من وساخه بنزين.. طب لو حبيت اروحله من التجمع هيبقي مشوار ولا ايه ؟

الموضوع: ميكانيكي قريب من التجمع الخامس + استشاره ف نوع كاوتش

LinkBack

أدوات الموضوع

عرض

-

-

-

المواضيع المتشابهه

التجمع الخامس

التجمع الخامس

كيف اصل الى التجمع الخامس ؟

شقق في التجمع الخامس

هو فيه مرور في التجمع الثالث ااقدر اطلع منه رخصه غير التجمع الخامس.. ارجو المساعده

الكلمات الدلالية لهذا الموضوع

المفضلات

المفضلات

ضوابط المشاركة